வரலாறு காணாத விலை உயர்வில் தங்கம்: ஒரு சவரன் ரூ.25 ஆயிரத்தை தாண்டியது..!

எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

கடந்த 70 ஆண்டுகளில் இல்லாத அளவுக்கு வரலாறு காணாத வகையில் ஆபரணத் தங்கதின் விலை உயர்ந்துள்ளது. சென்னையில் ஒரு சவரன் ரூ.25,302, ஒரு கிராம் ரூ. 3,129க்கும் விற்பனை செய்யப்படுகிறது. முதல் முறையாக ஒரு சவரன் தங்கம் ரூ.25 ஆயிரத்தை தொட்டு வரலாற்றில் புதிய சாதனையை படைத்து ஏழை, நடுத்தர மக்களை அதிர்ச்சியில் ஆழ்த்தியுள்ளது. வரும் நாட்களில் இன்னும் விலை உயர்வதற்கு வாய்ப்புள்ளதாக நகை வியாபாரிகள் தெரிவித்துள்ளனர்.

பொட்ரோல், டீசல் விலையை போன்று, சர்வதேச அளவில் தங்கம் விலையிலும் பங்குசந்தை வீழ்ச்சி, ரூபாய் மதிப்பு சரிவு உள்ளிட்ட பல காரணங்களால் தங்கம் ஏற்றம், இறக்கமாக இருந்து வருகிறது. இந்த ஆண்டு தொடக்கத்தில் இருந்தே ஏறுமுகமாவே இருந்து வருகிறது. இந்த வருடத்தின் மாத தொடக்கத்தில் ஒரு சவரன் தங்கத்தின் விலை ரூ.24,168 ஆக இருந்து வந்த நிலையில், கடந்த 25 ஆம் ஒரு சவரன் ரூ.24,736 ஆக விற்பனை செய்யப்பட்டு வந்தது.

இதனைத் தொடர்ந்து கடந்த சனிக்கிழமை (ஜன.26) அதிரடியாக ஒரு கிராம் ரூ.3,121க்கும், ஒரு சவரன் ரூ.24,968க்கு விற்கப்பட்டது.

இந்நிலையில், சென்னையில் நேற்று 2,895 ரூபாய்க்கு விற்கப்பட்ட 22 கேரட் ஆபரணத் தங்கம் ஒரு கிராம் இன்று 27 ரூபாய் உயர்ந்து ஒரு கிராம் ரூ.3,129 ஆகவும், ஒரு சவரன் ரூ. 25,032 ஆக விற்பனை செய்யப்பட்டு வருகிறது. 24 கேரட் தூய தங்கத்தின் விலை கிராமுக்கு ரூ.3,276 ஆகவும், ஒரு சவரன் ரூ.26,208 ஆகவும் விற்பனை செய்யப்பட்டு வருகிறது.

தங்கத்தை போல வெள்ளியின் விலையும் அதிரடியாக உயர்ந்துள்ளது. அதாவது, வெள்ளி ஒரு கிராம் ரூ.43.10 ஆக உயர்ந்து ஒரு கிலோ ரூ.43,300 ஆக விற்பனை செய்யப்பட்டு வருகிறது. வரும் நாட்களில் இன்னும் விலை உயர்வதற்கு வாய்ப்புள்ளதாக நகை வியாபாரிகள் தெரிவித்துள்ளனர்.

டாலருக்கு நிகரான இந்திய ரூபாயின் மதிப்பு தொடர்ந்து சரிந்து வருவதால் தங்கம் விலை உயர்ந்துள்ளதாக கூறப்படுகிறது.

தொடர்ந்து திருமண நிகழ்ச்சிகள் வரும் நிலையில், வரலாறு காணாத வகையில் தங்கத்தின் விலை தொடர்ந்து அதிகரித்து வருவது ஏழைகள் மற்றும் நடுத்தர மக்களிடையே அதிர்ச்சியையும், கலக்கத்தையும் ஏற்படுத்தியுள்ளது.

விலை உயர்வு குறித்து சென்னை தங்கம், வைர வியாபாரிகள் சங்க பொதுச்செயலாளர் எஸ்.சாந்த குமார் கூறுகையில், சர்வதேச அளவில் டாலரின் மதிப்பு குறைந்துள்ளதால், தங்கத்தில் முதலீடு செய்வது அதிகரித்துள்ளதுடன், வழக்கத்தைவிட சுமார் 30 சதவீதம் முதலீடு அதிகரித்துள்ளது. சர்வதேச அளவில் தங்கத்தின் விலையும் உயர்ந்துள்ளது என்றும், வரும் நாட்களில் இன்னும் விலை உயர்வதற்கு வாய்ப்புள்ளதாக தெரிவித்தார்.

தினமணி