விமானம் மூலம் மின்கம்பம் நடவேண்டும்: திண்டுக்கல் சீனிவாசன் உத்தரவு...... மின்வாரிய அதிகாரிகள் அதிர்ச்சி

First topic message reminder :

வேதாரண்யம்:
கஜா புயலால் பாதிக்கப்பட்ட நாகை, தஞ்சை, திருவாரூர்,
புதுகை மாவட்டங்களில் மின்சார வாரியம் சார்பில் மின்
இணைப்பு கொடுக்கும் பணி நடைபெற்று வருகிறது.

வெளி மாவட்டம் மற்றும் வெளி மாநிலங்களில் இருந்து
மின்ஊழியர்களை வரவழைத்து போர்க்கால அடிப்படையில்
பணிகள் முடுக்கி விடப்பட்டுள்ளது. மீட்பு பணிகளை
பார்வையிடும் அமைச்சர்கள் ஓரிரு நாட்களில் மின்சாரம்
விநியோகிகப்படும் என கூறி செல்கின்றனர்.

நாகை மாவட்டம் வேதாரண்யம் நகரத்தில் மின்சாரம்
விநியோகிப்பதற்காக மின் கம்பங்களை நடும் பணி நேற்று
நடைபெற்றது. மீட்பு பணிகளை அமைச்சர்கள் திண்டுக்கல்
சீனிவாசன், ஓ.எஸ்.மணியன் ஆகியோர் பார்வையிட்டனர்.

அப்போது இன்று (நேற்று) மாலை 6 மணிக்குள் வேதாரண்யம்
டவுனில் மட்டும் மின்கம்பங்கள் நட்டு முடிக்கப்பட்டு மின்சாரம்
விநியோகப்படும் என அமைச்சர் திண்டுக்கல் சீனிவாசன்
கூறினார்.

இதையடுத்து வேதாரண்யம் டவுனில் உள்ள தமிழ்நாடு
மின்வாரிய அலுவலகத்தில் மாலை 5 மணியளவில்
அமைச்சர்கள் மற்றும் மின்வாரிய அதிகாரிகள் செந்தில்வேலன்,
ஹெலன் மற்றும் அதிகாரிகள் ஆலோசனை நடத்தினர். நேரம்
சென்று கொண்டிருந்ததே தவிர அமைச்சர் கூறியபடி மின்சாரம்
வழங்கப்படவில்லை.

இதற்கிடையில் மின்வாரிய அதிகாரிகளிடம் அமைச்சர்
திண்டுக்கல் சீனிவாசன் கூறுகையில், நவீன டெக்னாலஜி
மூலம் மின்கம்பங்களை விமானம் மூலம் நடுவதற்கு நடவடிக்கை
எடுக்க வேண்டும். அதற்கான திட்டத்தை உடனே துவக்குங்கள்
என்றார்.

அப்போது அருகில் இருந்த அமைச்சர் ஓ.எஸ்.மணியன் அது
சாத்தியமில்லை என்றார். குறுக்கிட்ட அமைச்சர் திண்டுக்கல்
சீனிவாசன், வெளிநாட்டில் நடுக்கடலில் பாலம் கட்டுகிறான்,
கடலுக்கு அடியில் நகரத்தைேய நிர்மாணிக்கிறான்.
நம்மால் விமானம் மூலம் மின்கம்பங்களை நட முடியாதா என
கேட்டார்.

இப்படி செய்தால் விவசாயம் அழிந்துவிடும் என அமைச்சர்
ஓ.எஸ்.மணியன் கூறினார். விவசாயம் அழிந்தாலும்
பரவாயில்லை, மின்கம்பங்களை விமானம் மூலம் நடுவதற்கான
கண்டுபிடிப்புகளை கண்டுபிடியுங்கள் என மின்வாரிய
அதிகாரிகளுக்கு அமைச்சர் உத்தரவிட்டார்.

அப்போது 6.30 மணி நெருங்கியதை பார்த்த அமைச்சர்கள்
இருவரும் நாகையில் முக்கியமான கூட்டம் உள்ளது நாங்கள்
செல்கிறோம், நீங்கள் மின்சாரத்தை உடனே விநியோகியுங்கள்
என அதிகாரிகளுக்கு உத்தரவிட்டு அங்கிருந்து சென்றனர்.

பணிகளே முடியவில்லை, எப்படி மின்சாரம் விநியோகிப்பது
என தெரியாமல் மின்வாரிய அதிகாரிகள் புலம்பி வருகின்றனர்.
-
------------------------
தினகரன்

ஞானமுருகன் wrote:நான் இப்பொழுது எலக்ட்ரிகல் டவர் வடிவமைத்து கொண்டு இருக்கிறேன். இதை முதலில் தரையில் வைத்து ஸ்டீல் மெம்பெர்ஸ் போல்ட் போட்டு இணைத்து முழு structure ஆகா ஆனா பின் ஹெலிகாப்டர் துணை கொண்டு சரியான இடத்தில நிறுவ செய்வார்கள். இது போன்று கடலில் ஆயில் அண்ட் காஸ் (Oil & Gas structures ) தரையில் அமைத்து பின் கடலுக்கு ஹெலிகாப்டர் துணை கொண்டு தூக்கி சென்று நிறுத்துவார்கள். நான் பலமுறை site  சென்று  Erection முடியும் வரை இருந்து உள்ளேன்.

ஆனால் மின் கம்பத்திற்கு இது பொருந்தாது.  

மேற்கோள் செய்த பதிவு: 1287408
உங்கள் விளக்கம் அற்புதம் ஞானமுருகன்.

T.N.Balasubramanian wrote:

பழ.முத்துராமலிங்கம் wrote:

T.N.Balasubramanian wrote:மற்றுமோர் செல்லூர் .
தாங்காதப்பா தாங்காது தமிழ்நாடு

ரமணியன்

மேற்கோள் செய்த பதிவு: 1287361

இவர்கள் ஆட்சியில் நாம்.
அறிவுபூர்வமான சிந்தனை அனைத்தும் பதிவுகளாக பாதுகாக்கப் படவேண்டும் ஐயா.

மேற்கோள் செய்த பதிவு: 1287370

குறித்துக்கொள்ளுங்கள்.

Code:

நான் அப்பிடி எல்லாம் சொல்லவில்லை. மின்கம்பம் நடுதல் வேகமாக நடைபெறுகிறது.
கேபிள்தான் கவலைக்கிடம் என்று கூறினார்கள். அதற்குதான் நான் விமானம் மூலம் ஏற்பாடுகள் பண்ணுங்கள் என்று கூறினேன்.

என்று அந்த மந்திரி கூறுவார் பாருங்கள்.

ரமணியன்

மேற்கோள் செய்த பதிவு: 1287402
நன்றி ஐயா

துரித நடவடிக்கை என்றால் இப்படித்தான் பேசுவார்கள் அமைச்சர்கள். கடலுக்கு தெர்மாக்கோல் பரப்பினார்களே அமைச்சர் சொன்னார் என்று.

சுட்டி காட்டுவதற்கு மன்னிக்கவும். மின் கம்பங்களுகு பொருத்தாது என்று பதிவில் குறிப்பிட்டு உள்ளேன், மற்றும் ஒரு புரிதல் உதாரணத்துக்கு தான் ட்ரான்ஸ்மிஷஸின் டவர் குறிப்பிட்டு உள்ளேன். மேலும் செய்தி விரிவாக இல்லை. யாருக்கு தெரியும் அமைச்சர் இதனை நினைத்து கூட கூறி இருக்கலாம் என்ற எண்ணத்தின் அனுமானத்தின் பதிவு செய்தேன். இப்பொழுது செய்தி போடுகிறவர்கள் எத்தனையோ செய்திகளை திரித்து போடுகிறார்கள். மின் கம்பம் பொருத்துவதற்கு விமானம் தேவை என்ற அறிவு கூட இல்லாமல் தான் அவர் அமைச்சராக இருக்கிறாரா? அப்படி நாமளே எண்ணி கொண்டு பிறரை கேலி செய்வது வெட்கத்து உரியது.

பிறகு செல்லூர் ராஜு கடலில் தெர்மோகோல் விடவில்லை. அது வைகை நீர் தேக்கம்(Dam).

ஞானமுருகன் wrote: சுட்டி காட்டுவதற்கு மன்னிக்கவும். மின் கம்பங்களுகு பொருத்தாது என்று பதிவில் குறிப்பிட்டு உள்ளேன், மற்றும் ஒரு புரிதல் உதாரணத்துக்கு தான் ட்ரான்ஸ்மிஷஸின் டவர் குறிப்பிட்டு உள்ளேன். மேலும் செய்தி விரிவாக இல்லை. யாருக்கு தெரியும் அமைச்சர் இதனை நினைத்து கூட கூறி இருக்கலாம் என்ற எண்ணத்தின் அனுமானத்தின் பதிவு செய்தேன். இப்பொழுது செய்தி போடுகிறவர்கள் எத்தனையோ செய்திகளை திரித்து போடுகிறார்கள். மின் கம்பம் பொருத்துவதற்கு விமானம் தேவை என்ற அறிவு கூட இல்லாமல் தான் அவர் அமைச்சராக இருக்கிறாரா? அப்படி நாமளே எண்ணி கொண்டு பிறரை கேலி செய்வது வெட்கத்து உரியது.

பிறகு செல்லூர் ராஜு கடலில் தெர்மோகோல் விடவில்லை. அது வைகை நீர் தேக்கம்(Dam).

மேற்கோள் செய்த பதிவு: 1287467
அமைச்சர்கள் அனைத்து அறிவியல்
அறிவும் தெரிந்து வைத்திருக்க முடியாது.
அவர்களுக்கு உதவ ஐஏஎஸ் அதிகாரிகள்
உள்ளனர். அவர்களை கேட்டு அதன் படி
நடக்கலாம். அதை விடுத்து தெளிவற்று
பேட்டி அளிக்க கூடாது.

