அரசியல் துளிகள்.

சிவனாசான் · சிவனாசான் Wed Mar 20, 2019 10:15 pm

இடாநகர்: 'பா.ஜ., இல்லாத இந்தியாவை உருவாக்க வேண்டும் என, நாங்கள் கூறுவதில்லை; அப்படி கூறவும் மாட்டோம்,' என, காங்., தலைவர் ராவடகிழக்கு மாநிலமான, அருணாச்சல பிரதேசத்தில், லோக்சபா தேர்தலுடன் சேர்த்து, சட்டசபைக்கும் தேர்தல் நடத்தப்படுகிறது. இந்நிலையில், இடாநகரில் நேற்று நடந்த, காங்., தேர்தல் பிரசார பொதுக் கூட்டத்தில், அக்கட்சியின் தலைவர் ராகுல் பேசியதாவது:மத்தியில், காங்., ஆட்சி இருந்த போது, வடகிழக்கு மாநிலங்களுக்கு சிறப்பு அந்தஸ்து வழங்கப்பட்டது. காங்., ஆட்சிக்கு வந்தால், வட கிழக்கு மாநிலங்களுக்கு, மீண்டும் சிறப்பு அந்தஸ்து வழங்கப்படும். பிரதமர் நரேந்திர மோடி, வெறுப்பு அரசியலை நடத்தி வருகிறார். 'காங்கிரஸ் இல்லாத இந்தியாவை உருவாக்க வேண்டும்' என்கிறார்; ஆனால், 'பா.ஜ., இல்லாத இந்தியாவை உருவாக்க வேண்டும்' என, நாங்கள் கூறுவதில்லை; அப்படி கூறவும் மாட்டோம்..வேலையில்லாத இளைஞர்கள் சுயதொழில் துவங்க, கடனுதவி அளிக்காமல், தொழிலதிபர்களின், 3.5 லட்ச கோடி ரூபாய் கடனை, பிரதமர் மோடி தள்ளுபடி செய்துள்ளார். இவ்வாறு, அவர் பேசினார்.

சிவனாசான் · சிவனாசான் Wed Mar 20, 2019 10:29 pm

புதுடில்லி : காங்.,கில் ஜனநாயகம் கிடையாது. காங்., ஓட்டு வங்கி அரசியலையும், வாரிசு அரசியலையும் முன்னிலைப்படுத்துகிறது என பிரதமர் மோடி தெரிவித்துள்ளார்.மோடி தனது புதிய வலைதள பக்கத்தில் ([You must be registered and logged in to see this link.] எழுதி உள்ள கட்டுரையில் காங்., மற்றும் ராகுல் குடும்பத்தை கடுமையாக விமர்சித்துள்ளார். அந்த கட்டுரையில் அவர், 2014 ல் வாரிசு அரசியலுக்கு எதிராக நேர்மை, வளர்ச்சி, பாதுகாப்பு, ஓட்டுவங்கி அரசியலுக்கு மாற்றாக மக்கள் ஓட்டளித்தனர். அதன் விளவைாக இந்திய வரலாற்றில் முதல் முறையாக 2014 ல் வாரிசு அரசியல் இல்லாத கட்சி தனிப்பெரும்பான்மையுடன் ஆட்சி அமைத்தது. ஒரு குடும்பத்தை முன்னிலை படுத்தியதற்கு பதில் இந்தியாவை முன்னிலைப்படுத்தி அரசு பணிகள் நடந்தது. கடந்த 5 ஆண்டுகளில் இந்தியாவின் பொருளாதார வளர்ச்சி உலக நாடுகளை திரும்பிப் பார்க்க வைத்துள்ளது.முந்தைய காங்., ஆட்சியில் அனைத்து அரசு இயந்திரங்களும் சிதைக்கப்பட்டது. பாதுகாப்பு துறையை வருமானம் ஈட்டும் துறையாக மட்டுமே காங்., பார்த்து வந்தது. ஒவ்வொரு இடைத்தரகருக்கும் ஒரு குடும்பத்துடன் தொடர்பு உள்ளது. நாங்கள் பயங்கரவாதிகள் மீது தாக்குதல் நடத்தியதைக் கூட காங்., கேள்வி கேட்கிறது. காங்.,ன் ஜனநாயகத்தில் நம்பிக்கையில்லை. காங்., கட்சியின் தலைமையே பெரிய ஊழல் வழக்கில் ஜாமினில் உள்ளது. அவர்களை பொருத்தவரை காங்., மட்டும் தான் சரி. மற்ற அனைவரும் தவறானவர்கள். இவ்வாறு மோடி குறிப்பிட்டுள்ளார்.

அரசியல் துளிகள்.

அரசியல் துளிகள்.

Re: அரசியல் துளிகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக