பெண்களுக்கு அழகு எது? - ஒளவையார்

**krishnaamma** · **krishnaamma** Wed 21 Nov 2018 - 9:49

* பயனில்லாத பொருள்களை நாம் தூக்கி எறிவது போல், பயனற்றவர்களின் அன்பையும் உதறித் தள்ளுவதே அறிவுடைமை.
* ஒருவர் பலமுறை கூறி, அதன் பின் செயலை செய்து முடிப்பது பண்பாகாது. தானே தனது கடமையைச் செய்ய வேண்டும்.
* மன எழுச்சியைப்பெற அதிகாலையில் எழுந்திருக்கும் பழக்கத்தை வழக்கமாக்கிக் கொள்வது சரியான வழி முறையாகும்.
* பெரியோர் இருக்குமிடத்தில் பேசும் போது நம் வாதங்களை, முகத்தில் அடித்தால் போல் நிதானமிழந்து கூறுவதை தவிர்க்க வேண்டும்.
* கணவனைக் காத்தல், வீட்டைக் காத்தல், அறத்தைக் காத்தல், அன்பைக் காத்தல் என நல்லனவற்றைக் காப்பதே பெண்ணுக்கு அழகு.
* தீயவனவற்றைக் காப்பாற்றக் கூடாது, அவை அழிவுக்கு காரணமானதாகும், நல்லனவற்றையே காத்தல் நம்மையும் ஒரு பொருட்டாக உலகம் மதிக்க வழி ஏற்படுத்தித் தரும்.
* நல்ல நூல்கள் கூறும் கருத்துக்களையும், பெரியோர் கூறும் அறிவுரைகளையும் உள்ளத்தில் வைத்து காத்தல் வேண்டும்.
- ஒளவையார்

**krishnaamma** · **krishnaamma** Wed 21 Nov 2018 - 9:50

* உலகத்திலுள்ள ஒவ்வொரு கோயிலுக்கும் சென்று அங்குள்ள தெய்வங்ளை எல்லாம் வழிபாடு செய்வது நல்லது.
* வானத்திலிருந்து பெய்யும் பருவமழை குறைந்து விட்டால் உலகில் தான தருமங்களும் குறைந்து விடும்.
* தூய்மையான உள்ளத்தில் வஞ்சக எண்ணங்களுக்கு சிறிதும் இடம் கிடையாது.
* சந்தனம் எவ்வளவு தேய்த்தாலும் தன் நறுமணத்தினையே பிறருக்கு கொடுக்கும். அதுபோல நல்லவர்கள் வறுமை அடைந்தாலும் தன் நற்குணத்திலிருந்து மாறுவதில்லை.
* உலகில் இரண்டு ஜாதியினரே இருக்கிறார்கள். ஒன்று ஆண், மற்றொன்று பெண்.
* தாமரை இலைமேல் தண்ணீர் போல, உடம்பின் மீது உள்ள பற்றுக்களை குறைத்துக் கொண்டு வாழுங்கள்.
* நல்ல குடும்பத்தில் பிறந்தவர்கள் வறுமை நிலை அடைந்தாலும், தன் மேன்மையான தன்மை விட்டுக்கொடுக்காமல் தன்னால் ஆன உதவியை பிறருக்குச் செய்வார்கள்.
* ஆண்டுகள் பலவாக அழுது நம்மை நாமே வருத்திக் கொண்டாலும் மாண்டவர்கள் மீண்டு வரப்போவதில்லை. காலம் ஓடிக் கொண்டிருக்கிறது. இறப்பு நம்மை நோக்கி வந்து கொண்டிருக்கிறது. அதனால், உங்களால் முடிந்த நன்மைகளை பிறருக்குச் செய்யுங்கள்.

ஒளவையார்

**பழ.முத்துராமலிங்கம்** · 27/09/2015

நல்ல கருத்துக்கள் ஆனால் இதை தற்காலத்தில் எத்தனை பேர் பின்பற்றுகின்றனர்.
நிறைய பெண்கள் தற்போது பெரியோரிடம் மரியாதையாக பேசுவதே இல்லை.
எதிர்த்து எதிர்த்தே பேசுகின்றனர்.
மேலும் பெண்கள் அதிக சம்பாத்தியமே இந்த மாதிரி நடந்து கொள்ள முக்கிய காரணம்.

SK · SK Sun 25 Nov 2018 - 10:33

நல்ல கருத்து உள்ள பதிவு

சூப்பருங்க

**T.N.Balasubramanian** · **T.N.Balasubramanian** Sun 25 Nov 2018 - 20:10

பெண்களுக்கு அழகு போல் ஆண்களுக்கும் சில கடமைகள் உண்டு.
அவ்வையார் ஏதாவது கூறியிருப்பாரே?

ரமணியன்

**M.Jagadeesan** · **M.Jagadeesan** Sun 25 Nov 2018 - 20:32

" உண்டி சுருங்குதல் பெண்டிர்க்கு அழகு "

என்பது ஒளவையார் வாக்கு . கொன்றைவேந்தனில் இவ்வாறு கூறுகிறார் . எனவே பெண்கள் நொறுக்குத் தீனி சாப்பிடக்கூடாது . முற்காலத்தில் பெண்கள் , கிணற்றில் நீர் இறைப்பது , ஆட்டுக்கல்லில் மாவு அரைப்பது , அம்மிக்கல்லில் அரைப்பது , வீட்டை மெழுகுவது , குனிந்து கோலம் போடுவது , துணி துவைப்பது போன்ற கடினமான வேலைகளைச் செய்து வந்தமையால் , உடல் ஆரோக்கியமாகவும் , சதை போடாமலும் இருந்தது . இப்போது எல்லா வேலைகளைச் செய்வதற்கும் எந்திரங்கள் வந்துவிட்டதால் , அவைகளிடம் வேலைகளைக் கொடுத்துவிட்டு , ஜாலியாக TV பார்த்துக்கொண்டு இருக்கிறார்கள் . TV பார்த்துக்கொண்டே நொறுக்குத் தீனியும் சாப்பிடுவதால் உடல் பெருத்து விடுகிறது . எல்லா வியாதிகளும் கூடவே வந்துவிடுகிறது .

எனவே குறைவாக சாப்பிட்டு , நிறைய வீட்டு வேலைகளைச் செய்தாலே , பெண்கள் அழகுடன் இருப்பார்கள் .

**krishnaamma** · **krishnaamma** Mon 26 Nov 2018 - 21:07

பழ.முத்துராமலிங்கம் wrote:நல்ல கருத்துக்கள் ஆனால் இதை தற்காலத்தில் எத்தனை பேர் பின்பற்றுகின்றனர்.
நிறைய பெண்கள் தற்போது பெரியோரிடம் மரியாதையாக பேசுவதே இல்லை.
எதிர்த்து எதிர்த்தே பேசுகின்றனர்.
மேலும் பெண்கள் அதிக சம்பாத்தியமே இந்த மாதிரி நடந்து கொள்ள முக்கிய காரணம்.

உண்மை ஐயா, நான் மற்றும் ஒரு பதிவில் கூட இதே பதில் தான் போட்டேன்.... பெண்கள் தங்கள் சுதந்திரத்தை தவறாக பயன்படுத்துகிறார்கள்.... இது எங்கே போய் முடியுமோ தெரியவில்லை சோகம்

**krishnaamma** · **krishnaamma** Mon 26 Nov 2018 - 21:07

SK wrote:நல்ல கருத்து உள்ள பதிவு

நன்றி செந்தில் புன்னகை

**krishnaamma** · **krishnaamma** Mon 26 Nov 2018 - 21:08

T.N.Balasubramanian wrote:பெண்களுக்கு அழகு போல் ஆண்களுக்கும் சில கடமைகள் உண்டு.
அவ்வையார் ஏதாவது கூறியிருப்பாரே?

ரமணியன்

இருக்கும் இருக்கும், பார்க்கிறேன் ஐயா...நீங்களும் பாருங்கள் ........... அய்யோ, நான் இல்லை

**krishnaamma** · **krishnaamma** Mon 26 Nov 2018 - 21:11

M.Jagadeesan wrote:" உண்டி சுருங்குதல் பெண்டிர்க்கு அழகு "

என்பது ஒளவையார் வாக்கு . கொன்றைவேந்தனில் இவ்வாறு கூறுகிறார் . எனவே பெண்கள் நொறுக்குத் தீனி சாப்பிடக்கூடாது . முற்காலத்தில் பெண்கள் , கிணற்றில் நீர் இறைப்பது , ஆட்டுக்கல்லில் மாவு அரைப்பது , அம்மிக்கல்லில் அரைப்பது , வீட்டை மெழுகுவது , குனிந்து கோலம் போடுவது , துணி துவைப்பது போன்ற கடினமான வேலைகளைச் செய்து வந்தமையால் , உடல் ஆரோக்கியமாகவும் , சதை போடாமலும் இருந்தது . இப்போது எல்லா வேலைகளைச் செய்வதற்கும் எந்திரங்கள் வந்துவிட்டதால் , அவைகளிடம் வேலைகளைக் கொடுத்துவிட்டு , ஜாலியாக TV பார்த்துக்கொண்டு இருக்கிறார்கள் . TV பார்த்துக்கொண்டே நொறுக்குத் தீனியும் சாப்பிடுவதால் உடல் பெருத்து விடுகிறது . எல்லா வியாதிகளும் கூடவே வந்துவிடுகிறது .

எனவே குறைவாக சாப்பிட்டு , நிறைய வீட்டு வேலைகளைச் செய்தாலே , பெண்கள் அழகுடன் இருப்பார்கள் .

மேற்கோள் செய்த பதிவு: 1287000

ஹா..ஹா..ஹா.... மன்னிக்கணும் ஐயா....( சிரித்ததற்கு ) புன்னகை

.......நொறுக்குத் தீனி செய்து மட்டும் கொடுத்துவிட்டு சாப்பிடாமல் இருக்க வேண்டுமா???.... புரியவில்லையே....மற்றபடி வீட்டு வேலைகள் பற்றி நீங்கள் சொன்னது ரொம்ப சரி...ஆனால் இத்தனை உபகரணங்கள் காலத்தின் கட்டாயம்... புன்னகை

Sponsored content · Sponsored content

பெண்களுக்கு அழகு எது? - ஒளவையார்

பெண்களுக்கு அழகு எது? - ஒளவையார்

இங்கு இரண்டே ஜாதி தான்!

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

Re: பெண்களுக்கு அழகு எது? - ஒளவையார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக