நடிகர் ரஜினிகாந்த் நடித்து உள்ள 2.0 படத்தை திரையிடும் திரையரங்குகள் முன்பு போராட்டம் வாட்டாள் நாகராஜ் அறிவிப்பு

**ayyasamy ram** · **ayyasamy ram** Sat Nov 10, 2018 6:42 am

பெங்களூரு,

நடிகர் ரஜினிகாந்த் நடித்து உள்ள 2.0 படத்தை திரையிடும் திரையரங்குகள் முன்பு போராட்டம் நடத்தப்படும் என்று வாட்டாள் நாகராஜ் அறிவித்து உள்ளார்.

வாட்டாள் நாகராஜ் ஆர்ப்பாட்டம்

கர்நாடகத்தில் குறிப்பாக பெங்களூருவில் பிற மொழி படங்களின் ஆதிக்கம் அதிகஅளவில் உள்ளதாகவும், தமிழ், இந்தி மொழி படங்கள் பெங்களூரு உள்பட மாநிலம் முழுவதும் அதிக திரையரங்குகளில் வெளியாவதாகவும், இதனால் கன்னட திரையுலகம் கடுமையாக பாதிக்கப்படுதாகவும் கன்னட அமைப்புகள் குற்றச்சாட்டு கூறி வருகிறார்கள்.

இந்த நிலையில், இயக்குனர் ஷங்கர் இயக்கத்தில் நடிகர்கள் ரஜினிகாந்த், அக்‌ஷய்குமார் நடிப்பில் ரூ.600 கோடி செலவில் தயாராகி உள்ள 2.0 படம் வருகிற 29-ந் தேதி திரைக்கு வர உள்ளது.

இந்த நிலையில், பெங்களூரு உள்பட மாநிலம் முழுவதும் பிற மொழி படங்களின் ஆதிக்கத்தை கட்டுப்படுத்த கோரி கன்னட சலுவளி வாட்டாள் கட்சியின் தலைவர் வாட்டாள் நாகராஜ் தலைமையில் பெங்களூரு சிவானந்த சர்க்கிளில் உள்ள கர்நாடக திரைப்பட வர்த்தக சபை அலுவலக கட்டிடம் முன்பு நேற்று ஆர்ப்பாட்டம் நடைபெற்றது. அப்போது வாட்டாள் நாகராஜ் மேளம் அடித்து நூதன முறையில் ஆர்ப்பாட்டம் நடத்தினார். பின்னர் வாட்டாள் நாகராஜ் நிருபர்களிடம் கூறியதாவது:-

கட்டுப்படுத்த வேண்டும்

கர்நாடகத்தில் பிற மொழி படங்கள் அதிகளவில் திரையிடப்படுகின்றன. இதனால் கன்னட திரையுலகம் கடுமையாக பாதிக்கப்பட்டுள்ளது. கன்னட படங்களுக்கு திரையரங்குகள் கிடைக்காத நிலை உள்ளது. கன்னட திரையுலகை பாதுகாக்க வேண்டுமென்றால், அனைத்து திரையரங்குகளிலும் கன்னட படத்தை திரையிட வேண்டும். சமூக அக்கறை உள்ள படங்கள் அதிகளவில் வர வேண்டும். பிற மொழி படங்கள் கர்நாடகத்தில் வெளியிடுவதை கட்டுப்படுத்த வேண்டும்.

நடிகர் ரஜினிகாந்த் நடித்துள்ள 2.O திரைப்படம் வருகிற
29-ந் தேதி வெளிவருகிறது. இதற்காக கர்நாடகத்தில்
அனைத்து திரையரங்குகளும் முன்பதிவு செய்யப்பட்டுவிடும்.

இதற்கு எதிர்ப்பு தெரிவித்து பெங்களூரு உள்பட மாநிலம்
முழுவதும் 2.0 படம் திரையிடப்படும் திரையரங்குகள் முன்பாக
கன்னட கூட்டமைப்பு சார்பில் போராட்டம் நடத்துவோம்.

இவ்வாறு வாட்டாள் நாகராஜ் கூறினார்.

தினத்தந்தி

சிவனாசான் · சிவனாசான் Sat Nov 10, 2018 7:25 am

எல்லாம் சுய நலனே ....ஒன்றில் பெரியர் ஒன்றில் சிறியருங்க...ஊரார் பிள்ளையை ஊட்டி வளர்த்தால் தன் பிள்ளை தானே வளரும் என்பார்கள் அது அக்கால மொழியுங்க தற்போது தன் பெண்டாண்டி மட்டுமே மஞ்சா பூசனும்ங்கிற காலமாயிடுச்சிங்கோ......................

SK · SK Sat Nov 10, 2018 10:31 am

இவரை வாட்டாள் நாகராஜ் என்பதற்கு பதில்
முட்டாள் நாகராஜ் என கூறலாம்

**பழ.முத்துராமலிங்கம்** · 27/09/2015

SK wrote:இவரை வாட்டாள் நாகராஜ் என்பதற்கு பதில்
முட்டாள் நாகராஜ் என கூறலாம்

மேற்கோள் செய்த பதிவு: 1285104

இவர் தன்னை மற்றவர்களுக்கு காட்டிக்
கொள்ளும் விதம் .
தமிழர்களுக்கு எப்போதும் எதிரானவர்.
இது அவரை அங்கு நிலைநாட்ட உதவுகிறது.
என்ன செய்ய.

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக