ஜோலார்பேட்டையில் இருந்து ரெயிலில் சென்னைக்கு குடிநீர் எடுத்துச் சென்றால் போராட்டம் - துரைமுருகன் எச்சரிக்கை

**ayyasamy ram** · **ayyasamy ram** Tue Jun 25, 2019 7:19 am

சென்னை,

தமிழகம் முழுவதும் கடும் தண்ணீர் பஞ்சம் ஏற்பட்டுள்ளது. சென்னை மக்கள் குடிக்க, குளிக்க என எதற்குமே தண்ணீர் இல்லாமல் அல்லாடி வருகின்றனர். இதனிடையே குடிநீர் திட்டப் பணிகளுக்காக கூடுதலாக 200 கோடி ரூபாயை ஒதுக்கீடு செய்து முதலமைச்சர் எடப்பாடி பழனிசாமி நேற்று உத்தரவிட்டார். மேலும் வேலூர் மாவட்டம் ஜோலார்பேட்டையில் இருந்து தினமும் 10 மில்லியன் லிட்டர் குடிநீரை சென்னை வில்லிவாக்கத்திற்கு ரெயில்வே வேகன் மூலமாக கொண்டுவந்து தண்ணீர் வழங்க நடவடிக்கை எடுக்கப்படும் எனவும் முதலமைச்சர் தெரிவித்திருந்தார்.

இந்நிலையில் ஜோலார்பேட்டையில் இருந்து ரெயிலில் சென்னைக்கு குடிநீர் எடுத்துச் சென்றால் போராட்டம் நடத்தப்படும் என திமுக பொருளாளர் துரைமுருகன் எச்சரிக்கை விடுத்துள்ளார்.

சட்டப்பேரவை கூட்டத்தொடரில் தண்ணீர் பிரச்சினை தொடர்பாக திமுக எடுத்துரைக்கும் என்றும் அவர் கூறினார்.

தண்ணீர் பிரச்சினையை ஆளும் அரசிடம் மக்கள் முறையிடுகிறார்கள். ஆனால் அரசாங்கம் அதனை கடவுளிடம் முறையிடுகிறது. கடவுளிடம் முறையிடுகிறார்கள் என்றால் தண்ணீர் தட்டுப்பாட்டை சமாளிக்க முடியவில்லை என்பதை அரசு ஒப்புக்கொண்டுள்ளது எனத் தெரிவித்தார்.
-
தினத்தந்தி

**பழ.முத்துராமலிங்கம்** · 27/09/2015

இந்த திமுக கோஷ்கள் மக்களுக்கு தண்ணீர் வழங்க முற்படலில்லை. மக்கள் தண்ணீர் கஷ்டத்தில் தவிக்க வேண்டும் அதை ஊதி பெரியதாக்கி பிரச்சனையை தூண்டிவிட வேண்டும்.
இந்த தண்ணீர் பிரச்சனைக்கு ஸ்டாலின் குடத்தை வைத்து சென்னையில்
போராட்டம் நடத்துவார்.
இதே நேரத்தில் அரசாங்கம் ஜோலார்பேட்டையில் இருந்து மக்களுக்கு எப்படியேனும் தண்ணீர் கொண்டு செல்ல ஏற்பாடு செய்யும், இவர்கள் எப்படியோ தண்ணீர் கொண்டு வந்து விடுவார்கள் போல் தெரிகிறது. அதை தடுக்கவேண்டும் என்று துரைமுருகன் போராட்டம்.
இவர்களே தண்ணீர் இல்லை என்று தண்ணீர் எடுத்து செல்லக் கூடாது என்றும் போராட்டம் நடத்துவார்களாம்.

ஏன் இப்படி ஒரு நாடகம்.

**T.N.Balasubramanian** · **T.N.Balasubramanian** Wed Jun 26, 2019 6:32 pm

இவர்கள்தான் மக்களுக்கு சேவை செய்யபோகிறார்களாம்/
குழம்பிய குட்டையில் மீன் பிடிக்க போகிறவர்கள் .
சந்தர்ப்பவாதிகள் ..சுயநல விரும்பிகள்.

ரமணியன்

Guest · Guest Thu Jun 27, 2019 7:34 pm

துரைமுருகன் அப்படிச் சொன்னதாக வந்த செய்தியில் முற்றாக உண்மை இல்லை. நிருபர் கேட்ட கேள்விக்கு……...

காவிரி கூட்டுக் குடிநீர் திட்டம் மூலம், திருப்பத்தூரில் இருந்து அரக்கோணம் வரை உள்ள பகுதிகளுக்கு வாரத்தில் 2 நாட்கள் மட்டுமே தண்ணீர் கிடைக்கிறது. அந்த நீரை மறித்து சென்னைக்கு கொண்டு போனால் வேலூர் மாவட்ட மக்கள் போராட்டத்தில் ஈடுபடுவார்கள்.

இது தொடர்பாக அறிக்கை வெளியிட்டு உள்ள திமுக பொருளாளர் துரைமுருகன், காவிரி கூட்டுக் குடிநீர் திட்டம் மூலம், திருப்பத்தூரில் இருந்து அரக்கோணம் வரை உள்ள பகுதிகளுக்கு வாரத்தில் 2 நாட்கள் மட்டுமே தண்ணீர் கிடைக்கிறது. அந்த நீரை மறித்து சென்னைக்கு கொண்டு போனால் வேலூர் மாவட்ட மக்கள் போராட்டத்தில் ஈடுபடுவார்கள் என்றே பேசினேன். எனது கருத்தை திரித்து பொய் பிரச்சாரத்தில் ஈடுபடுவதாகவும் துரைமுருகன் தெரிவித்து உள்ளார்.

சொன்னதை மாற்றி புது விளக்கம் தருவது ஒன்றும் அரசியலில் புதிதல்ல. எது எப்படியோ……………….

கடந்த 50 ஆண்டுகாலமாக இரு கட்சியை சேர்ந்தவர்களே இம்மாநிலத்தை ஆட்சி செய்து வருகின்றனர். ஆகையால், மாநிலத்தில் நிலவும் தண்ணீர் பிரச்சனைக்கு இவ்விரு கட்சியினரே பொறுப்பாகிறார்கள். இங்கு நீர்நிலைகள் பாதுகாக்கப்படவில்லை, நீர் வழித்தடங்கள் முறையாக இல்லை. தண்ணீரின் அவசியங்கள், பிரச்சனை எழும் பொழுது மட்டுமே அறிகின்றனர். தொலைநோக்கு திட்டங்களை உருவாக்கி நீர்நிலைகளை பேணிப் பாதுகாத்தால் மட்டுமே தண்ணீர் பிரச்சனைகளுக்கு தீர்வு கிடைக்கும்.

இல்லையேல், தண்ணீரை வானத்தில் இருந்து பெறாமல், (யாகத்துக்கான செலவு அதிகரிக்கும்-கிம்மிக்ஸ்) நிலத்துக்கு அடியில் இருந்து மட்டுமே பெற முடியும் என்ற நிலை உருவாகும். இது எதிர்காலத்தில் அனைவருக்கும் பேராபத்தே !
(இணையம்)

**பழ.முத்துராமலிங்கம்** · 27/09/2015

Code:: கடந்த 50 ஆண்டுகாலமாக இரு கட்சியை சேர்ந்தவர்களே இம்மாநிலத்தை ஆட்சி செய்து வருகின்றனர். ஆகையால், மாநிலத்தில் நிலவும் தண்ணீர் பிரச்சனைக்கு இவ்விரு கட்சியினரே பொறுப்பாகிறார்கள். இங்கு நீர்நிலைகள் பாதுகாக்கப்படவில்லை, நீர் வழித்தடங்கள் முறையாக இல்லை. தண்ணீரின் அவசியங்கள், பிரச்சனை எழும் பொழுது மட்டுமே அறிகின்றனர். தொலைநோக்கு திட்டங்களை உருவாக்கி நீர்நிலைகளை பேணிப் பாதுகாத்தால் மட்டுமே தண்ணீர் பிரச்சனைகளுக்கு தீர்வு கிடைக்கும்.

இரண்டாயிரத்து பதினொன்றில் ஜெயலலிதா அவர்கள் பதவியேற்றவுடன் மழை நீர் சேகரிப்பை எப்படியேனும் ஏற்படுத்த வேண்டும் என்று முனைப்புடன் செயல் படுத்தினார்.
ஆனால் இதை முழுவதும் எதிர்த்து நடைமுறைப் படுத்தவிடாமல் செய்த்து இந்த திமுக தான். இதை கேலி கிண்டலும் செய்தனர். அப்போது இதை செய்திருந்தால் தற்போது நிலத்தடி நீர் பெறுகி இருக்கும்.

Sponsored content · Sponsored content

ஜோலார்பேட்டையில் இருந்து ரெயிலில் சென்னைக்கு குடிநீர் எடுத்துச் சென்றால் போராட்டம் - துரைமுருகன் எச்சரிக்கை

ஜோலார்பேட்டையில் இருந்து ரெயிலில் சென்னைக்கு குடிநீர் எடுத்துச் சென்றால் போராட்டம் - துரைமுருகன் எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக