செய்திகள்

சி.பி.எஸ்.இ., பள்ளிகளில் புது திட்டம் அமல்;
கட்டமைப்பு வசதியை பகிர்ந்து கொள்ளலாம் !




புதுடில்லி: பள்ளி கல்வியை மேம்படுத்தும் வகையில், புதுமையான திட்டத்தை, மத்திய இடைநிலை கல்வி வாரியமான, சி.பி.எஸ்.இ., அமல்படுத்த உள்ளது. இந்த திட்டத்தின் வாயிலாக, உள்கட்டமைப்பு, ஆசிரியர், விளையாட்டு மைதானம் போன்ற வசதிகளை, சி.பி.எஸ்.இ., பள்ளிகள், தங்களுக்குள் பகிர்ந்து கொள்ள முடியும்.நாடு முழுவதும், சி.பி.எஸ்.இ., பாடத்திட்டத்தின் கீழ், ஆயிரக்கணக்கான, அரசு மற்றும் தனியார் பள்ளிகள் செயல்படுகின்றன. 

இந்நிலையில், பள்ளி கல்வியை மேம்படுத்த, புதிய திட்டத்தை, சி.பி.எஸ்.இ,, செயல்படுத்த உள்ளது.இது குறித்து, சி.பி.எஸ்.இ., செயலர், அனுராக் திரிபாதி கூறியதாவது: சி.பி.எஸ்.இ., பாடத்திட்டத்தின் கீழ், 22 ஆயிரத்துக்கும் மேற்பட்ட பள்ளிகள் செயல்படுகின்றன. நாடு முழுவதும், 4,500 கல்வி மாவட்டங்கள் உருவாக்கப்பட்டுள்ளன. 

ஒவ்வொரு கல்வி மாவட்டத்திலும் உள்ள, சி.பி.எஸ்.இ., பள்ளிகளை உறுப்பினர்களாக சேர்த்து, குழுக்கள் உருவாக்கப்படும்; இது, கூட்டு கல்வி குழு என, அழைக்கப்படும். ஒரு குழுவில், ஐந்து பள்ளிகள் இடம் பெற்றிருக்கும்.புதிய திட்டத்தின் படி, இந்த பள்ளிகள், தங்களிடம் உள்ள உள்கட்டமைப்பு வசதிகளை, மற்ற பள்ளிகளுடன் பகிர்ந்து கொள்ளும். 

மாணவர் சேர்க்கை, ஆசிரியர் - மாணவர் கலந்துரையாடல், விளையாட்டு, கலை, கலாசார விழாக்கள் உட்பட, மாணவர்களின் திறமையை மேம்படுத்தும் அனைத்து நடவடிக்கைகளையும், இந்த குழு மேற்கொள்ளும். முதல் வகுப்பிலிருந்து, எட்டாம் வகுப்பு வரை, இந்த குழுவில் இடம் பெற்றுள்ள பள்ளிகளுக்கு, ஒரே மாதிரியான தேர்வு நடத்தப்படும். இதனால், மாணவர்களுக்கு, துவக்கம் முதலே, பொதுத் தேர்வு எழுதும் எண்ணம் ஏற்படும்.

இந்த திட்டம், ஜூலை, ௧ம் தேதியிலிருந்து அமல்படுத்தப்படும். இந்த திட்டத்தை பெரும்பாலான பள்ளிகள் வரவேற்றுள்ளன. பள்ளிகள் ஒரு குழுவாக செயல்படும் போது, அந்த பகுதியில், ஒரு மாற்றத்தை ஏற்படுத்த முடியும். பல பள்ளிகளில் உள்கட்டமைப்பு வசதிகள் சிறப்பாக இருக்காது. சில பள்ளிகளில், உள்கட்டமைப்பு வசதிகள் முழுமையாக பயன்படுத்தப் பட்டிருக்காது.

உள்கட்டமைப்பு வசதிகள் சரியாக இல்லாத பள்ளிகள், சிறப்பாக உள்ள பள்ளிகளின் வசதிகளை பயன்படுத்த முடியும். ஆய்வகம், நுாலகம், விளையாட்டு மைதானம், கலையரங்கம் உட்பட பல வசதிகளை பகிர்ந்து கொள்ள முடியும். ஒவ்வொரு பள்ளிகளிலும், குறிப்பிட்ட சில பாடங்களை நடத்துவதில், சிறந்த ஆசிரியர்கள் இருப்பர்; அவர்கள் மற்ற பள்ளிகளின் ஆசிரியர்கள், மாணவர்களுக்கு உதவி செய்வர்; ஆலோசனை வழங்குவர். இவ்வாறு அவர் கூறினார்.

சிலிண்டர் பதிவு சீரானது'
சென்னை:சமையல் காஸ் சிலிண்டர் பதிவிற்கான, இணைய தள பிரச்னை சீரானதாக, இந்தியன் ஆயில் நிறுவனம் தெரிவித்துள்ளது.
இந்தியன் ஆயில் நிறுவனத்தின், சமையல் காஸ் சிலிண்டர் இணைய தளம் வாயிலாக, பதிவு செய்யலாம். சில தினங்களாக, அந்நிறுவனத்தின், இணையதள சேவை சரிவர இயங்கவில்லை. இதனால், சிலிண்டர் பதிவு செய்ய முடியாமல், வாடிக்கையாளர்கள் அவதிப்பட்டனர்.
இந்தியன் ஆயில் நிறுவனத்தின், துணை பொது மேலாளர், எஸ்.குமார் கூறியதாவது: இணைய தளம், எஸ்.எம்.எஸ்., கட்டணமில்லா தொலைபேசி எண் என, நிறுவனத்தின் அனைத்து சேவை களின் கீழ், எவ்வித பிரச்னையும் இன்றி, வாடிக்கையாளர்கள் சிலிண்டர் பதிவு செய்யலாம். சிலிண்டர் தட்டுப்பாடு வருமோ என, வாடிக்கையாளர்கள் அச்சமடைய வேண்டாம்.இவ்வாறு, அவர் கூறினார்.

ஒவ்வொரு செய்தியையும் தனித்தனியாக போடுங்கள் ராஜன் அண்ணா