ஆம் அதை தான் நானும் கூற வருகிறேன். எந்த தகுதியும், கல்வி அறிவும் இல்லாத ஒருவரை தேர்ந்து எடுத்தது யாருடைய தவறு?
அப்படி தேர்ந்து எடுத்தவர்களால் இவ்வாறு தான் யோசிக்க முடியும். ஆனால் அவர் தலைமையில் உள்ள படித்த தகுதி உள்ள அதிகாரிகளுக்கு தெரியாத ? அவர்களால் சுட்டிக்காட்ட முடியாத? அப்படி என்றால் அதிகாரிகளுக்கும் அவ்வளவு தான்.............. ?

இப்பொழுது எல்லாம் மக்களுக்கு இப்படிப்பட்ட தமாசு செய்திகள் தேவை படுகிறது என்பதற்காக திடிர்னு முளைத்த சில தரமற்ற ஊடகங்கள் பொறுப்பற்ற முறையில் நடந்து கொள்கின்றனர். இந்த செய்தி பிளாஷ் நியூஸ் என்று போட்டு காசு சம்பாதிக்கிறார்கள். நாட்டில் எவ்வளவு நல்ல விஷயங்களை பகிர எந்த TV களும் முன் வரவில்லை. ஏன் என்றால் மக்கள் இதை தான் விரும்புகிறார்கள் என்று ஒரு சாக்கு வேறு.
போதத்துக்கு இந்த சோசியல் மீடியாவும் சேர்ந்து மக்களை முட்டாளாகவே வைத்து இருக்க முயற்சிக்கின்றனர். தேவை இல்லாத செய்திகளுக்கு முக்கியத்துவம் கொடுக்காதீர்கள்.
இந்த வலை தளத்திலும் இது போன்ற செய்திகளை பதிவிடாதீர்கள் என்பது என்னுடைய தாழ்மையான வேண்டுகோள்.

அர்த்தமுள்ள பின்னூட்டங்கள் .


ரமணியன்

மேற்படி அமைச்சர் உளறுவது இதுதான் முதல்முறை அல்ல . ஒரு அமைச்சர் பேசுவதை இந்த நாடே கவனிக்கிறது என்பதை நினைவில் கொள்ளவேண்டும் . நமக்குத் தெரியாததை பொது மேடையில் பேசக்கூடாது என்ற அடிப்படை அறிவு கூட இல்லாமல் , உளறிக் கொட்டுகிறார்கள் . கம்ப இராமாயணம் இயற்றியது சேக்கிழார் என்று முதலமைச்சர் பேசுகிறார் என்றால் , அந்தப் பதவிக்கான தகுதியை இழந்துவிட்டார் என்பதே உண்மை . குறைந்த பட்சம் செய்த தவறுக்கு வருத்தமாவது தெரிவித்திருக்கலாம் . அதையும் செய்யவில்லை . ஒரு அமைச்சர் தெர்மோகோலினால் ஆற்றை மூடி , ஆற்றுநீர் ஆவியாகாமல் இருக்க முயற்சி செய்கிறார் . இன்னொருவர் விமானத்தின் மூலமாக கம்பங்கள் நடுவதற்கு முயற்சி செய்யவேண்டும் என்று சொல்கிறார் . என்ன பேத்தல் இது !

சேக்கிழார் முதலமைச்சராக இருந்தவர் ; பெரிய புராணம் இயற்றியவர் . மாணிக்கவாசகரும் முதலமைச்சராக இருந்தவர் ; திருவாசகம் செய்தவர் . ஒரு அமைச்சராக இருப்பவருக்கு நூலறிவும் , நுண்ணறிவும் இருக்கவேண்டும் என்பது ஐயன் வள்ளுவனின் வாக்கு .

அமைச்சு என்னும் அதிகாரத்தில் , ஒரு அமைச்சனின் இலக்கணங்களை விரிவாகக் கூறுகிறார் .

மதிநுட்பம் நூலோ டுடையார்க்கு அதிநுட்பம்
யாவுள முன்நிற் பவை .

என்று கூறுகிறார் . அதாவது ஒரு அமைச்சனுக்கு நூலறிவும் வேண்டும் , நுண்ணறிவும் வேண்டும் என்று இக்குறட்பாவில் கூறுகிறார் .
ஆனால் இவர்களுக்கு நூலறிவும் கிடையாது ; நுண்ணறிவும் கிடையாது .

Code:


சேக்கிழார் முதலமைச்சராக இருந்தவர் ; பெரிய புராணம் இயற்றியவர் . மாணிக்கவாசகரும் முதலமைச்சராக இருந்தவர் ; திருவாசகம் செய்தவர் . ஒரு அமைச்சராக இருப்பவருக்கு நூலறிவும் , நுண்ணறிவும் இருக்கவேண்டும் என்பது ஐயன் வள்ளுவனின் வாக்கு .




அமைச்சர் எப்படி இருக்க வேண்டும்
என்பதற்கு அருமையான தகவல்கள்.