அன்பாய், அழகாய், அறிவாய் வளர்த்திடுவோம்! - கவிதை

**ayyasamy ram** · **ayyasamy ram** Sun Mar 17, 2019 1:52 pm

-

அன்பாய்
ஓரிரு வார்த்தை
அழகாய்
சிறு சிறு புன்னகை
மெலிதாய் தினம்
கட்டி அணைத்தால்
எளிதாய் ஏக்கம் தீரும்!
-
பாராமுகமாய் இருந்தால்
பாரம் ஏறிவிடும்
எதையும் கேளாது இருந்தால்
என்றும் கேட்காமல் செய்து விடும்!
-
குட்டி கதைகளை
குதுாகலமாய் சொல்லிக் கொடு
குறும்பு கேள்விகளை
சுதந்திரமாய் சொல்ல விடு!
-
நிலவு ஒளியில்
நட்சத்திரம் தேடச் சொல்
சூரிய ஒளியில்
வியர்வை வர ஓடச் சொல்!
-
சாலை ஓரங்களில்
நடக்க கற்றுக்கொடு
உன்னிலும் ஏழையின்
நிலையை உணர்த்திடு!
-
மானம் பெரிதென
வாழ்ந்திட உணர்த்திடு
அவமானம் தாங்கிட
மனதை பழக்கிடு!
-
நல்லது கெட்டது
அறிந்திட உணர்த்திடு
நல்லதை மட்டுமே
செய்திட வைத்திடு!
-
அன்புக்கு ஏங்கும்
குழந்தையிடம்
ஆத்திரம் கொள்ளாதே...
மழலை உள்ளத்தின்
கடவுள் தன்மையை
கடிந்து கொள்ளாதே!
-
பூமியில் பிறந்த
அனைவருக்கும்
ஏதேனும் இடமிருக்கும்...
சாதிக்க துடிக்கும்
எல்லாருக்கும்
வாய்ப்புகள் காத்திருக்கும்!
-
அறிவு கட்டடத்தில்
அன்பு அடித்தளம்
அழகாய் அமையட்டும்
வெற்றி கொடிகளின்
வேர்கள் எல்லாம்
பாசத்தில் பதியட்டும்!
-
------------------------
- டாக்டர் வடுகம் சிவகுமார்,
சென்னை.
நன்றி- வாரமலர்

**பழ.முத்துராமலிங்கம்** · 27/09/2015

அன்பாய், அழகாய், அறிவாய் வளர்த்திடுவோம்! - கவிதை 3838410834

அன்பாய், அழகாய், அறிவாய் வளர்த்திடுவோம்! - கவிதை 103459460

அன்பாய், அழகாய், அறிவாய் வளர்த்திடுவோம்! - கவிதை 1571444738

இந்த பதிவைத் துவங்கியவர் நன்றி கூறியுள்ளார் பழ.முத்துராமலிங்கம்

அன்பாய், அழகாய், அறிவாய் வளர்த்திடுவோம்! - கவிதை

அன்பாய், அழகாய், அறிவாய் வளர்த்திடுவோம்! - கவிதை

Re: அன்பாய், அழகாய், அறிவாய் வளர்த்திடுவோம்! - கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக