`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

**ayyasamy ram** · **ayyasamy ram** Sun Mar 17, 2019 5:10 pm

கிட்டத்தட்ட 90 வருட பேசும்படப் பயணத்தில் சுமார்
40 தமிழ்ப் படங்கள் பாடல்கள் இல்லாமல் வெளிவந்துள்ளன.
மீதி அனைத்தும் 5 முதல் 50 பாடல்களைக் கொண்ட படங்கள்.
-
`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ 151429_thumb

-
தமிழில் கதைகள் இல்லாத படங்கள் வருடம்தோறும் இரண்டு
டஜன்களாவது வெளியாகிவிடும். ஆனால், பாடல்கள்
இல்லாமல் படங்கள் வெளியாவது அரிதினும் அரிது.

கிட்டத்தட்ட 90 வருட பேசும்படப் பயணத்தில் சுமார்
40 படங்கள் மட்டுமே பாடல்கள் இல்லாமல் வெளிவந்துள்ளன.
மீதி அனைத்துமே 5 முதல் 50 பாடல்களைக் கொண்ட படங்கள்.

பாடல்கள் இல்லாத படங்களில் பத்துக்கும் குறைவான படங்கள்
மட்டுமே வெற்றி கண்டுள்ளன. இதரப் படங்கள் மக்களைக்
கவரவில்லை. பாடல்களே இல்லாமல் வெளிவந்த சில
முக்கியமான தமிழ் சினிமாக்களின் தொகுப்பு இது.
-

**ayyasamy ram** · **ayyasamy ram** Sun Mar 17, 2019 5:12 pm

அந்த நாள்
-
`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ 1_14434

--
தமிழ் திரைப்படங்களில் பத்து, இருபது பாடல்கள்
நிரம்பி வழிந்த 1950-களில் பாடல்கள் மட்டுமல்லாது,
சண்டைக்காட்சிகளும் இல்லாமல் வந்த திரைப்படம்
`அந்த நாள்.’

சுந்தரம் பாலசந்தர் இயக்கிய இப்படத்தில், பாடல்களே
இல்லாததால் இசையமைப்பாளர் என்று தனியாக
ஒருவர் கிடையாது. படத்தின் டைட்டிலில்கூட
`பின்னணி இசை : ஏவி.எம் இசைக்குழு’ என்று
மட்டும்தான் காட்டப்படும்.

மேலும், `அந்த நாள்’தான் நோயிர் (noir) என்று
அழைக்கப்படும் இருண்டவகைப் படங்களில் வந்த முதல்
தமிழ்த் திரைப்படமாகும்.
-
-----------------------

**ayyasamy ram** · **ayyasamy ram** Sun Mar 17, 2019 5:13 pm

கடமை கண்ணியம் கட்டுப்பாடு
-
`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ 2_14574

--
அதுவரை தனது நடிப்பில் உருவாகும் படங்களை மட்டுமே
தயாரித்து வந்த கமல்ஹாசன், முதன்முறையாக சத்யராஜை
கதாநாயகனாக வைத்து, `கடமை கண்ணியம் கட்டுப்பாடு’
படத்தைத் தயாரித்தார்.

கேரளாவில் அதற்கு முன்பிருந்த அத்தனை வசூல்
சாதனைகளையும் உடைத்த மம்மூட்டியின் `ஆவநாழி’
படத்தின் ரீமேக்கான இப்படத்தை, தமிழில் சந்தானபாரதி
இயக்கினார்.

படத்துக்கான பின்னணி இசை இளையராஜா அமைக்க,
சென்னையில் மட்டும் 100 நாள்களுக்கு மேல் ஓடியது இப்படம்.
-
---------------------

**ayyasamy ram** · **ayyasamy ram** Sun Mar 17, 2019 5:16 pm

குருதிப்புனல்
-
உலக சினிமா தரத்துக்கு இணையாகப் படம் சொல்லப்பட்ட
விதத்திலும், தொழில்நுட்பத்திலும் ரசிகர்களை மிரட்டிய
படம் `குருதிப்புனல்.’

ஒளிப்பதிவாளர் பி.சி.ஸ்ரீராம் இயக்கிய இப்படத்தில் பாடல்கள்
இல்லாமல், பின்னணி இசையாலே காட்சிகளுக்குக் கணம்
சேர்த்திருப்பார் இசையமைப்பாளர் மகேஷ்.

`துரோக்கால்’ என்ற இந்திப் படத்தின் ரீமேக்கான இது,
அந்த ஆண்டின் ஆஸ்கர் விருதுக்குப் பரிந்துரைக்கப்பட்டது.
-
-------------------------------

ஆரண்ய காண்டம்
----------
`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ 3_14484

`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ 3_14484

-
தமிழ் சினிமாவில் `புதுப்பேட்டை’ போன்ற சில படங்களில்
நியோ நோயிர் ஜானரை ஓரளவு முயற்சி செய்திருந்த
போதும், அதை முழுமை செய்தது தியாகராஜன்
குமாரராஜாவின் `ஆரண்ய காண்டம்’ திரைப்படம்.

