வரைபடங்கள் அழிப்பு சீனா மீண்டும் விஷமம்

**ayyasamy ram** · **ayyasamy ram** Wed Mar 27, 2019 8:47 am

புதுடில்லி:
அருணாச்சல பிரதேசம் இல்லாமல் தயாரிக்கப்பட்டதாக
கூறி, 30 ஆயிரம் சீன வரைபடத்தை, அந்நாட்டு அதிகாரிகள்
அழித்தனர்.

30 ஆயிரம்,வரைபடங்கள்,அழிப்பு,சீனா,விஷமம்

நம் நாட்டின் வடகிழக்கு மாநிலமான, அருணாச்சல பிரதேசம்,
தங்கள் நாட்டின் ஒரு பகுதி என, நீண்ட காலமாக, அண்டை
நாடான, சீனா கூறி வருகிறது. இதையடுத்து, இந்தியா - சீனா
இடையே, நீண்ட நாட்களாக பிரச்னை தொடர்ந்து வருகிறது.

இந்த விவகாரம் தொடர்பாக, இரு நாடுகளிடையே, 21 முறை
பேச்சு நடத்தப்பட்டது. இதுவரை, சுமுகமான தீர்வு
எட்டப்படவில்லை.

அதேபோல, கிழக்கு ஆசியாவை சேர்ந்த தீவு நாடான,
தைவான், தன்னுடைய ஒரு பகுதி என, பல ஆண்டுகளாக சீனா
கூறி வருகிறது. இந்த விவகாரத்தில், இரு நாடுகளிடையே,
நீண்ட காலமாக பிரச்னைநீடிக்கிறது.

இந்நிலையில், வெளிநாடுகளுக்கு அனுப்புவதற்காக,
30 ஆயிரம் சீன வரைபடங்கள், சமீபத்தில் அந்நாட்டில்
அச்சிடப்பட்டன.

அந்த வரைபடத்தில், சீனா சொந்தம் கொண்டாடும் அருணாச்சல
பிரதேசம் மற்றும் தைவான் ஆகியவை, இடம் பெறவில்லை.
இதைப் பார்த்த சீன சுங்கத்துறை அதிகாரிகள், வரைபடம் தவறாக
அச்சிடப்பட்டு இருப்பதாக கூறி, 30 ஆயிரம் வரைபடத்தையும்
கிழித்தெறிந்தனர்
-
------------------------------------------
தினமலர்

**பழ.முத்துராமலிங்கம்** · 27/09/2015

Code:: அந்த வரைபடத்தில், சீனா சொந்தம் கொண்டாடும் அருணாச்சல பிரதேசம் மற்றும் தைவான் ஆகியவை, இடம் பெறவில்லை. இதைப் பார்த்த சீன சுங்கத்துறை அதிகாரிகள், வரைபடம் தவறாக அச்சிடப்பட்டு இருப்பதாக கூறி, 30 ஆயிரம் வரைபடத்தையும் கிழித்தெறிந்தனர்

இவர்கள் கொழுப்பை யார் தான் அடக்குவது.