பெட்டி பெட்டியாய் பிடிப்பட்டது "நாய்க்கறி"..!

First topic message reminder :

சென்னை மக்களே..! பெட்டி பெட்டியாய் பிடிப்பட்டது "நாய்க்கறி"..! எந்தெந்த ஓட்டலில் பிரியாணி தெரியுமா..?!



ராஜஸ்தான் மாநிலம் ஜோத்பூரில் இருந்து சென்னை எழும்பூர் ரயில் நிலையத்திற்கு வந்த மண்ணை எக்ஸ்பிரஸ் ரயில் பெட்டியில் இருந்து 1000 கிலோநாய் கறி கண்டுபிடிக்கப்பட்டு கைப்பற்றப்பட்டு உள்ளது. 

கடந்த சில நாட்களாக அவ்வப்போது இது போன்று பார்சல் பெட்டிகள் சென்னை ரயில் நிலையத்தில் இறக்கப்படுகிறது என்ற ரகசிய தகவல் கிடைத்ததை அடுத்து, உணவு பாதுகாப்பு துறை அதிகாரிகள் இன்று திடீரென சோதனை செய்தனர். அப்போது 12 பெட்டிகளில் ஆயிரம் கிலோ கறி வைக்கப்பட்டு இருந்ததை கண்டு அதிர்ச்சி அடைந்தனர்.  பின்னர் அதனை சோதனை செய்த போது, அதில் தோல் உரிக்கப்பட்ட நாய் கறிகள் வைக்கப்பட்டு உள்ளது.



மேலும் மற்ற சில பெட்டிகளில் நான்கு துண்டுகளாக வெட்டப்பட்டு கறிகளை பிரித்து அறியாத அளவிற்கு, சரியான முறையில் பதப்படுத்தாமல் வைக்கப்பட்டு உள்ளது. இதே போன்று பல மாதங்களாக கறிகள் சென்னை எழும்பூரில் இறக்கப்பட்டு வந்துள்ளது கண்டுப்பிடிக்கப்பட்டு உள்ளது. ஆனால் அவை அனைத்தும்  நாய் கறிகள் என்பது இன்று தான் வெளிச்சத்திற்கு வந்து உள்ளது.

நன்றி சிவா!

நான் நேற்று வலையொளி பல்வேறு மக்களின் கருத்துக்களை கேட்டேன். சென்னை ஆடு தொட்டி சங்க தலைவர் பேட்டி(Behindwood சேனல்) மற்றும் அதனை தொடர்ந்து வேறு பல பதிவுகளையும் படித்தேன். அந்த இறைச்சி பார்ப்பதற்கு நாய் போல இருந்தாலும் ஆடு தான் என்று பதிவிட்டு உள்ளனர். எதுவாக இருந்தாலும் லேப் டெஸ்ட் முடிவு வரும் வரை பொறுத்து இருப்போம். இந்த பிரச்சனையில் உணவு பாதுகாப்பு அதிகாரிகள் மக்களுக்கு உண்மை தெரியப்படுத்த வேண்டும். ஆனால் இறைச்சி கட்டுபோனவை என்று தெரிகிறது.
எப்படியோ அசைவ பிரியர்கள் எப்பொழுதும் வெளி உணவகத்தில் அசைவம் சாப்பிடுவதை தவிர்க்கலாம் (சைவமாக இருந்தாலும்).

மேலும் நாய் கறி யாரும் விரும்பி சாப்பிடவில்லை, ஒரு சில வியாபாரிகளின் லாப நோக்கத்திற்காக ஏமாற்றி விற்கப்படுகிறது.
எந்த மனிதனின் நிலையும் நாய் கறி சாப்பிடும் அவல நிலைக்கு வரவில்லை என்பதை நான் நம்புகின்றேன்.

ஐயா மாட்டுக்கறி சாப்பிடும் இந்த நாட்டில் நாய் கறி சாப்பிடுவது பெரிய குற்றம் இல்லை. இறைச்சி சாப்பிடும் பழக்கம் ஒரு ஒரு நாட்டில் வேறு பட்டுள்ளது. ஆப்பிரிக்கா, சீனா மற்றும் ஜப்பான் நாட்டில் பல்வேறு வகை இறைச்சிகளும் உண்கிறார்கள். ஏன் தமிழ் நாட்டில் எலி கறி சாப்பிட்ட வரலாறுகளும் பதிவாகி உள்ளன. இறைச்சி சாப்பிடுவதால் மட்டும் மிருகங்கள் இல்லை, தன் மக்கள் புயலினால் பாதிக்க பட்டும் உதவ முன்வராதவர்கள் அனைவரும் எப்படி எடுத்துக்கொள்வது? பாரதியின் கோவத்தில் நாம் மனித ஜென்மங்களா? ஒரு ஒருவருக்கும் வேறு வகையான சிந்தனை. இறைச்சி சாப்பிடும் நான் உட்பட அனைவரும் மனித மிருகங்களே.

சென்னையில் கைப்பற்றப்பட்டது நாய்க்கறி இல்லை.. ஆட்டுக்கறிதான்.. உறுதி செய்தது ஆய்வு முடிவு

சென்னை: சென்னை எழும்பூர் ரயில் நிலையத்தில் பறிமுதல் செய்யப்பட்ட கெட்டுப்போன 2000 கிலோ இறைச்சி நாய் கறி கிடையாது, அது ஆட்டு இறைச்சி என்று பரிசோதனை முடிவில் தெரியவந்துள்ளது. சென்னை எழும்பூர் ரயில் நிலையத்தில், கடந்த 17ம் தேதி ஜோத்பூரிலிருந்து வந்த ரயிலில் இருந்து 21 பெட்டிகளில் கெட்டுப்போன மாமிசங்கள் பறிமுதல் செய்யப்பட்டன. ரயில் பாதுகாப்பு படை போலீஸ் உதவியோடு, உணவு பாதுகாப்பு அதிகாரிகள் இந்த இறைச்சிகளை பறிமுதல் செய்து, அவற்றை மாநகராட்சி குப்பை கூடத்திற்கு கொண்டு சென்று அழித்தனர்.
இறைச்சி வடிவம் இந்த இறைச்சியின் வடிவமைப்பை வைத்து பார்க்கும்போது, நாய்க்கறியாக இருக்குமா என்ற சந்தேகம் அதிகாரிகளுக்கு எழுந்தது. வால் பகுதி நீளமாக இருந்தது, கழுத்து பகுதி ஒடுங்கியிருந்தது போன்றவை இந்த சந்தேகங்களுக்கு காரணம்.

கால்நடை மருத்துவமனை இதையடுத்து, வேப்பேரி கால்நடை மருத்துவமனை கல்லூரியிலுள்ள, பரிசோதனை கூடத்திற்கு, இறைச்சி மாதிரிகள் அனுப்பபட்டன. தற்போது இந்த ஆய்வு முடிவு வந்துள்ளது. எழும்பூர் ரயில் நிலையத்தில் கைப்பற்றப்பட்டவை, நாய் இறைச்சி கிடையாது, ஆட்டு இறைச்சிதான் என்று அந்த ஆய்வு முடிவு தெரிவிக்கிறது.

ஆடு அல்லது செம்மறியாடு ரேடியோலஜி உள்ளிட்ட சோதனைகள் மூலமாக இந்த முடிவு எட்டப்பட்டுள்ளது. ஆடு அல்லது செம்மறியாடு இனத்தை சேர்ந்த இறைச்சிதான் இது. நாய் இறைச்சி இல்லை என்று உறுதியாக தெரிவிக்கிறது ஆய்வு முடிவு.

கெட்டுப்போனது உறுதி ஆனால், 21 பெட்டிகளில் வந்த இறைச்சி அனைத்துமே கெட்டுப்போனது என்பது உறுதியாகியுள்ளது. எனவே அவற்றை அழித்ததில் தவறு இல்லை என்பதால் ரயில்வே அதிகாரிகளும், உணவு பாதுகாப்பு அதிகாரிகளும் சர்ச்சையில் இருந்து தப்பி நிம்மதி பெருமூச்சு விட்டுள்ளனர்.
இனியாவது ஆனால், நாய்க்கறி என அவசப்பட்டு அவர்கள் எடுத்த முடிவு காரணமாக, மக்கள் மத்தியில் இத்தனை நாட்களாக நாய்க்கறி பீதி நிலவியது. சென்னையில், சிறு, குறு ஹோட்டல்களின் பிசினஸ் படுத்துவிட்டது. இனியாவது உரிய ஆதாரங்கள் இல்லாமல் வதந்தி பரப்ப கூடது என்பதே மக்கள் கோரிக்கை

நன்றி
தமிழ் ஒன்னு இந்தியா

எப்படியோ நாய் கறியென்று புரளி கிளப்பி
கறி திண்ணும் ஆசையில் மண்ணை போட்டு விட்டார்கள்.
ஆட்டு கறி பிரியாணி பிரியர்கள்
பாடு திண்டாட்டம்.