ரத்தம் தெறிக்கும் கொலைகளுக்கு நடுவே மென்மையாகக்
கரையும் யுவனின் பின்னணி இசை, படம் முழுக்கப் புதிய
அனுபவத்தைத் தந்தது. சென்சார் போர்டின்
`52’ கட்களுக்குப் பிறகு U/A சான்றிதழுடன் பாடல்களே
இல்லாமல் வெளியானது இப்படம்.
-
---------------------

**ayyasamy ram** · **ayyasamy ram** Sun Mar 17, 2019 5:18 pm

ஓநாயும் ஆட்டுக்குட்டியும்
-
`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ Onaayum-aattukkuttiyum-1200-1200-675-675-crop-000000_14272

நியாய தர்மத்துக்கு உட்பட்டு `கொலைத்தொழில்’
புரிந்த நாயகன், இறுதியில் மனம் திருந்தும் கதைதான்.
ஆனால், பெருமளவில் காட்சியமைப்புகளால் படத்தை
நகர்த்திச் சென்ற உத்தி, அற்புதமான ஒளிப்பதிவு,
அசாத்தியமான பின்னணி இசை ஆகியவற்றின் மூலம்
வித்தியாசமான அனுபவத்தைத் தந்தது
`ஓநாயும் ஆட்டுக்குட்டியும்’ திரைப்படம்.

மிஷ்கினின் டிரேட் மார்க்கான இரவில் பயணிக்கின்ற
இப்படம், முழுவதும் இரவிலேயே எடுக்கப்பட்டது.
பாடல்கள் இல்லாத இதில், வசனங்களும் மிகமிகக் குறைவு.

ஆனால், பின்னணி இசையில் பெரும் மாயாஜாலத்தையே
நிகழ்த்தி முத்திரை பதித்தார் இளையராஜா.
-
--------------------

**ayyasamy ram** · **ayyasamy ram** Sun Mar 17, 2019 5:21 pm

`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ 22CP_THALAIMURAIGAL_MOVIE_STILLS_14120

---
தலைமுறைகள்
----
`வீடு’, `சந்தியா ராகம்’ படங்களைத் தொடர்ந்து,
பாடல்களே இல்லாமல் பாலுமகேந்திரா இயக்கிய
மூன்றாவது திரைப்படம், `தலைமுறைகள்.’

பாலுமகேந்திரா இயக்கிய கடைசி திரைப்படமும் இதுதான்.
இளையராஜாவின் பின்னணி இசையில் கதையின்
நாயகனாக பாலுமகேந்திராவே நடிக்க, `தமிழையும்
இந்தத் தாத்தாவையும் மறந்திராதப்பா...’ என உருகும் குரலில்
அவர் சொல்லும் அந்த வசனம், படத்துக்கான க்ளைமாக்ஸ்
மட்டுமல்ல,
பாலமகேந்திராவுக்கும் பொருத்தமாக அமைந்தது.
-
------------------------------

விசாரணை
------------------
`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ Visaaranai_14078

`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’ Visaaranai_14078

-
சந்திரகுமார் எழுதிய `லாக்கப்’ நாவலை அடிப்படையாக
வைத்து, உண்மைச் சம்பவங்களின் பின்னணியை இணைத்து,
நேர்மையான அரசியல் சினிமாவாக வெளிவந்தது
வெற்றி மாறனின் `விசாரணை.’

பாடல்கள் மட்டுமல்ல, தமிழ் சினிமாவில் அதிகம் புழங்கும்
குத்தாட்டம், இரட்டை அர்த்த வசனங்கள், காமெடியன்,
மிகையான கற்பனை போன்ற வழக்கமான கமர்ஷியல்
விஷயங்கள் ஏதுமின்றி தரமான படமாக `விசாரணை’யைத்
தந்தார் இயக்குநர் வெற்றி மாறன்.
ஜி.வி.பிரகாஷின் பின்னணி இசை, படத்தின் தரத்தை
மேலும் பலமடங்கு உயர்த்தியது.
-
------------------

**ayyasamy ram** · **ayyasamy ram** Sun Mar 17, 2019 5:23 pm

டு லெட்
-

--
பாடல்கள் இல்லாத தமிழ்சினிமாக்கள்
தேசிய விருதை வென்றதுடன், பல சர்வதேச விருதுகளை
வென்ற படம் என்ற கௌரவத்துடன் திரைக்கு வந்தது
செழியனின் `டு லெட்.’

சென்னை போன்ற பெருநகரத்தில் வாடகை வீடு என்னும்
நரகத்தில் சிக்கித் தவிக்கும் ஒரு குடும்பத்தின்
திண்டாட்டத்தை எவ்வித சினிமாத்தனமும் இல்லாமல்
நேர்மையான படைப்பாகப் பதிவு செய்திருந்தார்
இயக்குநர் செழியன். இதில் பாடல்கள் மட்டுமல்ல,
பின்னணி இசையும் கிடையாது.

இவை தவிர, `பேசும் படம்’ மற்றும் `மெர்க்குரி’ ஆகிய
இரண்டு படங்களிலும் வசனங்களே இல்லை என்பதால்,
பாடல்கள் இல்லை என்று தனியாகக் குறிப்பிட
வேண்டியதில்லை. அதேபோல, தொகுப்பில்
மேற்குறிப்பிட்டுச் சொன்ன படங்கள் மட்டுமல்லாது,
`அக்ரஹாரத்தில் கழுதை’, `ஹவுஸ்ஃபுல்’, `காஞ்சிவரம்’
`குற்றமே தண்டனை’, `நடுநிசி நாய்கள்’ எனப் பல
திரைப்படங்கள் பாடல்கள் இல்லாமல் வெளி
வந்திருக்கின்றன.

இதுபோல உங்களுக்குத் தெரிந்த படங்கள் இருப்பின்
கமென்ட் செய்யுங்களேன்!
-
-------------------------
ப.தினேஷ்குமார்
நன்றி -விகடன்

Sponsored content · Sponsored content

`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

`அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

Re: `அந்த நாள்’ முதல் `டு லெட்’ வரை... இந்த சினிமாக்களின் ஒற்றுமை என்ன?’’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக