நீக்கப்பட்ட ராணுவ வீரர் மோடியை எதிர்த்து போட்டி

**ayyasamy ram** · **ayyasamy ram** Tue Apr 30, 2019 9:52 am

லக்னோ :
தரமற்ற உணவு வழங்கப்படுவதாக பொய் புகார் கூறியதற்காக,
துணை ராணுவப் படையிலிருந்து நீக்கப்பட்ட, தேஜ் பகதுார்,
வாரணாசி தொகுதியில், பிரதமர் மோடியை எதிர்த்து, சமாஜ்வாதி
கட்சி சார்பில் களம் இறக்கப்பட்டுள்ளார்.

இந்திய எல்லை பாதுகாப்பு படையில் பணியாற்றியவர்,
தேஜ் பகதுார் யாதவ். கடந்த, 2017ல், ராணுவத்தில் உள்ள
வீரர்களுக்கு தரமற்ற உணவு வழங்கப்படுவதாக கூறி, 'வீடியோ'
ஒன்றை வெளியிட்டார்;

இது, பெரும் சர்ச்சையை ஏற்படுத்தியது. இதுகுறித்து,
விசாரணைக்கு உத்தரவிடப்பட்டது. இதில், தேஜ் பகதுார்,
பொய் புகார் கூறியது தெரியவந்தது. இதையடுத்து அவர்,
துணை ராணுவப் படையிலிருந்து அதிரடியாக நீக்கப்பட்டார்.

இந்நிலையில், தற்போது நடக்கும் லோக்சபா தேர்தலில்,
பிரதமர் மோடி போட்டியிடும், உத்தர பிரதேச மாநிலம்,
வாரணாசி தொகுதியில், சமாஜ்வாதி கட்சி சார்பில்,
தேஜ் பகதுார் வேட்பாளராக அறிவிக்கப்பட்டு உள்ளார்.

ஏற்கனவே, இந்த தொகுதியில், சமாஜ்வாதி - பகுஜன் சமாஜ்
கூட்டணி சார்பில், ஷாலினி சிங் என்பவர், வேட்பாளராக
அறிவிக்கப்பட்டிருந்தார்.

தற்போது, அவருக்கு பதிலாக, தேஜ் பகதுார் அறிவிக்கப்பட்டுள்ளார்.
இவர், சில நாட்களாகவே, பிரதமர் மோடியை எதிர்த்து போட்டியிடப்
போவதாக கூறி வந்தார் என்பது குறிப்பிடத்தக்கது.
-
----------------------------------------
தினமலர்

**Dr.S.Soundarapandian** · **Dr.S.Soundarapandian** Tue Apr 30, 2019 11:19 am

“நான்தான் உண்மையான சௌகிதார்” என்கிறாரோ?

நீக்கப்பட்ட ராணுவ வீரர் மோடியை எதிர்த்து போட்டி

நீக்கப்பட்ட ராணுவ வீரர் மோடியை எதிர்த்து போட்டி

Re: நீக்கப்பட்ட ராணுவ வீரர் மோடியை எதிர்த்து போட்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக