என்னை பற்றிய தகவல்

பெயர்: துளசேந்திரன்
சொந்த ஊர்: சமயபுரம்,  திருச்சி
ஆண்/பெண்: ஆண்
ஈகரையை அறிந்த விதம்: பெயர் அர்த்தம் மூலம்
பொழுதுபோக்கு: தொலைக்காட்சி செய்தி
தொழில்: விவசாயம்
மேலும் என்னைப் பற்றி: நான் ஒரு விவசாயி

துளசேந்திரன் பெயர் அர்த்தம் கூறுங்கள்

வாருங்கள் துளசேந்திரன், அன்பு வரவேற்புகள் ! 

துளசேந்திரன் wrote:துளசேந்திரன் பெயர் அர்த்தம் கூறுங்கள்

இது அறிவினாவா அறியா வினாவா??????

அறியா வினாவே.

ஈகரைக்கு வரவேற்கிறேன் விவசாயி துளசேந்திரன் அவர்களே.

ஈகரைக்கு தங்களை அன்புடன் வரவேற்கிறேன்.

முதலில் விவசாயத்தை ஏற்றுக் கொண்டதற்கு பாராட்டும் வாழ்த்தும்.
உங்கள் பெயருக்கு இரண்டு விளக்கம் உண்டு.ஒன்று மதம் சார்ந்தது.மற்றது வரலாறு சார்ந்தது.

இந்துமதக் கதைகள் எல்லாம் புனைகதைகளே.அதில் சொல்லப்படும் நீதியை மட்டும் எடுத்துக் கொள்ளுங்கள். (சுவாமி விவேகானந்தர்)

உங்கள் பெயரைப் பொறுத்தளவில்……………..
துளசி+இந்திரன் = துளசேந்திரன் ஆகிறது.

பத்ம புராணம் (பாத்மம்), என்ற நூலில் ஒரு கதை வருகிறது. படித்துப் பார்க்கலாம். அதில் உள்ள சாராம்சம், துளசி விஷ்னுவிற்கு உரியதாக சொல்லப்படுகிறது.
தேவர்களின் தலைவனான இந்திரனுக்கு  தேவகுருவான பிரகஸ்பதி துளசியின் (திருத்துழாய்) மகாத்மியத்தை எடுத்துரைக்கிறார்.அதைத் தொடர்ந்து இந்திரன் துளசியை வணங்கி வருகிறான். ஒரு பக்தை விஷ்னுவையும் இந்திரனையும் ஒன்றாக வணங்கி வருகிறாள். இதையொட்டி துளசேந்திரன் என வருகிறது.
கதையை முற்றாக படித்துப் பாருங்கள் புரியும்.
(துளசி திருமாலை வணங்கும் பக்தை.அவளின் இன்னொரு வடிவம் துளசி செடி என்கிறார்கள்.)
இது புனைகதை.

இன்னொரு புறம் தமிழர் வரலாற்று விளக்கம்………….

துளசி என்றால் ஒப்பற்ற என பொருள்.
தமிழர்கள் துளசியை மருத்துவக்குணம் கொண்டதாக மட்டுமே பார்க்கிறார்கள்.துளசி வழிபாடு வட இந்தியாவில் இருந்து வந்தது.
இந்திரன் என்றால் வேந்தன் எனப் பொருள்.மருத நிலத்தை ஆழும் வேந்தனை இந்திரன் என்கிறார்கள். அன்றைய காலத்தில் அரசனை கடவுளாகப் பார்த்தார்கள்.

“வேந்தன் மேய தீம்புனல் உலகமும்
வருணன் மேய பெருமணல் உலகமும்”

அதனால் (மருதம்-வயலும் வயல் சார்ந்த நிலமும்) மருத நிலத்தில் வாழ்ந்த அரசர்களால் இந்திர விழா கொண்டாடப்பட்டது. காவிரிப்பூம்பட்டினத்தில் ஆண்டுதோறும் இந்திரவிழா 28 நாட்கள் நடைபெற்றது. இது சோழ மன்னனுடைய அரசாங்கத் திருவிழாவாகவும் சோழ நாட்டின் தேசியத் திருவிழாவாகவும் இருந்தது. இந்த விழா இன்றும் நேபாளத்தில் இதே பெயரிலும் ,மற்றும் தென்கிழக்கு நாடுகளில் நீர்ப் பெருக்கு விழா (Water Festival)  எனவும் கொண்டாடப்படுகிறது.

துளசேந்திரன் = ஒப்பற்ற மன்னன் (சகல வல்லமை கொண்ட வேந்தன்)
ஒரு விவசாயிக்குப் பொருத்தமான பெயர் தான்.

(விக்கிவண்ட்+தமிழர் வரலாறு)

சக்தி சோலில் இருந்து.

துளசேந்திரன் wrote:அறியா வினாவே.

சக்தி அருமையாக விளக்கி விட்டார் பாருங்கள்