'கடமை' உணர்வுக்கு அளவேயில்லை....!!!

**ayyasamy ram** · **ayyasamy ram** Wed 27 Feb 2019 - 9:51

குமுதம் இதழில் பணிபுரிந்த எழுத்தாளர், ரா.கி.ரங்கராஜன் எழுதிய,
'நாலு மூலை' என்ற நுாலை படிக்கும் வாய்ப்பு கிடைத்தது.
அதிலிருந்து:
----

போலீஸ் வேலைக்கு, ஆள் எடுத்துக் கொண்டிருந்தனர்.
ஒவ்வொருவராக உள்ளே கூப்பிட்டு, அவருடைய பொது
அறிவை சோதித்துக் கொண்டிருந்தார், அதிகாரி.

ஒருவனிடம், 'மகாத்மா காந்தியை கொலை செய்தவன் யார்?'
என்று கேட்டார்.

'தெரியாது...' என்றான், வந்தவன்.

கோபத்தை அடக்கியபடி அதிகாரி, 'போய் தெரிஞ்சுகிட்டு வா...'
என்று, அவனை வெளியே அனுப்பினார்.

முகத்தில் ஆனந்தம் ததும்ப, அவன் வெளியே வந்ததும்,
அங்கிருந்தவர்கள், 'என்ன ஆச்சு?' என்று கேட்டனர்.

'வெற்றி... வேலை கிடைச்சுட்டுது... அது மட்டுமல்ல, வேலையில்
சேர்ந்த முதல் நாளே, ஒரு கொலை கேசை கண்டுபிடிக்கும்
பொறுப்பை, என்னிடம் ஒப்படைத்திருக்கின்றனர்...' என்றான்,
அவன்.
௦
0000000000000000000

**ayyasamy ram** · **ayyasamy ram** Wed 27 Feb 2019 - 9:52

ஒரு போலீஸ் அதிகாரி, தன் கீழ் வேலை பார்க்கும்
போலீஸ்காரருடன், ஜீப்பில் போய்க் கொண்டிருந்தார்.
வழியில், ஓரிடத்தில், ஏராளமாக கூட்டம் கூடியிருந்ததை
கண்டதும், ஜீப்பிலிருந்து இறங்கி, 'கலைந்து போங்கள்...'
என்று, கட்டளையிட்டார்.

யாரும் கலைந்து போகவில்லை.

'கலைந்து போகிறீர்களா, இல்லையா...' என்று, மறுபடி ஒரு
பெரிய அதட்டல் போட்டு, கைத்தடியை சுழற்றினார்;
கூட்டம் பரபரவென்று கலைந்தது.

ஜீப்பில் ஏறி, 'எப்படி, நான் போட்ட போடு...' என்று,
பெருமையுடன் போலீஸ்காரரிடம் கேட்டார், அதிகாரி.

'பிரமாதம்... ஆனால், அந்த இடம் ஒரு பஸ் ஸ்டாப். அவர்கள்
எல்லாம், பஸ்சுக்காக காத்து நின்றிருந்தவர்கள்...' என்று,
பணிவுடன் தெரிவித்தார், போலீஸ்காரர்.

— காவல் துறையை சேர்ந்த சிலரது, 'கடமை' உணர்வுக்கு
அளவேயில்லை என்று தோன்றியது.
-
--------------------------------
-அந்துமணி, பா.கே.ப
வாரமலர்

**பழ.முத்துராமலிங்கம்** · 27/09/2015

Sponsored content · Sponsored content

'கடமை' உணர்வுக்கு அளவேயில்லை....!!!

'கடமை' உணர்வுக்கு அளவேயில்லை....!!!

Re: 'கடமை' உணர்வுக்கு அளவேயில்லை....!!!

Re: 'கடமை' உணர்வுக்கு அளவேயில்லை....!!!

Re: 'கடமை' உணர்வுக்கு அளவேயில்லை....!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக