“கொங்குதேர் வாழ்க்கை அஞ்சிறை தும்பி’

**ayyasamy ram** · **ayyasamy ram** Fri 26 Apr 2019 - 12:07

“கொங்குதேர் வாழ்க்கை அஞ்சிறை தும்பி’ என்ற
சங்கத்தமிழ்ப் பாடலை இயற்றியவர் யார்?
-
பேராசிரியர் கு. ஞானசம்பந்தன் பதில்கள்:
இந்தப் பாடலை இயற்றிய புலவரின் பெயர் இறையனார்.
இப்பாடல் சங்க இலக்கியமான எட்டுத்தொகை நூல்களில்
“குறுங்தொகை’ நூலில் இரண்டாவது பாடலாகத்
தொகுக்கப்பட்டுள்ளது.

ஆனால் “திருவிளையாடல்’ எனும் பராணப்படத்தில் தருமி
(நாகேஷ்) என்ற புலவருக்கு, இறைவனான் சிவபெருமான்
(சிவாஜிகணேசன்) எழுதித் தருவதாக அப்படத்தின்
இயக்குநர் ஏ.பி. நாகராஜன் காட்சியை அமைத்திருப்பார்.

இறையனார் என்ற பெயர் சிவபெருமானைக் குறிப்பதாக
இருக்கலாம் எனக் கருதி இப்பாடலை அவர்கள் பயன்
படுத்தியிருக்கலாம்.

ஆனால் உண்மையில் இப்பாடல் குறுந்தொகைப் பாடலே.
பெண்களின் கூந்தலுக்கு இயற்கையிலேயே மணம்
(வாசனை) உண்டா?
எனும் கேள்வியை உள்ளடக்கியதாக இப்பாடல்
இயற்றப்பட்டிருப்பது தனிச்சிறப்பு.
-
------------------------------------
நன்றி-மஞ்சரி & தினமலர்

Guest · Guest Sat 27 Apr 2019 - 13:16

“கொங்குதேர் வாழ்க்கை அஞ்சிறை தும்பி’ 1571444738

இன்றைய காலத்தில் தான் கதை/கவிதை திருட்டு என தலைவிரித்தாடுகிறது. அன்று இறைவன் பெயரை அல்லது பெயரே இல்லாமல் எழுதுவார்கள். சங இலக்கியங்களில் இதைக் காணலாம்.
அறிவியல் அடிப்படையில் கூந்தல் மணம்.

கூந்தலில் “பீரோமோன்ஸ்“(Pheromones) என்னும் வேதிப்பொருள் உள்ளது. இவை ஆண் பெண் அடையாளம் காட்டவும், பாலின மற்றும் நடத்தைகளைக் கட்டமைப்பு செய்யவும் உதவுகின்றன. இந்த சுரப்பிகளே கூந்தலில் மணம் தோன்றக் காரணமாகின்றன.

இந்த பீரோமோன்ஸ்“(Pheromones) இல் Primer ,Releaser ,Signal/Signaler ,Modulator என நான்கு பிரிவுகள் இருப்பதாக சொல்கிறார்கள்.பருவமடைந்த பெண்களுக்கே இந்த ஹோர்மோன் சுரப்புகளிலினால் சுரக்கப்படும் வாசனை-மணம்- ஏற்படுகிறது. பெண்களைக் கவர பீரோமோன்ஸ்“(Pheromones Cologne - Perfume -spray ) வாசனைப் பொருட்கள் ஆண்களுக்காக விற்கப்படுகின்றன.

இயற்கையில் ஒவ்வொரு உயிர்களும் அழகான கட்டமைப்புப் பெற்றிருக்கின்றன. பெண் மீது ஆணுக்கும், ஆண் மீது பெண்ணுக்கும் கவர்ச்சி ஏற்பட இந்த வேதியியல் கூறுகள் பின்னின்று பணியாற்றுகின்றன. மேற்கண்ட கருத்துக்களின் வழியாகப் பெண்களின் கூந்தலுக்கு இயற்கையிலேயெ மணம் உண்டு என்னும் கருத்துப் புலனாகிறது.

அதே சமயம் வியர்வையில் ஏற்படும் துர்நாற்றம் பக்ரீரியாக்களால் ஏற்படுகிறது.

(National Center for Biotechnology Information -U.S. National Library of Medicine)

சக்தி.

**Dr.S.Soundarapandian** · **Dr.S.Soundarapandian** Tue 30 Apr 2019 - 14:06

பெண்ணின் கூந்தலுக்கு இயற்கையிலேயே உள்ள மணம் என்பது ஓரளவுக்கே உள்ளது! அது ‘கம கம’ மணம் அல்ல! நக்கீரர் குறிப்பிட்டது ‘கம கம’ மணம! இது பூக்கள் சூடுவதாலும், நறுமணப் பொருள்களைப் பயன்படுத்துவதாலுமே வருவது; நக்கீரரின் கருத்துதான் சரி!

Sponsored content · Sponsored content

“கொங்குதேர் வாழ்க்கை அஞ்சிறை தும்பி’

“கொங்குதேர் வாழ்க்கை அஞ்சிறை தும்பி’

Re: “கொங்குதேர் வாழ்க்கை அஞ்சிறை தும்பி’

Re: “கொங்குதேர் வாழ்க்கை அஞ்சிறை தும்பி’

Re: “கொங்குதேர் வாழ்க்கை அஞ்சிறை தும்பி’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக