'தமிழ் சினிமா வளர்ந்த கதை' நுாலிலிருந்து:

தியோடர் பாஸ்கரன் எழுதிய, 'தமிழ் சினிமா வளர்ந்த கதை'
நுாலிலிருந்து:

தென் மாநில சினிமா வரலாற்றில், முதல், 20 ஆண்டுகளில்,
வர்த்தக ரீதியாக ஒரு படமும் தயாரிக்கப்படவில்லை.
இன்று, பரந்து விரிந்து வளர்ந்துள்ள சினிமாத் துறையை,
தயாரிப்பு, வினியோகம், காட்சிப்படுத்துதல் என்று பிரித்தால்,
காட்சிப்படுத்துதல் மட்டுமே முதல், 20 ஆண்டுகளில்
வளர்ந்தது எனலாம்.

மற்ற இரு அம்சங்களும் அப்போது ஆரம்பமாகவில்லை.

வேகமாக பரவி வந்த சலனப் படத்துறை, சென்னை,
அண்ணாசாலையில், 'போட்டோ ஸ்டுடியோ' வைத்திருந்த
வெங்கையா என்பவரை ஈர்த்தது.

சென்னையில், இரண்டு நிரந்தர கொட்டகைகளும்,
பல, 'டூரிங் டாக்கீஸ்'களும், சலனப் படங்களை,
வெற்றிகரமாக திரையிட்டுக் கொண்டிருந்தன.

'கிராமபோன்' ஒன்றுடன் இணைக்கப்பட்ட, 'புரொஜக்டர்'
ஒன்றை வாங்கி, விக்டோரியா ஹாலில் படங்களை திரையிட
ஆரம்பித்தார், வெங்கையா.

அவை, 500 அடி நீளமே உடைய, அமெரிக்க துண்டுப் படங்கள்.
படம், திரையில் விழ ஆரம்பித்ததும், ரெக்கார்டு சுழல
ஆரம்பித்து, ஒலி பிறந்து, படங்கள் பேசுவது போன்ற பிரமை
ஏற்படும்.

வசூல் நன்றாகவே இருந்தது. பின், இலங்கைக்கும்,
பர்மாவிற்கும் சென்று படங்களை திரையிட்டு, கணிசமான
தொகையுடன் திரும்பிய வெங்கையா, ஒரு நிரந்தர சினிமா
கொட்டகையை கட்டி, சென்னையிலேயே தங்க முடிவு
செய்தார்.

அண்ணாசாலையில், 1913ல், 'கெயிட்டி' தியேட்டரை கட்டினார்.
முதன் முதலாக, இந்தியர் ஒருவரால், தென் மாநிலத்தில்
கட்டப்பட்ட இந்த திரையரங்கு தான், தியேட்டர்களுக்கு
எல்லாம் முன்னோடி.

அதுமட்டுமல்ல, முதலில் வைத்த, 'கெயிட்டி' என்ற பெயரே,
இறுதி வரை நிலைத்திருந்தது.

தற்சமயம், அந்த தியேட்டர் இருந்த இடம், வணிக வளாகமாகி
விட்டது.
-
-----------------------------------------------
நடுத்தெரு நாராயணன், வாரமலர்

Code:



அண்ணாசாலையில், 1913ல், 'கெயிட்டி' தியேட்டரை கட்டினார்.
முதன் முதலாக, இந்தியர் ஒருவரால், தென் மாநிலத்தில்
கட்டப்பட்ட இந்த திரையரங்கு தான், தியேட்டர்களுக்கு
எல்லாம் முன்னோடி.



இந்த தியேட்டரில் படம் பார்த்திருப்பதில் மகிழ்ச்சி.