சுவையான செய்திகள் - தொடர் பதிவு

**ayyasamy ram** · **ayyasamy ram** Fri May 31, 2019 6:06 am

கூல் கார்

அகமதாபாத்தைச் சேர்ந்த சேஜல் ஷா என்கிற பெண்தான் இணையத்தில் இப்போது ஹாட் டாக். சேஜலின் ஊரில் வெயில் 45 டிகிரி செல்சியஸைத் தாண்டி ருத்ர தாண்டவம் ஆடிக்கொண்டிருக்கிறது.

அவரால் ஏசி காருக்குள்ளும் உட்கார முடியாத நிலை. யோசித்தவர் காரின் மேல்புறம் முழுவதும் மாட்டுச் சாணத்தைப் பூசி, வெள்ளை காரை பிரவுன் காராக மாற்றிவிட்டார்!

கார் ‘கூல்’ ஆனதா என்று தெரியவில்லை. ஆனால், வைரலாகிவிட்டது.
-
-குங்குமம்

**ayyasamy ram** · **ayyasamy ram** Fri May 31, 2019 6:07 am

இனி நீங்களும் செஃப்

‘விதவிதமா, அழகா, டெகரேட்டிவ்வா சமைக்கணும். வீட்டுல உள்ளவங்ககிட்ட நல்ல பெயர் எடுக்கணும்...’ என்று நினைப்பவர்களுக்கான விஷயம் இது.

ஃபேஸ்புக்கின் ‘5-minute crafts’ பக்கத்தில் ‘Easy kitchen tricks to turn you into a chef’ என்ற தலைப்பில் இடம்பெற்றுள்ள வீடியோவில் முட்டையை மாடர்ன் வெர்ஷனில் சமைப்பது குறித்து செய்முறை விளக்கமளித்துள்ளனர்.

இந்த வீடியோவை ஐம்பது லட்சம் பேர் பார்த்து ரசித்து படு வைரலாக்கிவிட்டனர்.

**ayyasamy ram** · **ayyasamy ram** Fri May 31, 2019 6:08 am

இனி கவலை வேண்டாம்

‘‘உடல் எடைக்கும் ஆரோக்கியத்துக்கும் பெரியளவில் \
சம்பந்தம் இல்லை...’’ என்று அதிர்ச்சியளிக்கிறது
சமீபத்திய ஆய்வு.

சுமார் ஒரு லட்சம் பேரை 40 ஆண்டுகளாக ஆய்வு செய்ததில்
இந்தத் தகவல் கிடைத்திருக்கிறது. வயதுக்கு ஏற்ப
எடையிருந்தால் நல்ல உடல் நலத்துடன் இருப்பதாக நினைத்துக்
கொள்கிறோம்.

கொஞ்சம் எடை கூடியிருந்தால் மனதளவில் பல இன்னல்களுக்கும்
அவமானங்களுக்கும் ஆளாகிறோம். இதற்கெல்லாம் முற்றுப்புள்ளி
வைக்கிறது இந்த ஆய்வு.

ஆம்; ‘‘உடல் எடைக்கும் ஆயுளுக்கும் கூட எந்த தொடர்பும்
இல்லை. அதனால் உடல் எடை அதிகரிப்பதைப் பற்றி கவலைப்பட
வேண்டாம்...’’ என்கிறது அந்த ஆய்வு. ....
-
--------------------------
-குங்குமம்

**ayyasamy ram** · **ayyasamy ram** Fri May 31, 2019 6:09 am

ஹை ரெசல்யூசன் போன்

மலிவான விலையில் ஸ்மார்ட்போன்களை அறிமுகப்படுத்தி சந்தையைத் தன்வசப்படுத்துவதில் கில்லாடி, ‘ஹூவாய்’. இதன் துணை நிறுவனமான ‘ஹானர்’, சமீபத்தில் ‘20i’ என்ற புது மாடலை களமிறக்கியிருக்கிறது.

6.21 ஃபுல் ஹெச்.டி டிஸ்பிளே, துல்லியமான பிக்சர் குவாலிட்டிக்கு 2340 X 1080 ஹை ரெசல்யூசன், 256ஜிபி ஸ்டோரேஜ், 24 எம்பி, 8 எம்பி, 2 எம்பி என்று மூன்று பின்புற கேமராக்கள், 32 எம்பியில் செல்ஃபி கேமரா என அசத்துகிறது இந்த போன். விலை. ரூ.16,600.