அரசு மருத்துவமனைகளில் லஞ்ச ஒழிப்பு போலீஸ் சோதனை- பணியாளர்களிடம் இருந்து லஞ்ச பணம் பறிமுதல்

**ayyasamy ram** · **ayyasamy ram** Fri Dec 07, 2018 4:40 pm

சென்னை:

தமிழகம் முழுவதும் உள்ள அரசு மருத்துவமனைகளில்
நோயாளிகளிடமும் அவர்களது உறவினர்களிடமும்
மருத்துவமனை ஊழியர்கள் லஞ்சம் வாங்குவதாக
ஏராளமான புகார்கள் எழுந்தன.

இதையடுத்து லஞ்ச ஒழிப்பு போலீசார் இன்று அதிரடி
டவடிக்கையில் இறங்கினார்கள்.

சென்னை ராஜீவ் காந்தி அரசு பொது மருத்துவமனையில்
இன்று காலை லஞ்ச ஒழிப்பு போலீசார் சோதனை மேற்
கொண்டனர். மருத்துவமனை டீன் ஜெயந்தியிடம்
விசாரணை நடத்திய போலீசார் லஞ்சப் புகார் தொடர்பாக
எழுந்துள்ள குற்றச்சாட்டுகள் குறித்தும் விரிவாக
விசாரித்தனர்.

திருவல்லிக்கேணி கஸ்தூரிபா மருத்துவமனையிலும்
சோதனை நடத்தப்பட்டது. பிரசவத்துக்கு பின்னர் ஆண்
குழந்தையை காட்டுவதற்கு ரூ.1000-மும், பெண்
குழந்தையை காட்டுவதற்கு ரூ.500-ம் கேட்பதாக
அங்கிருந்தவர்கள் குற்றம் சாட்டினர்

இதேபோல் எழும்பூர் மகப்பேறு மருத்துவமனை,
திருவள்ளூர் அரசு மருத்துவமனை, கடலூர் அரசு
மருத்துவமனை என தமிழகம் முழுவதும் 60-க்கும்
மேற்பட்ட அரசு மருத்துவமனைகளில் லஞ்ச வேட்டை
நடத்தப்பட்டது.

இந்த சோதனையின்போது பல்வேறு பகுதிகளில்
லஞ்சப் பணமும் கைப்பற்றப்பட்டுள்ளது. கடலூர் அரசு
மருத்தவமனையில் உள்ள பணியாளர்களிடம்
4000 ரூபாய் பணத்தை லஞ்ச ஒழிப்புத்துறை போலீசார்
பறிமுதல் செய்தனர்.

மதுரை அரசு மருத்துவமனையில் பெண் பணியாளர்
ஒருவரிடம் இருந்து ரூ.10 ஆயிரம் பறிமுதல் செய்யப்
பட்டுள்ளது.

---------------------------------------
தினமலர்

சிவனாசான் · சிவனாசான் Fri Dec 07, 2018 8:01 pm

சோதனை செய்வது வெறும் விளம்பரமாகவே போய்விடுகிறது. லஞ்சம் வாங்கிய கயமை தொழில் செய்தவர்களை உடனே விசாரனை இன்றி வீட்டு அனுப்பினால் போதும் .அதுதான்
சரியான தீர்வு. அதை விட்டு வழக்கு கோர்ட் வாய்தா வக்கீல் பீஸ் என நீள்வதால் ஒன்றும்
பயனே ஏற்படபோவதில்லை. லஞ்சம் வாங்குவது குற்றம் என்று தெரிந்தே வாங்கு கிறார்கள் அவர்களை இவர்களால் என்னசெய்யமுடியும். அரசியலே லஞ்சத்தில் தானே நடக்கிறது.

அரசு மருத்துவமனைகளில் லஞ்ச ஒழிப்பு போலீஸ் சோதனை- பணியாளர்களிடம் இருந்து லஞ்ச பணம் பறிமுதல்

அரசு மருத்துவமனைகளில் லஞ்ச ஒழிப்பு போலீஸ் சோதனை- பணியாளர்களிடம் இருந்து லஞ்ச பணம் பறிமுதல்

Re: அரசு மருத்துவமனைகளில் லஞ்ச ஒழிப்பு போலீஸ் சோதனை- பணியாளர்களிடம் இருந்து லஞ்ச பணம் பறிமுதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக