உள்ளூர் வாகனங்களுக்கு சுங்க சாவடிகளில் இலவசம்?

**ayyasamy ram** · **ayyasamy ram** Fri Dec 28, 2018 1:47 pm

புதுடில்லி :
உள்ளூர் வாகனங்களுக்கு, சுங்கச் சாவடிகளில் இலவச அனுமதி வழங்குவது குறித்து, மத்திய அரசு பரிசீலித்து வருகிறது.

நாடு முழுவதும், ஒரு லட்சம் கி.மீ.,க்கு மேல், தேசிய நெடுஞ்சாலைகள் அமைக்கப்பட்டு உள்ளன. இச்சாலைகளின் வழியாக செல்லும் வாகனங்களிடம், கட்டணம் வசூலிக்க, 400க்கும் மேற்பட்ட இடங்களில், சுங்கச் சாவடிகள் இயங்கி வருகின்றன.

தமிழகத்தில், 46 இடங்களில், சுங்கச் சாவடிகள் உள்ளன. இவற்றின் வாயிலாக, தேசிய நெடுஞ்சாலை ஆணையத்திற்கு, பல ஆயிரம் கோடி ரூபாய் வருவாய் கிடைத்து வருகிறது. இந்த நிதியை பயன்படுத்தி, சாலை விரிவாக்கம், பராமரிப்பு உள்ளிட்ட பணிகள் மேற்கொள்ளப்பட்டு வருகின்றன.

கடந்த, 2014 லோக்சபா தேர்தலின் போது, சுங்கச் சாவடிகளை அகற்றப் போவதாக, பா.ஜ., சார்பில் வாக்குறுதி அளிக்கப்பட்டது. பின், அது, கிடப்பில் போடப்பட்டது. இந்நிலையில், லோக்சபா தேர்தல், அடுத்தாண்டு நடக்க உள்ளதால், அந்த வாக்குறுதியை செயல்படுத்தும் வகையில், முதற்கட்டமாக, சுங்கச் சாவடிகளில், உள்ளூர் வாகனங்களுக்கு, கட்டண விலக்கு அளிக்க திட்டமிடப்பட்டு உள்ளது.

சில சுங்கச் சாவடிகளை, சாலை விரிவாக்கம் மற்றும் கட்டண வசூலிப்பு அடிப்படையில், தனியார் நிறுவனங்கள் இயக்கி வருகின்றன. உள்ளூர் வாகனங்களுக்கு, கட்டண விலக்கு அளிப்பதற்கு, இந்நிறுவனங்கள் தயக்கம் காட்டுகின்றன.எ னவே, இத்திட்டத்தை செயல்படுத்துவது குறித்து, அந்தந்த மாநில தேசிய நெடுஞ்சாலை ஆணைய அதிகாரிகளிடம், அறிக்கை கேட்கப்பட்டுள்ளது. அந்த அறிக்கை அடிப்படையில், இந்த திட்டம் நடைமுறைக்கு வரும் வாய்ப்புள்ளது.
-
தினமலர்

**பழ.முத்துராமலிங்கம்** · 27/09/2015

வரவேற்க வேண்டியது.

**T.N.Balasubramanian** · **T.N.Balasubramanian** Fri Dec 28, 2018 5:05 pm

இப்போதும் இருக்கிறதே.
உதாரணமாக, எனக்கு தெரிந்து, சோழிங்க நல்லூரில் /பெருங்குடியில் வாழ்பவர்கள்
டோல் பூத்தில் தங்கள் இருப்பிட சான்றை காண்பித்து அதற்கென பாசை பெற்றுக்கொண்டு
தங்களுடைய கார்களில் toll கொடுக்காமல் போகிறார்களே.
ரமணியன்

Sponsored content · Sponsored content

உள்ளூர் வாகனங்களுக்கு சுங்க சாவடிகளில் இலவசம்?

உள்ளூர் வாகனங்களுக்கு சுங்க சாவடிகளில் இலவசம்?

Re: உள்ளூர் வாகனங்களுக்கு சுங்க சாவடிகளில் இலவசம்?

Re: உள்ளூர் வாகனங்களுக்கு சுங்க சாவடிகளில் இலவசம்?

Re: உள்ளூர் வாகனங்களுக்கு சுங்க சாவடிகளில் இலவசம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக