உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா

**ayyasamy ram** · **ayyasamy ram** Thu May 23, 2019 2:35 pm

வெளியிடப்பட்ட நேரம்: 13:25 (23/05/2019)

மேற்கு வங்கத்தில் பாரதிய ஜனதா கட்சி 18 இடங்களில்
முன்னிலை பெற்றுள்ளது. இதனால், மம்தா பானர்ஜி
அதிர்ச்சியடைந்துள்ளார்.
-
உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா Mamtha__12494

உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா Mamtha__12494

மம்தா
-------------

தேர்தல் களத்தில் பிரதமர் மோடியும் மேற்கு வங்க முதல்வர் மம்தாவும்
ஆவேசமாக மோதிக் கொண்டனர். `காலாவதியான பிரதமர்' என்று
மோடியைக் கடுமையாகச் சாடினார் மம்தா.

ஃபானி புயல் நிவாரணத்திலும் அரசியல் கலந்தது.
பிரதமர் அலுவலகத்தின் போன் அழைப்புகளைகூட மம்தா
பதில் சொல்லவில்லை.

தேர்தல் பிரசாரக் களத்தில் பிரதமருக்கு அதிர்ச்சி கொடுத்த
மம்தாவுக்கு இப்போது பாரதிய ஜனதா கட்சி அதிர்ச்சி வைத்தியம்
கொடுத்துள்ளது.

முதன்முறையாக மேற்கு வங்கத்தில் பா.ஜ.க 18 தொகுதிகளில்
முன்னிலையில் உள்ளது. திரிணாமுல் 22 இடங்களில்
முன்னிலையில் பெற்றிருக்கிறது. ஆக, வித்தியாசம் 4 மட்டும்தான்.

கடந்த 2012- ம் ஆண்டு மம்தா மேற்கு வங்க முதல்வரானார்.
30 ஆண்டுகளாக மேற்கு வங்கத்தை ஆண்டு வந்த மார்க்சிஸ்ட்
கட்சியின் ஆட்சி முடிவுற்றது.

கடந்த பொதுத் தேர்தலில் மேற்கு வங்கத்தில் 2 தொகுதிகளை ம
ட்டுமே பெற்ற பாரதிய ஜனதா, இப்போது 18 தொகுதிகளை
கைப்பற்ற இடது சாரி கட்சி ஓட்டுகளும் மாறியிருப்பதும்
ஒரு காரணம்.

கிட்டத்தட்ட 6 சதவிகித கம்யூனிஸ்ட் கட்சி வாக்குகள் பாரதிய
ஜனதாவுக்கு மாறியிருப்பதாக சமீபத்திய ஆய்வு சொல்கிறது.
கடந்த 2 ஆண்டுகளாகவே பாரதிய ஜனதா கட்சி மேற்கு வங்கத்தில்
திட்டமிட்டு தொடர்ச்சியான பேரணிகள், பொதுக் கூட்டங்களை
நடத்தி வந்தது.

தேர்தல் பிரசாரத்தின் போதும் மோடி, அமித் ஷா அடிக்கடி மேற்கு
வங்கத்துக்குச் சென்று பரப்புரையில் ஈடுபட்டனர்.

மேற்கு வங்கத்தில் 7 கட்டங்களாக மக்களவை தேர்தல்
நடைபெற்றது. ஒவ்வொரு கட்ட தேர்தலின் போதும்
திரிணாமுல்- பா.ஜ.க தொண்டர்கள் மோதிக் கொண்டதும்
குறிப்பிடத்தக்கது.

மேற்கு வங்கத்தில் இதே வளர்ச்சியில் பாரதிய ஜனதா கட்சி
சென்றால், 2021-ம் ஆண்டு சட்டமன்றத் தேர்தலில் ஆட்சியைக்
கைப்பற்றினாலும் ஆச்சர்யப்பட ஒன்றுமில்லை.
-
எம்.குமரேசன்
விகடன்

**T.N.Balasubramanian** · **T.N.Balasubramanian** Thu May 23, 2019 5:34 pm

நான் கண்ட வரையில் பெண் தலைவர்கள் அல்லது தலைவிகள்
சிறிது தலைக்கனத்துடனேயே செயல்படுகிறார்கள் என்பது
அவர்கள் பேச்சிலேயே தெரிந்துவிடும். பல உதாரணங்கள் காட்டமுடியும்.

ஃ பானி புயல் சேதம் விஷயமாக பிரதம மந்திரி மோடி பேச விரும்பிய போது
அதை தவிர்த்து அமையப்போகும் புதிய பிரதமருடன் பேசிக் கொள்கிறேன்
என்றவர் மமதா.

இப்போது யாருடன் இவர் பேசப்போகிறார். ?

ரமணியன்

சிவனாசான் · சிவனாசான் Thu May 23, 2019 7:55 pm

இறைவன் யார் யாருக்கு எப்படி படி அளக்கனமோ அதன் படி தவறாமல் அளந்துள்ளார் . துள்ளுகின்ற மாடு பொதிசுமக்காது என்பார்களே ..பொய்யல்ல.
மம்மதை என்றும் அழிவையையே தரும்.

Sponsored content · Sponsored content

உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா

உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா

Re: உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா

Re: உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா

Re: உனக்கு 22, எனக்கு 18!- வளர்ந்து நிற்கும் பா.ஜ.கவால் அதிர்ச்சியில் மம்தா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக