பயங்கரவாதிகளின் அடுத்த இலக்கு புத்த கோயில்கள்?

**ayyasamy ram** · **ayyasamy ram** Tue Apr 30, 2019 9:37 am

கொழும்பு:
இலங்கை கிழக்கு மாகாணம் கல்முனை நகரில் சாய்ந்தமருது
பகுதியில் பயங்கரவாதிகள் பதுங்கியிருந்த இடத்தை கடந்த
வாரம் ராணுவம் சுற்றிவளைத்தது. தப்பிக்க வழியில்லாததால்
பயங்கரவாதிகள் குண்டுகளை வெடிக்கச்செய்து தற்கொலை
செய்தனர்.

ஐந்து பயங்கரவாதிகள், 3 பெண்கள், 6 குழந்தைகள் உட்பட 15 பேர்
பலியாகினர். அங்கு டெட்டனேட்டர்கள், துப்பாக்கிகள், வெடிகுண்டுகள்,
தற்கொலைப்படைக்கான கருவிகள், ராணுவ சீருடைகள், ஐ.எஸ்.,
இயக்க கொடிகள் கிடந்தன.

அவற்றுடன் புத்த கோயில்களுக்கு செல்லும் பெண்கள் அணியும்
ஆடைகள் 5 செட் கைப்பற்றப்பட்டன.

ஆடைகள் விற்ற கடையில் போலீசார் விசாரணை நடத்தினர்.
கடையின் சி.சி.டி.வி. காட்சிகளை ஆய்வு செய்தபோது இந்த
பெண்கள் மார்ச் 29-ம் தேதி 9 செட் புத்த ஆடைகளை வாங்கியது
பதிவாகியிருந்தது.

ஆனால் 5 செட் ஆடைகள் மட்டுமே அந்த வீட்டில் இருந்து
கிடைத்துள்ளது. மீதியுள்ள 4 உடைகளுடன் பெண் பயங்கரவாதிகள்
தப்பியிருப்பதாக சந்தேகம் எழுந்துள்ளது. பயங்கரவாதிகளின்
அடுத்த இலக்கு புத்த மத கோயில்களாக இருக்கலாம் என
உளவுத்துறை எச்சரித்துள்ளது.

வெளிநாட்டவர்கள் கைது:

இலங்கையில் நடந்த தொடர் குண்டு வெடிப்புகளை தொடர்ந்து,
பாதுகாப்பு படையினர், சந்தேகத்திற்கிடமானவர்களை கைது செய்து,
விசாரித்து வருகின்றனர். இதன்படி, உரிய, 'விசா' இல்லாமல்
தங்கியிருந்த, ஒரு இந்தியர் உட்பட, 13 வெளிநாட்டவர்களை,
நேற்று கைது செய்தனர். அவர்களிடம் விசாரணை நடந்து வருகிறது.
-
----------------------------------------------
தினமலர்

**பழ.முத்துராமலிங்கம்** · 27/09/2015

பயங்கரவாதிகளின் அடுத்த இலக்கு புத்த கோயில்கள்?

பயங்கரவாதிகளின் அடுத்த இலக்கு புத்த கோயில்கள்?

Re: பயங்கரவாதிகளின் அடுத்த இலக்கு புத்த கோயில்கள்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக