நடிகர் சஞ்சய் தத்தை முன்கூட்டியே விடுதலை செய்ய மத்திய அரசிடம் அனுமதி பெறவில்லை: ஆர்டிஐ தகவல்

**ayyasamy ram** · **ayyasamy ram** Thu May 16, 2019 9:57 am

SanjayDutt
----------------------------
மும்பை: பிரபல ஹிந்தி நடிகர் சஞ்சய் தத்தை முன்கூட்டியே
விடுதலை செய்ய மத்திய அரசிடம் அனுமதி ஏதும் பெறவில்லை
என ஆர்டிஐ மூலம் தகவல் பெற்றிருப்பதாக பேரறிவாளன் தரப்பு
தெரிவித்துள்ளது.

மும்பையில் கடந்த 1993-ஆம் ஆண்டு நிகழ்ந்த தொடர் குண்டு
வெடிப்பு சம்பவங்களுக்கு, துப்பாக்கியை பதுக்கி வைத்திருந்து
உதவி புரிந்ததாக சஞ்சய் தத்துக்கு எதிராகப் புகார் எழுந்தது.

இதுதொடர்பான வழக்கில் குற்றம் நிரூபிக்கப்பட்டதை அடுத்து,
சஞ்சய் தத்துக்கு 5 ஆண்டு சிறைத் தண்டனை விதிக்கப்பட்டது.

எனினும், சிறையில் நன்னடத்தையைக் காரணம் காட்டி,
தண்டனைக் காலம் முடிவதற்கு 8 மாதங்களுக்கு முன்பே
மகாராஷ்டிர அரசு கடந்த 2016 ஆம் ஆண்டு பிப்ரவரி 25 ஆம்
தேதி அவரை விடுவித்தது.

முன்னாள் பிரதமர் ராஜீவ் காந்தி கொலை வழக்கில்
சிறையிலுள்ள பேரறிவாளன் உள்ளிட்ட 7 பேரையும் அரசியல்
சாசன சட்டப்பிரிவு எண் 161-ஐ பயன்படுத்தி பேரறிவாளன்
உள்ளிட்ட 7 பேரையும் விடுதலை செய்ய தமிழக அரசு தீர்மானம்
நிறைவேற்றியது.

இந்த தீர்மானத்தின் கோப்பு ஆளுநருக்கு அனுப்பி வைத்தும்
இதுவரை ஆளுநர் பன்வாரிலால் புரோஹித் எந்த முடிவையும்
எடுக்காமல் காலம் தாழ்த்தி வருவதாக குற்றச்சாட்டு எழுந்துள்ளது.

இந்நிலையில், பிரபல ஹிந்தி நடிகர் சஞ்சய் தத்தை முன்கூட்டியே
விடுதலை செய்ய மத்திய அரசிடம் ஒப்புதல் பெறவில்லை என
மும்பை எரவாடா சிறை நிர்வாகத்திடம் ஆர்டிஐ மூலம் தகவல்
பெற்றிருப்பதாக பேரறிவாளன் தரப்பு தகவல் பெற்றதாக கூறப்படுகிறது.

சஞ்சய் தத்தை விடுவிக்கும் முன்பு மகாராஷ்டிர அரசு மத்திய அரசிடம்
கருத்தை கேட்கவில்லை என பேரறிவாளன் தரப்பு கூறியுள்ளது.
-
தினமணி

**T.N.Balasubramanian** · **T.N.Balasubramanian** Thu May 16, 2019 10:31 am

நம் நாட்டில் வரையறுக்கப்பட்டுள்ள சட்டங்கள் சரியாக இருந்தும்
சில கருப்பு ஆடுகள்,பணக்காரர்களிடம் இருந்து பெறும் சில சலுகைகளுக்காக கண்ணை மூடிக்கொண்டு
இருக்கிறார்கள். சிலர் அரசியல் முக்கியத்துவம் மூலம் வழக்கு நீட்டிப்பு,வாய்தா ,சிறை தவிர்ப்பு முதலியவை
நடைபெறுவதை பார்த்தால் தலை சுற்றுகிறது. சாமானியர்களுக்கு இவை சாத்தியப்படுமா?

ஒரே சட்டம் யாவருக்கும் ஒரே நீதி என்று (எந்த தினத்தில்) மிளிர்கிறதோ அன்றே உன்னத பாரதம் என்போம்.

ரமணியன்

நடிகர் சஞ்சய் தத்தை முன்கூட்டியே விடுதலை செய்ய மத்திய அரசிடம் அனுமதி பெறவில்லை: ஆர்டிஐ தகவல்

நடிகர் சஞ்சய் தத்தை முன்கூட்டியே விடுதலை செய்ய மத்திய அரசிடம் அனுமதி பெறவில்லை: ஆர்டிஐ தகவல்

Re: நடிகர் சஞ்சய் தத்தை முன்கூட்டியே விடுதலை செய்ய மத்திய அரசிடம் அனுமதி பெறவில்லை: ஆர்டிஐ தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக