பாலியல் அத்துமீறலை விசாரிக்க சிறப்பு குழு தேவை: மேனகா

புதுடில்லி:
போலீஸ் துறைகள், மருத்துவமனைகளில் நிகழும் பாலியல்
அத்துமீறல் சம்பவங்கள் குறித்து விசாரணை நடத்த,
ஐ.சி.சி., எனப்படும், உள்ளார்ந்த விசாரணைக் குழுக்கள்
அமைக்கும்படி, மத்திய அமைச்சரும், பா.ஜ., மூத்த
தலைவருமான, மேனகா உத்தரவிட்டுள்ளார்.

பாலிவுட் நடிகை தனுஸ்ரீ தத்தா, பிரபல நடிகர்
நானா படேகர், 2008ல், தன்னை பாலியல் ரீதியில்
துன்புறுத்தியதாக சமீபத்தில் புகார் கூறி பரபரப்பை
ஏற்படுத்தினார்.

அதைத் தொடர்ந்து, சினிமா, ஊடகங்கள், அரசியல் உட்பட
பல்வேறு துறைகளைச் சேர்ந்த பெண்கள், தாங்கள் பாலியல்
ரீதியில் துன்புறுத்தப்பட்டதாக, சமூக வலைதளங்களில்
புகார் கூறி வருகின்றனர்.

இந்நிலையில், அனைத்து போலீஸ் துறைகளில் நடக்கும்
பாலியல் அத்துமீறல்கள் குறித்து விசாரிக்க, ஐ.சி.சி.,
எனப்படும் உள்ளார்ந்த விசாரணைக் குழுக்கள்
அமைக்கும்படி, மத்திய பெண்கள் மற்றும் குழந்தைகள்
நலத்துறை அமைச்சர் மேனகா உத்தரவிட்டுள்ளார்.

மேலும், மத்திய சுகாதாரத் துறை அமைச்சர்,
ஜே.பி.நட்டாவுக்கு, மேனகா கடிதம் எழுதியுள்ளார். அதில்
அவர் கூறியுள்ளதாவது:

அனைத்து அரசு அலுவலகங்களில் நடக்கும் பாலியல்
அத்துமீறல்களை விசாரிக்க, உள்ளார்ந்த விசாரணைக்
குழுக்கள் அமைக்கப்பட்டுள்ளன. ஆனால், போலீஸ்
துறையிலும், மருத்துவ துறையிலும் இத்தகைய குழுக்கள்
அமைக்கப்படவில்லை.

எனவே, மருத்துவத் துறையில் விசாரணைக் குழு அமைக்க
உத்தரவிடும்படி கேட்டுக் கொள்கிறேன். உள்ளார்ந்த
விசாரணைக் குழு உறுப்பினர் களுக்கு, தக்க பயிற்சி
அளிக்க விரிவான ஏற்பாடுகளை, மத்திய பெண்கள்,
குழந்தைகள் நலத்துறை அமைச்சகம் செய்துள்ளது.

இந்த பயிற்சிகள் அளிக்கும் பணியில், பல பயிற்சி
நிறுவனங்களை ஈடுபடுத்தி உள்ளோம். சுயமாக கற்றுக்
கொள்ள உதவும் வீடியோவும் தயாரிக்கப்பட்டுள்ளது.

இந்த வீடியோ, பெண்கள், குழந்தைகள் நலத்துறை
இணையதளத்தில் இடம்பெற்றுள்ளது.இவ்வாறு கடிதத்தில்
கூறப்பட்டுள்ளது.
-
--------------------------------
தினமலர்

பொய் புகார் கொடுப்பவர் மீதும் கடுமையான நடவடிக்கைகள் தேவை

SK wrote:பொய் புகார் கொடுப்பவர் மீதும் கடுமையான நடவடிக்கைகள் தேவை

மேற்கோள் செய்த பதிவு: 1287227
மீ டூ இருக்கின்றதே இது எதற்கு.
ஆண்கள் பாவம் பார்த்து பார்த்து
நடக்க வேண்டும்.