8 ஆண்டுகள் கழித்தும் நிறைவேறாமல் போன சரண்யாவின் ஆசை

**பழ.முத்துராமலிங்கம்** · 27/09/2015

தமிழில் நம்பர் ஒன் குணச்சித்திர நடிகையாக வலம்வரும் சரண்யா பொன்வண்ணன் தனது சொந்த மொழியான மலையாளத்தில் எட்டு ஆண்டுகள் கழித்து ஒரு படத்தில் நடித்துள்ளார். படத்தின் பெயர் 'ஒரு குப்ரசித பையன்'. டொவினோ தாமஸ் கதாநாயகனாக நடித்துள்ள இந்தப்படத்தில் அவரது அம்மாவாக நடித்துள்ளார் சரண்யா.

இதில் செம்பம்மாள் என்கிற தமிழ் பெண்ணாகவே இவர் நடித்துள்ளதால் படத்தில் இவர் பேசுவது முழுவதும் தமிழ் வசனங்கள் தானாம். எட்டு ஆண்டுகள் கழித்து ஒரு படத்திலாவது மலையாளத்தில் பேசலாம் என ஆவலாக இருந்தவருக்கு இது கொஞ்சம் ஏமாற்றம் தான் என்றாலும், தமிழில் அவருக்கு வழங்கப்படுவது போல இந்தப்படத்திலும் அழுத்தமான கேரக்டரை கொடுத்துள்ளார்களாம். இந்தப்படம் நாளை (நவ-9) ரிலீஸாகிறது.

நன்றி
தினமலர்

**ayyasamy ram** · **ayyasamy ram** Sun Nov 11, 2018 8:56 am

சரண்யா பொன்வண்ணன் (Saranya Ponvannan,
பிறப்பு: ஏப்ரல் 26, 1970)

பெரும்பாலும் தமிழ் திரைப்படங்களில் நடித்துவரும்
ஓர் இந்திய திரைப்பட நடிகை ஆவார்.

சரண்யா, மணிரத்னம் இயக்கிய நாயகன் திரைப்படத்தில்
அறிமுகமானார். அதனைத் தொடர்ந்து 1980களில் சில
திரைப்படங்களில் நடித்திருந்த சரண்யா எட்டு ஆண்டுகள்
ஓய்வு பெற்றிருந்தார்.

பின்னர் திரைப்படங்களில் குணச்சித்திர வேடங்களில்,
பெரும்பாலும் நாயகர்களின் அன்னை வேடத்தில், நடிக்கத்
தொடங்கினார்[1]. ராம்,(2005), தவமாய் தவமிருந்து (2005),
எம்டன் மகன் 2006 மற்றும் களவாணி (2010) போன்ற
படங்களில் அவரது நடிப்பு வெகுவாகப் புகழப்பட்டது;

சிறந்த குணச்சித்திர நடிகைக்கான ஃபிலிம் ஃபேர் வழங்கும்
இரு விருதுகளும் கிட்டின.

2010ஆம் ஆண்டுக்கான இந்தியத் தேசியத் திரைபட
விருதுகளில் சிறந்த நடிகைக்கான விருதை தென்மேற்குப்
பருவக்காற்று என்ற திரைப்படத்திற்காகப் பெற்றுள்ளார்.
-
----------------------
நன்றி-விக்கிபீடியா