என்னங்க….!! – அர்த்தம் பலவிதம்

மனைவி…

பாத்ரூமில் நின்று ”என்னங்க”
என்று அழைத்தால்
கரப்பான் பூச்சி அல்லது பல்லி
என்று அர்த்தம்.

சாப்பிடும் ஹோட்டலில் ””என்னங்க”
என்று அழைத்தால்
பில்லை கட்டு
என்று அர்த்தம்.

கல்யாண வீட்டில்
”என்னங்க” என்றால்
தெரிந்தவர் வந்திருக்கிறார்
வா என்று அர்த்தம்.

துணிக்கடையில் நின்று ”என்னங்க” என்றால்
தேடிய புடவை
கிடைத்து விட்டது
என்று அர்த்தம்.

வண்டியில் செல்லும் போது ”என்னங்க” என்றால்
பூ வாங்க வேண்டும்
என்று அர்த்தம்.

மருத்துவமனை சென்று ”என்னங்க” என்றால்
மருத்துவரிடம்
என்ன பேச வேண்டும்
என்று அர்த்தம்.

வெளியே பார்த்து ”என்னங்க” என்றால்
அறியாத ஆள்
வாசலில்
என்று அர்த்தம்.

பீரோவின் முன் நின்று ””என்னங்க” என்று அழைத்தால்
பணம் வேண்டும்
என்று அர்த்தம்.

சாப்பாட்டை எடுத்து வைத்து ”என்னங்க” என்றால்
சாப்பிட வாங்க என்று அர்த்தம்.

சாப்பிடும் போது
என்னங்க என்றால்
சாப்பாடு சுவைதானா
என்று அர்த்தம்.

கண்ணாடி
முன் நின்று
என்னங்க என்றால்
நகை அழகா நான் அழகா
என்று அர்த்தம்.

நடக்கும் போது
என்னங்க என்றால்
விரலை பிடித்து கொள்ளுங்கள்
என்று அர்த்தம்.

காலமெல்லாம் சொன்னவள்
கடைசி மூச்சின் போது
என்னங்க என்றால்
என்னையும்
அழைத்து செல்லுங்கள்
என்று அர்த்தம்.

என்னங்க என்ற
வார்த்தை இல்லை
என்றால்
எல்லாம் முடிந்து போனது
என்றுதானே அர்த்தம்….?

அவன் இன்றி ஓர் அணுவும்
அசையாது இவ்வுலகில்…
இவள் இன்றி கணவனுக்கு
எதுவுமே இயங்காது வாழ்க்கையில்…

இவள்தான் மனைவி.
============================
அழகோவியம்

வாட்ஸ் அப் பகிர்வு

ரமணியன் 

இனி என்னங்க என்று கூப்பிடும் போதெல்லாம் இந்த கவிதைதானே நினைவு வரும்.

எங்க வீட்ல என்னங்க என்னும் வார்த்தையே கிடையாதுங்க!!!!!! எப்பவும் அழகா திட்டர மாதிரி இருக்கும் யோவ், என்னும் வார்த்தை தான்.

மாணிக்கம் நடேசன் wrote:எங்க வீட்ல என்னங்க என்னும் வார்த்தையே கிடையாதுங்க!!!!!! எப்பவும் அழகா திட்டர மாதிரி இருக்கும் யோவ், என்னும் வார்த்தை தான்.

மேற்கோள் செய்த பதிவு: 1299469


   எல்லார் வீட்டுலேயும் இப்பிடித்தான் . இருந்தாலும்  இப்பிடி எல்லாம் உண்மையை சொல்லக் 

ரமணியன்

குறள் 56:
தற்காத்துத் தற்கொண்டாற் பேணித் தகைசான்ற
சொற்காத்துச் சோர்விலாள் பெண்

உடலாலும் உள்ளத்தாலும் தன்னைக் காத்து, தன் கணவனின் நலன்களில் கவனம் வைத்து, குடும்பத்திற்கு நலம் தரும் புகழைக் காத்து, அறத்தைக் கடைப்பிடிப்பதில் சோர்வடையாமல் இருப்பவளே மனைவி.

வீட்டு வாசலில் நின்று நண்பனுடன் பேசிக் கொண்டிருக்கும் போது ‘என்னங்க’ என்று அழைப்பு வந்தால் “மரியாதையா உள்ள வாறியா இல்ல கதவ சாத்தட்டா”னு அர்த்தம்.

தட்டுல சோறு போட்டுட்டு ‘என்னங்க’ என்று அழைப்பு வந்தால் “சோறு போட்டாச்சு. வந்து வயிர் நிறைய கொட்டிக்கோ”னு அர்த்தம்.

பக்கத்து வீட்டு சண்டையில் நாம தலையிடும் போது ‘என்னங்க’ என்று மனைவியின் சப்தம் வேகமாக கேட்டால் “உன் வேலைய பாத்துக்கு போ. தேவையில்லாத பிரச்சனைல நீ மூக்க நுழைக்காதே”னு அர்த்தம்.

நைட்டு தூங்குவதற்கு முன் ‘என்னங்க’ என்று அழைப்பு வந்தால் “மொபைல்ல நோன்டியது போதும். மரியாதையா போனை வச்சுட்டு தூங்கு”னு அர்த்தம்.

சாப்பாட்டை எடுத்து வைத்து ”என்னங்க” என்று சற்று அழுத்தத்துடன் அழைத்தால் இப்போ சாப்பிட வர்றியா இல்லை லேப்டாப்பை உடைக்கவா என்று அர்த்தம் ……..
(இணையம்)

ஆனால்…….
காலமெல்லாம் சொன்னவள்
கடைசி மூச்சின் போது
என்னங்க என்றால்
என்னையும்
அழைத்து செல்லுங்கள்
என்று அர்த்தம்.
(…..இப்படியும் சொல்வாளா நவீன மனைவி? சும்மா தெரிந்து கொள்ளத் தான் கேட்டேன்)