அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

**ayyasamy ram** · **ayyasamy ram** Thu May 16, 2019 12:06 pm

அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை
-
சென்னை:

தமிழ்நாட்டில் 540-க்கும் மேற்பட்ட என்ஜினீயரிங் கல்லூரிகள் உள்ளன.

அண்ணா பல்கலைக்கழக உறுப்பு கல்லூரிகள், அரசு மற்றும் அரசு
உதவி பெறும் என்ஜினீயரிங் கல்லூரிகள், தனியார் சுயநிதி
கல்லூரிகள் என இக்கல்லூரிகள் அனைத்தும் அண்ணா பல்கலைக்
கழகத்தின் இணைப்பு அங்கீகாரம் பெற்று இயங்கி வருகின்றன.

என்ஜினீயரிங் கல்லூரிகள் வாரியாக மாணவர்களின் தேர்ச்சி விகித
பட்டியலை அண்ணா பல்கலைக்கழகம் ஆண்டுதோறும் வெளியிட்டு
வருகிறது.

2018-ம் ஆண்டு நவம்பர்- டிசம்பர் மாதங்களில் நடைபெற்ற
பல்கலைக் கழக செமஸ்டர் தேர்வுகளில் பி.இ., பி.டெக்., மாணவர்களின்
தேர்ச்சி விகிதங்கள் இணைய தளத்தில் வெளியிடப்பட்டன.

இதில் 481 இணைப்பு அங்கீகார கல்லூரிகளின் தேர்ச்சி விகித
விவரங்களை கல்லூரிகள் வாரியாக உள்ளன. ஒவ்வொரு கல்லூரியிலும்
எத்தனை மாணவர்கள் தேர்வு எழுதினர்? அவர்களில் எவ்வளவு பேர்
தேர்ச்சி பெற்றனர்? தேர்ச்சி விகிதம் எவ்வளவு? ஆகிய விவரங்கள் இடம்
பெற்றுள்ளன.

தேர்ச்சி விகித பட்டியலின் படி 6 தனியார் என்ஜினீயரிங் கல்லூரிகளில்
ஒரு மாணவர்கூட தேர்ச்சி பெறவில்லை. இந்த கல்லூரிகளில் இருந்து
பி.இ., பி.டெக்., படிப்புகளுக்கு 682 மாணவர்கள் தேர்வு எழுதினர்.
இவர்கள் அனைவரும் தோல்வி அடைந்துள்ளனர்.

59 கல்லூரிகளில் மட்டுமே 50 சதவீதத்துக்கும் அதிகமானவர்கள் தேர்ச்சி
பெற்றுள்ளனர். சிறந்த தேர்ச்சி விகிதத்தை கொண்ட கல்லூயில் கூட
85.57 சதவீத மாணவர்கள்தான் தேர்ச்சி அடைந்துள்ளனர்.

மொத்தத்தில் 3 கல்லூரிகள் மட்டுமே 80 சதவீதத்துக்கும் அதிகமான தேர்ச்சி
விகிதத்தை பெற்றுள்ளது.
-
-----------------------------------
மாலைமலர்

சிவனாசான் · சிவனாசான் Fri May 17, 2019 6:23 am

ஒரு கல்லூரி பேராசிரியை மாது செயல்பாடு பற்றி தற்போது நினைக்க வைக்கிறது,

Guest · Guest Sat May 18, 2019 11:25 am

பதிவுக்கு

அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை 1571444738

//தேர்ச்சி விகித பட்டியலின் படி 6 தனியார் என்ஜினீயரிங் கல்லூரிகளில்
ஒரு மாணவர்கூட தேர்ச்சி பெறவில்லை. //

அரசியல்வாதிகளின் கல்லூரிகளாக இருக்கலாம்.

**T.N.Balasubramanian** · **T.N.Balasubramanian** Sat May 18, 2019 4:24 pm

அந்த காலங்களில் அரசு நடத்திய பொறியியல் கல்லூரிகள் ,
அழகப்ப செட்டியார் போன்ற கல்விமான்கள் நடத்திய கல்லூரிகள் , அண்ணாமலை பல்கலை கழகம் போன்றவை
அதிக மூலதனம் போட்டு அறிவு மிக்க இளைஞர்கள் படித்து நாட்டை முன்னேற்ற
உதவியாக இருந்தது. மெஷின்கள் /மின்சார லேபுகள்/பாய்லர் ஷாப்கள் அந்த காலத்தில்
பல லக்ஷ ரூபாயில் செலவு செய்தார்கள்.
இப்போதெல்லாம் கல்வி என்பது ஒரு வியாபார பொருளாகி ரவுடிகள் /அரசியல் MLA MP என
பங்கு போட்டுக்கொண்டு டொனேஷன் வாங்கிக்கொண்டு செலவழிக்காமல் 15000 /20000 க்கு மடிக்கணினி
மூலம் பாடம் சொல்லிக்கொடுத்து /அவர்களே பரிட்சை வைத்து /அவர்களே மார்க்கு போட்டு/எல்லோரையும்
பாஸ் செய்து விடுகிறார்கள்.இதற்கும் இதுகளுக்கு தன்னிலை பல்கலை கழக அந்தஸ்து.
1000 கணக்கில் BE டிகிரியை கையில் வைத்துக்கொண்டு 10000 /- கணக்கு எழுதும் வேலையில் இருக்கிறார்கள்.
எனக்கு தெரிந்த ஒருவர் M COM படித்தாராம். பெயின்டிங் வேலை செய்கிறார்.

கல்வியின் தரம் அவ்வளவுதான்.

ரமணியன்

Sponsored content · Sponsored content

அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

Re: அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

Re: அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

Re: அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

Re: அண்ணா பல்கலைக்கழக தேர்வு முடிவு - 6 கல்லூரிகளில் ஒருவர் கூட தேர்ச்சி பெறவில்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக