வெகு சிறிய காலமே வாழ்க்கை!

வித்யாசாகர் · வித்யாசாகர் Mon Dec 21, 2009 6:12 pm

வெகு சிறிய காலமே வாழ்க்கை!

ஒரு கால சுவடின் கண்களிலிருந்து
பிறக்கிறது நம் வாழ்வின் மீதான கோபம்;
கொட்டி அழுதிடாமல் மனதில் கத்தியழும்
வாழ்விற்கே - உனக்கும் எனக்கும் போட்டி;

ஊருலகம் பேசுமோ உறவு பேசுமோ
வேலை இருக்குமோ போகுமோ
பணம் கிடைக்குமா கிடைக்காதா
நாளை இருப்பேனா மாட்டேனா.........???

கேள்விகளோடு மட்டுமே கனத்து போய்
நகர்த்தும் வாழ்வில் - ஞானம் பிறக்கும் முன்
பிறப்பின் காரணம் புரியும் முன்
திருத்திக் கொண்டு வாழ நினைப்பதற்குள்
உயிர் பிரிகிறதே தோழா?????????

வாழ்வொன்றும் அத்தனை பெரிதில்லை
வாழும் போதே திருத்திக் கொள்ளல் தகுமோ!!
------------------------------------------------
வித்யாசாகர்

ramesh.vait · ramesh.vait Mon Dec 21, 2009 6:21 pm

திரு.வித்தியா அவர்களுக்கு, ஞானம் பிறக்கும் முன் பிறப்பின் காரணம் புரியும் முன் திருத்திக் கொண்டு வாழ நினைப்பதற்குள் உயிர் பிரிகிறதோ….. இந்த வார்த்தைகள் ஒவ்வொறு மனிதனின் வாழ்க்கையில் ஒளித்துக் கொண்டு இருக்கும்… உங்களது படைப்புகள் தொடர எனது வாழ்த்துகள்…. இப்படிக்கு வை.ரமேஷ்

வித்யாசாகர் · வித்யாசாகர் Mon Dec 21, 2009 6:41 pm

அன்பு நண்பருக்கு மனமார்ந்த நன்றிகள்!

ஆம், வாழ்வின் காலம் நிறைய ஆசைகளோடும் கனவுகளோடும் கனவுகளாகவே முடியும் நிறைய பேரை பார்க்கிறோம் தானே தோழரே!

அதை எதிர்த்து துணிந்து எதிர் நீச்சலிட இது போன்ற எச்சரிக்கை கவிதைகள் பயன் படுமென எண்ணுகிறேன், அவ்வளவே!

ரூபன் · ரூபன் Mon Dec 21, 2009 6:53 pm

அழகான கவிதை அருமையா வரிகள் எல்லோருக்கும்
தேவையான விளக்கம் அண்ணா வெகு சிறிய காலமே வாழ்க்கை! 677196

**சிவா** · **சிவா** Mon Dec 21, 2009 6:54 pm

வாழ்க்கை மிகக் குறுகியது, ஆனால் தேடல்களோ மிக அதிகமாக உள்ளது.

வாழ்வை அறிந்து தம்மைத் திருத்திக் கொள்ளவேண்டும் என்ற எண்ணம் வரும்பொழுது உயிர் இருப்பதில்லை. இளம்வயதில் கற்றுக் கொள்ள மனமில்லை. வாழ்க்கையை உணர்ந்து வாழ நினைத்தால் குடும்பம் நிலைப்பதில்லை.

என்னதான் வழி?

செந்தில்குமார் · 04/10/2009

புத்தருக்கு போதி மரம் கிடைத்ததாம்
அதனால் இங்கே அனைவரும் போதி மரம் தேடி அலைகின்றனர்
பாவம் அவர்களுக்கு தெரியாது இதில் போதி மரம் ஒன்றும் செய்யவில்லை என்று

ரூபன் · ரூபன் Mon Dec 21, 2009 7:05 pm

kirupairajah · kirupairajah Mon Dec 21, 2009 7:34 pm

வித்யாசாகர் wrote:வெகு சிறிய காலமே வாழ்க்கை!

ஊருலகம் பேசுமோ உறவு பேசுமோ
வேலை இருக்குமோ போகுமோ
பணம் கிடைக்குமா கிடைக்காதா
நாளை இருப்பேனா மாட்டேனா.........???

கேள்விகளோடு மட்டுமே கனத்து போய்
நகர்த்தும் வாழ்வில் - ஞானம் பிறக்கும் முன்
பிறப்பின் காரணம் புரியும் முன்
திருத்திக் கொண்டு வாழ நினைப்பதற்குள்
உயிர் பிரிகிறதே தோழா??