அப்பளமும் ஊறுகாயும்

**M.Jagadeesan** · **M.Jagadeesan** Tue 18 Jun 2019 - 14:06

நேரிசை வெண்பா
****************************
இலையடைக்கும் அப்பளத்தால் இன்னமுது தீரா
மலைவளரும் மாங்காயால் மாளும் - அலைகுழலாய் !
தோற்றத்தால் மானிடரைத் தேறற்க என்றென்றும்
ஆற்றலால் மிக்காரை ஆற்று .

பொருள் :
==========
அலைபோலும் கூந்தலையுடைய பெண்ணே !
இலை முழுவதையும் அப்பளம் , அடைத்துக்கொள்ளும் . அதிக அளவில் சோறு உண்ண உதவாது . ஆனால் , இலையின் ஒரு மூலையில் இருக்கும் சிறிதளவு மாங்காய் ஊறுகாய் சோறு முழுவதும் உண்பதற்குத் துணை செய்யும் . அதுபோல தோற்றத்தால் சிலர் பெரிய உருவத்தினராக இருந்தாலும் , ஆற்றல் இல்லாதவராக இருப்பர் . சிலரோ , தோற்றத்தால் சிறியவராக இருப்பினும் , ஆற்றல் மிக்கவராக இருப்பர் . ஆகவே தோற்றத்தைக் கொண்டு யாரையும் நாம் மதிப்பிடுதல் கூடாது .

Sudharani · Sudharani Tue 18 Jun 2019 - 17:55

அருமையாக இருக்கிறது உங்கள் வெண்பா.
ஒருவரின் புறத்தோற்றத்தை வைத்து அவைகளின் குணாதிசயத்தை எடை போடக்கூடாது எனும் பகுத்தறிவு சிந்தனை.
நன்று ஐயா

**T.N.Balasubramanian** · **T.N.Balasubramanian** Tue 18 Jun 2019 - 19:13

அருமை.
இன்னுமொரு பதிவேடுத்து சமையல் குறிப்பில் சேர்க்கத்தக்க வெண்பா.

ரமணியன்

Sponsored content · Sponsored content

அப்பளமும் ஊறுகாயும்

அப்பளமும் ஊறுகாயும்

Re: அப்பளமும் ஊறுகாயும்

Re: அப்பளமும் ஊறுகாயும்

Re: அப்பளமும் ஊறுகாயும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக