ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

**பழ.முத்துராமலிங்கம்** · 27/09/2015

மதுரைக்குச் சென்றவர்கள் பெரியார் பேருந்து நிலையத்தை அறியாமல் இருக்க முடியாது. மதுரைக்காரர்கள், அதிகமாக பெரியார் பெயரை உச்சரிக்க இந்தப் பேருந்து நிலையமும் ஒரு காரணம். நாளொன்றுக்குப் பல்லாயிரக்கணக்கான மக்கள் இப்பேருந்து நிலையத்தைக் குறுக்கும் நெடுக்குமாகக் கடந்துகொண்டிருக்கிறார்கள். அந்தளவுக்கு மதுரையின் ஓர் அடையாளமாகத் திகழும் இப்பேருந்து நிலையம் வருகின்ற ஜனவரி 1-ம் தேதி முதல் மூடப்படுகிறது.

இது ஒரு தற்காலிக மூடல்தான், 18 மாதங்களுக்குப் பிறகு ஹைடெக் பெரியாராக இப்பேருந்து நிலையம் மாறப்போகிறது என்றாலும், அந்த 18 மாதங்களும் பெரியார் பேருந்து நிலையத்தைப் பிரிந்திருக்க வேண்டுமே என்ற கவலை மக்களை ஆட்கொண்டுள்ளது.
மதுரையில் தற்போது மாட்டுத்தாவணி எம்.ஜி.ஆர். ஒருங்கிணைந்த பேருந்து நிலையம், ஆரப்பாளையம் நிலையம், அண்ணா நிலையம், பெரியார் நிலையம் உட்பட காம்ப்ளக்ஸ் பேருந்து நிலையம் என்று ஏகப்பட்டவை இருந்தாலும், மதுரையில் முதன்முதலில் உருவானது பெரியார் பேருந்துநிலையம்தான்.

நன்றி
விகடன்

**பழ.முத்துராமலிங்கம்** · 27/09/2015

சுதந்திரத்துக்கு முன்பே மதுரை ரயில் நிலையத்துக்கு அருகில் சிறிய அளவில் பேருந்து நிலையம் உருவாக்கப்பட்டு சென்ட்ரல் பஸ் ஸ்டாண்டு என்று அழைக்கப்பட்டு வந்தது. ஆரம்ப காலத்தில் தனியார் பேருந்துகளே தமிழகத்தில் அதிகமாக ஓடியதால் பேருந்து நிலையங்கள் கட்டுமானத்தில் அரசு அதிகம் ஆர்வம் காட்டவில்லை. 1971-ல் கருணாநிதி ஆட்சியில்தான் தனியாரிடமிருந்து போக்குவரத்து, அரசின் கட்டுப்பாட்டில் கொண்டு வரப்பட்டது. அதற்குப்பின் தமிழகத்தில் முக்கிய நகரங்களில் பேருந்து நிலையங்கள் சகல வசதிகளுடன் உருவாக்கப்பட்டன. அந்த வகையில் மதுரை மாநகராட்சியாக மாறிய 1971-ம் ஆண்டில் மதுரை சென்ட்ரல் பஸ் ஸ்டாண்டுக்கு தந்தை பெரியார் பெயர் சூட்டப்பட்டது.

அன்றுமுதல் பெரியார் மதுரையின் ஓர் அடையாளமானார். அதற்குப் பின் திருச்சி, தஞ்சை, சிவகங்கை, ராமநாதபுரம் மாவட்டங்களுக்குச் செல்ல கலெக்டர் அலுவலகம் அருகில் அண்ணா பேருந்து நிலையமும், விருதுநகர், நெல்லை, குமரி மாவட்டங்களுக்குப் பழங்காநத்தத்திலும், திண்டுக்கல், தேனி, சேலம், கோவை மாவட்டங்களுக்கு ஆரப்பாளையத்திலும், விரைவுப் பேருந்துகளுக்குப் பெரியாருக்கு அருகிலும் நிலையங்கள் உருவாக்கப்பட்டன. புதிய பேருந்து நிலையங்கள் அமைந்தாலும் பேருந்து நெரிசலைக் கட்டுப்படுத்த முடியாததால் 1999-ம் ஆண்டு மாட்டுத்தாவணியில் ஒருங்கிணைந்த புறநகர்ப் பேருந்து நிலையம் அமைக்கப்பட்டது. அது எம்.ஜி.ஆர் பேருந்து நிலையமாக இப்போது பெயர் மாற்றப்பட்டது.

**பழ.முத்துராமலிங்கம்** · 27/09/2015

இப்படி ஏகப்பட்ட பேருந்து நிலையங்கள் புதிதாக உருவானாலும் முதலில் உருவான பெரியார் பேருந்து நிலையத்துக்கு உள்ள மவுசே தனி. மதுரையின் அனைத்துப் பகுதியிலிருந்தும் வருகின்ற நகர்ப் பேருந்துகளுக்கு மையமாக இது விளங்கியது.

நடந்து செல்லும் தூரத்தில் மீனாட்சியம்மன் கோயில், ரயில் நிலையம், தங்கும் விடுதிகள், உணவகங்கள், அனைத்து வகையான பொருள்களையும் கொள்முதல் செய்யக்கூடிய கடை வீதிகள், அருகிலேயே இருப்பதால் எப்போதுமே இங்கு திருவிழாபோல கூட்டம் அலைமோதிக்கொண்டிருக்கும். இந்த நிலையில்தான் வருகின்ற ஜனவரி 1-ம் தேதி முதல் இப்பேருந்து நிலையம் மூடப்படுகிறது.
ஸ்மார்ட் சிட்டி திட்டத்தில் மதுரை நகரம் இணைக்கப்பட்டதால் அதில் ஒரு பணியாக 159 கோடி ரூபாய் மதிப்பீட்டில் பெரியார் பேருந்து நிலையம் ஹைடெக்காக மாற்றப்படவுள்ளது. அதற்கான கட்டுமானப் பணிகள் தொடங்கவுள்ளதால், பெரியார் பேருந்து நிலையம் வரும் நகர் பேருந்துகளை வேறு நான்கைந்து இடங்களில் நிறுத்தி போக்குவரத்து சேவையைத் தொடர திட்டமிட்டுள்ளார்கள்.

**பழ.முத்துராமலிங்கம்** · 27/09/2015

இதுபற்றி மாநகராட்சி கமிஷனர் அனீஷ் சேகரிடம் பேசினோம், ``ஸ்மார்ட் சிட்டி திட்டத்தில் அனைத்து நவீன வசதிகளுடன் பெரியார் பேருந்து நிலையம் அமைக்கப்பட உள்ளது. அருகிலுள்ள ஷாப்பிங் காம்ப்ளக்ஸ் பேருந்து நிலையமும் இணைக்கப்பட்டு மிகப்பெரிய அளவில் 6 அடுக்குகளுடன் அமைக்கப்படும். பெரிய அளவிலான பார்க்கிங் அமைக்கப்படும். மதுரை நகருக்கு ஹைடெக் பஸ் ஸ்டாண்டாக இது திகழும், 18 மாதங்களில் கட்டுமானப்பணிகள் முடிவடையும்'' என்றார்.

இப்பேருந்து நிலையம் அமைக்கப்பட்ட பின்பு மீனாட்சியம்மன் கோயில் செல்லும் பாதைகளில் வாகனங்கள் நிறுத்துவது முற்றிலுமாகத் தடுக்கப்படும். அதுபோல் மதுரைக் கல்லூரி பாலம்முதல் கட்டபொம்மன் சிலைவரை புதிய மேம்பாலம் அமைக்கப்படுகிறது. வெளிநாட்டைப்போல ஹைடெக் பஸ் ஸ்டாண்டு வரப்போவது மகிழ்ச்சிதான். அதுவரை பெரியாரை பிரிந்திருக்க வேண்டுமென்பது மட்டும்தான் மக்களுக்கு வருத்தமாக உள்ளது

Sponsored content · Sponsored content

ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

Re: ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

Re: ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

Re: ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

Re: ஹைடெக் மாற்றத்துக்காக மூடப்படவிருக்கிறது மதுரை பெரியார் பேருந்து நிலையம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக