தேர்தல் பத்திரங்கள் விற்பனை: மத்திய அரசு புதிய திட்டம்

புதுடில்லி:
'அரசியல் கட்சிகளுக்கு, பணமில்லா பரிவர்த்தனை முறையில்
நன்கொடை வழங்குவதற்கு வசதியாக
, 'ஸ்டேட் பேங்க் ஆப் இந்தியா' வாயிலாக, தேர்தல் பத்திரங்கள்
விற்பனை செய்யப்படும்' என மத்திய நிதி அமைச்சகம்
அறிவித்துள்ளது.

லோக்சபா தேர்தல், ஏப்ரல் அல்லது மே மாதத்தில் நடக்கலாம்
என எதிர்பார்க்கப்படும் நிலையில், தேர்தலை எதிர்
கொள்வதற்காக, அரசியல் கட்சிகள் தீவிரமாக தயாராகி
வருகின்றன.

இந்நிலையில், அரசியல் கட்சிகளுக்கு வழங்கப்படும்
நன்கொடை உள்ளிட்ட பண பரிமாற்றங்களில் வெளிப்படை
தன்மையை பின்பற்றுவதற்காக, மத்திய நிதி அமைச்சகம்,
தேர்தல் பத்திரங்களை விற்பனை செய்ய முடிவு செய்துள்ளது.

இது தொடர்பாக, மத்திய நிதி அமைச்சகம் வெளியிட்டுள்ள
அறிக்கை: அரசியல் கட்சிகளுக்கு, பணமில்லா பரிவர்த்தனை
முறையில், நன்கொடை வழங்குவதற்காக,
'ஸ்டேட் பாங்க் ஆப் இந்தியா' வாயிலாக, தேர்தல் பத்திரங்களை
மூன்று கட்டங்களாக விற்பனை செய்ய முடிவு செய்யப்பட்டுள்ளது.

டில்லி, மும்பை, கோல்கட்டா, சென்னை, பெங்களூரு உள்ளிட்ட
நகரங்களில் உள்ள, 29 அங்கீகரிக்கப்பட்ட வங்கி கிளைகளில்,
இந்த பத்திரங்கள் விற்பனை செய்யப்படும்.
-

மார்ச், 1 - 15ம் தேதி வரையிலும், ஏப்ரல், 1 - 20ம் தேதி வரையிலும்,
மே, 6 - 15ம் தேதி வரையிலும் மூன்று கட்டங்களாக, தேர்தல்
பத்திரங்கள் விற்பனை செய்யப்படும். இந்த பத்திரங்கள்,
வழங்கப்பட்ட தேதியிலிருந்து, 15 நாட்களுக்கு மட்டுமே
செல்லுபடியாகும்.

இந்திய குடிமகன் அல்லது இந்தியாவில் பதிவு செய்யப்பட்ட
நிறுவனம் ஆகியோர், இந்த பத்திரங்களை வாங்குவதற்கு த
குதி உள்ளவர்கள். பதிவு செய்யப்பட்ட அரசியல் கட்சியாகவும்,
கடந்த லோக்சபா அல்லது சட்டசபை தேர்தலில்,
1 சதவீதத்திற்கும் அதிகமான ஓட்டுகளை பெற்ற கட்சியாகவும்
உள்ளவர்களும், இந்த பத்திரங்கள் வாயிலாக நன்கொடையை
பெறலாம்.இவ்வாறு, அந்த அறிக்கையில் கூறப்பட்டு உள்ளது.
-
--------------------------------
தினமலர்