புதிய கேபிள் டி.வி. ஒழுங்குமுறை சட்டம் பிப்ரவரி 1-ந் தேதி அமல் : டிராய் ‘திடீர்’ அறிவிப்பு

ayyasamy ram wrote:புதுடெல்லி,

புதிய கேபிள் டி.வி. ஒழுங்குமுறை சட்டம், டிசம்பர் 29–ந்
தேதி (இன்று) முதல் அமலுக்கு வரும் என்று இந்திய
தொலைத்தொடர்பு ஒழுங்குமுறை ஆணையம் (டிராய்)
கடந்த ஜூலை 3–ந் தேதி அறிவித்தது.

இந்த நடைமுறை, பொதுமக்கள் தங்களுக்கு விருப்பமான
சேனல்களை மட்டும் தேர்வு செய்து பார்க்க வகை செய்கிறது.
இதனால், தாங்கள் பார்க்காத சேனல்களுக்கும் சேர்த்து
கட்டணம் செலுத்துவதில் இருந்து அவர்கள் விடுபடுவார்கள்.

அவர்களின் கேபிள் கட்டண செலவு குறையும் என்று
கருதப்பட்டது.

இந்த புதிய நடைமுறைக்கு மாறுவதற்கான ஏற்பாடுகளை
சேனல்களும், டி.டி.எச். நிறுவனங்களும் செய்து வந்தன.

இந்நிலையில், இந்த மாற்றத்தை இடையூறு இல்லாமல்
அமல்படுத்துவது தொடர்பாக டி.டி.எச். நிறுவனங்கள், சேனல்
நிர்வாகங்கள், எம்.எஸ்.ஓ.க்கள் உள்ளிட்ட அனைத்து
தரப்பினருடனும் ‘டிராய்’ ஆலோசனை நடத்தி வந்தது.

அதில், புதிய நடைமுறைக்கு மாறுவதற்கு கூடுதல் கால
அவகாசம் அளிக்கலாம் என்று கருத்து தெரிவிக்கப்பட்டது.

அதன் அடிப்படையில், புதிய கேபிள் டி.வி. ஒழுங்குமுறை
சட்டத்தை அமல்படுத்துவதை பிப்ரவரி 1–ந் தேதிக்கு
‘டிராய்’ தள்ளிவைத்துள்ளது.

இதுகுறித்து ‘டிராய்’ வெளியிட்டுள்ள அறிக்கையில்
கூறப்பட்டு இருப்பதாவது:–

இந்த புதிய அறிவிப்பின்படி, பொதுமக்கள் தங்களுக்கு
விருப்பமான சேனல்களை தேர்வு செய்ய ஜனவரி 31–ந்
தேதி வரை கால அவகாசம் நீட்டிக்கப்பட்டு உள்ளது.

அதுவரை, தற்போதைய டி.டி.எச். பிளான்கள் அனைத்தும்
அப்படியே நீடிக்கும். எம்.எஸ்.ஓ.க்களுக்கு எந்த சேனல்
நிர்வாகமும் சிக்னலை துண்டிக்கக்கூடாது.

இவ்வாறு அதில் கூறப்பட்டுள்ளது.
-
------------------------
தினத்தந்தி

இது தொடர்பான ஒரு whatsup  பதிவை தனி பதிவாக போடுகிறேன் அண்ணா

இந்த பதிவைத் துவங்கியவர் நன்றி கூறியுள்ளார் krishnaamma

பழ.முத்துராமலிங்கம் wrote:இதை பின்பற்றி காசு வசூலித்தால்.
பலரின் கல்லா கட்டும்.
நம் பர்ஸ் காலியாகும்.

இந்த பதிவைத் துவங்கியவர் நன்றி கூறியுள்ளார் krishnaamma

T.N.Balasubramanian wrote:சட்ட ரீதியாக கொள்ளை அடிக்க இது ஒரு சிறந்த தொழில்.
எவரும் குறை அதிகம் கூறமாட்டார்கள்.
கூறினாலும் கண்டுகொள்ளமாட்டார்கள் அதன் சொந்தக்காரர்கள்.
லாபகரமான தொழில் இது.

ரமணியன்

இந்த பதிவைத் துவங்கியவர் நன்றி கூறியுள்ளார் krishnaamma

சக்தி18 wrote:கணினியில் எல்லா டிவியையும் (கேபிள்+சாட்டிலையிட்) இலவசமாக பார்க்கலாமே!

இந்த பதிவைத் துவங்கியவர் நன்றி கூறியுள்ளார் krishnaamma