ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று

**ayyasamy ram** · **ayyasamy ram** Fri May 03, 2019 11:02 am

-
அசுர வேகத்தில் வீசும் போனி புயல்: முக்கிய அம்சங்கள்
புதுடில்லி :
வங்கக் கடலில் உருவாகி உள்ள போனி புயல் ஒடிசா மாநிலம்
புரி அருகே கரையை கடந்து வருகிறது. இந்த போனி கடந்த
23 ஆண்டுகளில் இல்லாத அளவிற்கு பலத்த சேதத்தை
ஏற்படுத்தும் எனவும், கஜா புயலை விட 5 மடங்கு அதிக சேதத்தை
ஏற்படுத்தும் எனவும் கூறப்படுகிறது.

போனி புயல் பற்றிய முக்கிய அம்சங்கள் :

* ஒடிசாவின் கோபால்புர் - புரி இடையே போனி புயல் கரையை கடந்து வருவதால் ஒடிசாவில் அசுர வேகத்தில் புயல் காற்று வீசி வருகிறது. தொடர்ந்து கனமழை பெய்து வருகிறது.

* அதிதீவிர புயலாக மாறி உள்ள போனி, கரையை கடக்கும் போது மணிக்கு 200 - 230 கி.மீ., வேகத்தில் காற்று வீசக்கூடும். இது அடுத்த 4 முதல் 6 மணி நேரங்களில் மேலும் தீவிரமடைய வாய்ப்புள்ளதாக கூறப்படுகிறது.

* ஒடிசாவில் உள்ள சுமார் 10,000 கிராமங்கள், 52 நகரங்கள் போனி புயலால் பாதிக்கப்படும்.

* 1999 ம் ஆண்டிற்கு பிறகு ஒடிசா எதிர்கொள்ளும் தீவிர புயல் இதுவாகும். 1999 ம் ஆண்டு ஏற்பட்ட புயல் பாதிப்பில் சுமார் 10,000 பேர் உயிரிழந்தனர். அப்போது காற்றின் வேகம் மணிக்கு 270 முதல் 300 கி.மீ., வேகத்தில் இருந்தது.

* குடிசை வீடுகள், கூரை வீடுகள் முற்றிலுமாக சேதமடையும். சாலைகள் மற்றும் பயிர்கள் பெரிய அளவில் பாதிப்பை சந்திக்கும். மின் கம்பங்கள் கடும் சேதத்தை சந்திக்கும் என வானிலை மையம் எச்சரித்துள்ளது.

அடுத்த 6 மணி நேரத்திற்கு ஒடிசாவில் மோசமான வானிலையே நிலவும் எனவும் எச்சரிக்கப்பட்டுள்ளது.

* ரயில், சாலை, விமான போக்குவரத்து ஒடிசாவில் முற்றிலுமாக நிறுத்தப்பட்டுள்ளது. புவனேஸ்வர் விமான நிலையம் மூடப்பட்டுள்ளது.

* 200 க்கும் அதிகமான ரயில்கள் ரத்து செய்யப்பட்டுள்ளன. பரதிப், கோபால்புர் மற்றும் தம்ரா துறைமுகங்களும் மூடப்பட்டுள்ளன.

* அனைத்து கல்வி நிறுவனங்கள், கடைகள், அலுவலகங்கள், வர்த்தக நிறுவனங்கள் உள்ளிட்டவைகள் மூடப்பட்டுள்ளன. வாகன போக்குவரத்திற்கு கட்டுப்பாடு விதிக்கப்பட்டுள்ளது.

* 4852 புயல் மற்றும் வெள்ள நிவாரண மையங்கள் அமைக்கப்பட்டுள்ளது. 28 தேசிய பேரிடர் மீட்புப் படை, 20 ஒடிசா பேரிடர் அதிவிரைப்படை, 525 தீயணைப்பு வீரர்கள் மீட்புப் பணியில் ஈடுபடுத்தப்பட்டுள்ளனர்.

* நிவாரண பொருட்களை கொண்டு செல்ல 3 கடற்படை கப்பல்கள், ஹெலிகாப்டர்கள், மீட்புப்படை விமானங்கள் ஆகியன தயார் நிலையில் வைக்கப்பட்டுள்ளன.
-
தினமலர்

**ayyasamy ram** · **ayyasamy ram** Fri May 03, 2019 11:27 am

000]
ஃபானி புயலின் கண் பகுதி கரையை கடந்து வருகிறது:
மணிக்கு 245 கி.மீ. வேகத்தில் காற்று

ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று Fani_may33

புவனேஸ்வர்: ஒடிஸாவில் இன்று காலை 8 மணிக்குக்
கரையைக் கடக்கத் தொடங்கிய ஃபானி புயலின் கண்
பகுதி கரையைக் கடந்து வருகிறது.

இன்று காலை 8 மணிக்கு கரையைக் கடக்கத் தொடங்கிய
ஃபானி புயல் மதியம் 11 மணிக்கு கரையை நடந்து முடிக்கும்
என்று கணிக்கப்பட்டுள்ளது.

ஒடிஸாவின் கடலோரப் பகுதிகளில் இருந்து 10 லட்சத்துக்கும்
மேற்பட்ட மக்கள் வெளியேற்றப்பட்டுள்ளனர். அதிகபட்சமாக
கஞ்சம் மாவட்டத்தில் இருந்து மட்டும் 3 லட்சம் பேர்
வெளியேற்றப்பட்டுள்ளனர்.

ஃபானி புயலால் பாதிக்கப்பட்டவர்களுக்கு உதவ இலவச
தொலைபேசி எண் 1938 அறிவிக்கப்பட்டுள்ளது.
-
தினமணி

**ayyasamy ram** · **ayyasamy ram** Fri May 03, 2019 1:02 pm

ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று Gallerye_084120507_2268597

Sponsored content · Sponsored content

ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று

ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று

Re: ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று

Re: ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று

Re: ஃபானி புயலின் கண் பகுதி கரையை கடந்து வருகிறது: மணிக்கு 245 கி.மீ. வேகத்தில் காற்று

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக