விழிப்புணர்வு - ஃப்பிங்க் - (Fing) - இரகசிய கமெரா கண்டறிய..

Fing சிமாட் போன்களில் பாவிக்கப்படும் ஒரு இலவச செயலியாகும். வீடு/விடுதி என பல இடங்களிலும் இரகசிய காமெராக்கள் பொருத்தப்பட்டு கண்காணிக்கப்படுகிறது.இதன் மூலம் அந்தரங்க செயற்பாடுகளை படம்/காணொலி எடுத்து தவறாகப் பயன்படுத்துவது அனைவரும் அறிந்ததே.இப்படியான இரகசிய கெமராக்கள் digital TV boxes, wall sockets ,hairdryer holders, clock,smart toilets,புத்தகங்கள், மேசை தாவரங்கள்,டிஸ்யு பேப்பர் பெட்டிகள்,மின் விளக்குகள் என பல இடங்களில் மறைத்து வைக்கப்படுகின்றன.

தற்போது விற்கப்படும் அதிகமான கடிகாரம்,வயர்லெஸ் சார்ஜர்,தீ ஏற்படும் போது எச்சரிக்கை செய்யும்  smoke detectors போன்ற பல பொருட்களில், கெமெராக்களை தயாரிப்பு நிறுவனங்கள் பொருத்துகிறார்கள். இப்படிப் பொருத்துவது திருடர்களைக் கண்டறியவும்,வேலைக்காரர்களின் செயற்பாடுகளை கண்காணிக்கவும் பயன்படுத்தப்படுகிறது. ஆனால் இதை தவறாகப் பயன்படுத்துவோரும் உள்ளனர்.



உள்ளக இணைய இணைப்பை (local/wifi) பயன்படுத்தி அங்கிருக்கும் அனைத்து இணைப்புகளையும் ( Devices ) Fing app மூலம் கண்டறிய முடியும். அதன்மூலம் இரகசிய கெமராக்களை கண்டு பிடிக்கலாம்.





அனேகமாக எல்லா ஐ.பி கண்காணிப்பு கமராக்களிலும் (IP cameras)  infrared for night vision பாவிக்கப்படுவதால், மின்விளக்கை அணைத்தவுடன் சுலபமாக கண்ணால் பார்க்க முடியாத இன்பிராரெட் ஒளியை சிமாட் போன்கள் மூலம் இரகசிய கெமராக்கள் பொருத்தப்பட்டுள்ள இடங்களைக் கண்டறிய முடியும்.

மிகச் சில சிமாட் போன்களில் முதன்மை (front) கெமெராவில், ஃப்பில்டர் இருப்பதால் இன்பிராரெட் ஒளியை அது தடுத்து விடலாம். ஃப்பில்டர் (filter) இருப்பதைக் கண்டறிய, டிவி ரிமோட்டை சிமாட் போன் கமெராவை நோக்கிப் பிடித்து,ரிமோட்டின் ஏதாவது பொத்தானை அழுத்தினால், கைபேசித் திரையில் வெளிச்சம் தெரிந்தால், (இன்பிராரெட்டை கண்டறியும் திறன் கொண்டதாக) பயன்படுத்திக் கொள்ளலாம்.

இதைப்போல infrared  ஒளியை சுலபமாக கண்டறியும் Hidden camera detector போன்ற ஆப்கள் சிமாட் போன்களில் கிடைக்கின்றன. அதேபோல் லேசர் பென் போன்ற தனியான பொருட்களும் கிடைக்கின்றன.

வேறு முறைகள்……
யாருக்காவது கைபேசி அழைப்பை ஏற்படுத்தி அறையில் நகரும் போது வெளியிடப்படும் ரேடியோ சிக்னல் (RF) காரணமாக அழைப்பில் தடையோ வேறு சத்தங்களோ (noise -not noice) வரலாம்.

அனைத்து மின் விளக்குகளையும் அணைத்து விட்டு கைபேசி திரையை உங்கள் பக்கம் வைத்துக் கொண்டு எல்லாப் பக்கங்களுக்கும் திருப்பி பர்த்தால் IR ஒளியை உமிழும் கமெராவை கண்டு பிடிக்கலாம்.

two-way mirror சில இடங்களில் பொருத்தப்பட்டிருக்கலாம். அதாவது அறையில் அல்லது உடை மாற்றும் கபீனில் இருப்பவரை, மறு பக்கத்தில் இருப்பவர் பார்க்கக் கூடியதாகவும், அறையில் இருப்பவர் மறு பக்கத்தில் இருப்பவரை பார்க்க முடியாத படியும் இருக்கும் (கார் கண்ணாடிகள் போல்) .கண்ணாடியின் பின், கமெராக்கள் இருக்கலாம்.விரல்களைக் கொண்டு பிரதிபலிப்பை வைத்து அறியலாம்.(70% மட்டுமே சரியாக இருக்க வாய்புண்டு)




தென் கொரியாவில் இது பெரும் பிரச்சனையாக உருவெடுத்திருக்கிறது. அதிகாரிகள் தினமும் கழிப்பறைகள் விடுதிகள் என சோதனை நடத்தி வருகின்றனர். பல சட்டங்களை கடந்து நேரலையாக ஒளிபரப்பி வருகின்றனர்.

தொழில் நுட்பம் வளர்ச்சியைக் கடந்து தவறான பயன்பாட்டில் கொடிகட்டி பறப்பது வருத்தமளிக்கிறது.
(சக்தி)