வருமான வரியை ஒழிக்கணும்: சுப்பிரமணியன் சாமி

**ayyasamy ram** · **ayyasamy ram** Sat Feb 09, 2019 3:35 am

புதுடில்லி:
''வருமான வரி முறையை, மத்திய அரசு, ஒட்டு
மொத்தமாக
ஒழிக்க வேண்டும்,'' என, பா.ஜ., மூத்த தலைவர்,
சுப்பிரமணியன் சாமி கூறியுள்ளார்.

அவர் அளித்த பேட்டி: வாங்கும் திறன் அடிப்படையில்,
உலகின் முதல் மூன்று பொருளாதாரங்களில், சீனா,
அமெரிக்காவுக்கு அடுத்து, இந்தியா திகழ்கிறது.

முன்னாள் பிரதமர், நரசிம்மராவ், சொத்துக்கள் மீது
அரசுக்கு உள்ள உரிமையில் மாற்றம் ஏற்படுத்தினார்.
தைரியத்துடன் அவர் எடுத்த முடிவால், நாட்டின்
பொருளாதார வளர்ச்சி விகிதம், 7 - 8 சதவீதமாக
உயர்ந்தது.

இருப்பினும், இது போதாது. இந்த விகிதத்தை,
10 சதவீதத்துக்கு மேல் அதிகரிக்க வேண்டும்.

தற்போது அளிக்கப்பட்டு வரும், வரி குறைப்பு,
இலவசங்கள் போதுமானதாக இல்லை. நாட்டின்
பொருளாதார வளர்ச்சியை அதிகரிக்க,
வருமான வரி முறையை, முற்றிலும் ஒழிக்க வேண்டும்.
இவ்வாறு அவர் கூறினார்.
-
---------------------------------
தினமலர்

**T.N.Balasubramanian** · **T.N.Balasubramanian** Sat Feb 09, 2019 4:31 pm

வருமான வரி துறை செலவினம், வருமானத்தை விட அதிகம் என சொல்ல கேள்வி.

வருமான வரியை ஒழிக்க வேண்டும் என்றால் வருமான வரி காட்டாமல் ஏமாற்றும் பெ..ரி....ய .....
முதலைகளிடம் இருந்து எப்பிடி பெறுவது?

சம்பளம் பெறும் ஊழியர்கள் இடமிருந்து TDS கழிப்பது போல்
பெரிய கம்பனிகளிடம் இருந்து வரி பெற ஒரு திட்டம் தேவை.

நம் நாட்டில் பட்டைய கணக்காளர்கள் (charted accountants ) சட்டத்தில் உள்ள
ஓட்டைகளை வைத்துக்கொண்டு அதிகமாக சம்பளம் பெற்றுக்கொண்டு,
தங்கள் முதலாளிகள் வரி ஏய்ப்பு செய்ய உதவுவதாக கேள்வி.

சுப்பிரமணியம் ஸ்வாமி ........அவர் நினைப்பே வேறு மாதிரி.

சூப்பர் இன்டெலிஜெண்ட் என்று சொல்லி நாம் ஒதுங்கிக்கொள்ளவேண்டும்.

ரமணியன்

**பழ.முத்துராமலிங்கம்** · 27/09/2015

Code:: புதுடில்லி: ''வருமான வரி முறையை, மத்திய அரசு, ஒட்டு மொத்தமாக ஒழிக்க வேண்டும்,'' என, பா.ஜ., மூத்த தலைவர், சுப்பிரமணியன் சாமி கூறியுள்ளார். அவர் அளித்த பேட்டி: வாங்கும் திறன் அடிப்படையில், உலகின் முதல் மூன்று பொருளாதாரங்களில், சீனா, அமெரிக்காவுக்கு அடுத்து, இந்தியா திகழ்கிறது.

இவர் கூற்றை எப்படி ஏற்றுக் கொள்வது???

சிவனாசான் · சிவனாசான் Mon Feb 11, 2019 10:17 pm

வருமான வரி தவிர்த்து மற்றவரிகளை உயர்த்தித்தானே அரசு நிர்வாகம் செய்யமுடியும் .அரசுக்கு வருவாயே வரிதானே அக்காலம் முதல் உள்ளது.
இனாம் வேற கொடுக்கனும் விவசாய கடன் கொடுக்கனும் பிறகு தள்ளுபடி செய்யனும் .எங்கே போய் நோட்டு அச்சடித்து நிர்வாகம் நடத்தமுடியும். பல லட்சம் கோடி கடன் வாங்கி வட்டி கட்டமுடியாமல் ஆட்சி செய்கிறார்களே அதுவா மக்களாட்சி சிந்திக்கனும் நல்லோர்கள்.

**T.N.Balasubramanian** · **T.N.Balasubramanian** Tue Feb 12, 2019 10:23 am

வரிகள் முக்கியம்தான் அரசை நடத்துவதற்கும் நலத்திட்டங்கள் கொடுப்பதற்கும்.
வருமான வரி மூலம் வரும் நிதியை வேறு எப்பிடி பெறுவது.?
சிந்திக்க வேண்டிய விஷயம்தான்.

ரமணியன்

Guest · Guest Tue Feb 12, 2019 3:52 pm

சுவாமியின் வரிஒழிப்புக் கருத்தை சில பொருளாதார வல்லுனர்கள் வரவேற்கின்றனர். சுவாமி சொல்வது…………….

வருமான வரியை ஒழிப்பது இந்தியா போன்ற நாடுகளுக்கு சிறந்ததே. வரி நீக்கப்படும் போது சேமிப்பு அதிகமாகும்.வங்கிகளில் பணம் அதிகரிக்கும்.அதனால் வட்டி வீதம் குறையும். கறுப்புப் பணம் குறையும். பணப் புழக்கம் அதிகரிக்கும்.அதிக சேமிப்பு காரணமாக தனியார் முதலீடு அதிகரிக்கும்.இதனால் வளர்ச்சி அதிகரிக்கும்.அதனால் மறைமுக வரி அதிகரிக்கும். இப்போது வரி செலுத்துவோர் செலுத்தும் வரியை விட பல மடங்கு அதிக மறைமுக வரி கிடைக்கும்.

வரி கட்டுவோர் தொகை சனத்தொகையில் ஒரு சிறிய % மே. வரும் வரியில் பெரிய தொகை செலவீனமாக (ஊழியர்கள்/அலுவலக செலவு…...இப்படி)
வேறு சிலரோ வரி முறையை சீர்படுத்துவதன் மூலம் வரி செலுத்தாத informal sector இடம் இருந்து வரி கிடைக்க வாய்ப்புண்டு. குறைந்த தொகையை வரியாக கொடுத்து தப்பி விடும் பலர் பலர் சிக்குவார்கள்.
இப்படி வெவ்வேறு கருத்துகள்…...

**T.N.Balasubramanian** · **T.N.Balasubramanian** Tue Feb 12, 2019 5:47 pm

நம்ம தென்னகத்தில் சேமிப்பு என்பது 18 கேரட் தங்கத்தை
22 கேரட் என நம்பி அதில் பணத்தைப் போட்டு நகையை வாங்கி,
நகைக்கடைக்காரரை மேலும் பணக்காரர் ஆக்கி ஒரு கடையை ஒன்பது
கடையாக்க உதவுபவர்கள்.

ரமணியன்

Sponsored content · Sponsored content

வருமான வரியை ஒழிக்கணும்: சுப்பிரமணியன் சாமி

வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

Re: வருமான வரியை ஒழிக்கணும்: சுப்பிரமணியன் சாமி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக