நினைவு கூறல் - அமரர் கவிஞர் கிரிகாசன்

**T.N.Balasubramanian** · **T.N.Balasubramanian** Tue Oct 30, 2018 10:23 pm

அமரர் கவிஞர் கிரிகாசன் அவர்கள் பிறந்த தினம் இன்று .( 31 அக்டொபர்
அவர்கள் நினைவாக நான் ரசித்த அவருடைய கவிதை ஒன்று.

தீவிழி வேண்டும்

சங்கரனின் கண் வேண்டும்
சற்றே இப்புவிதன்னில்
சாம்பல் ஆக்க
பொங்கி மன வெறி கொண்ட
புல்லோரின் தீயமனம்
பொசுக்க வேண்டும்
அங்கமெலாம் நஞ்சாகி
அகம் வந்தே இனம் கொன்றும்
அடிமையாக்கி
எங்குமவர் கொடி பறக்கும்
இச்சைகொள்வோர் கண்டுவிழி
இமைக்க வேண்டும்

மங்கை தமிழ்ப் பெண்ணவரை
மணமேடை இல்லாது
மஞ்சம் கொண்டே
செங்குருதி முகம் கொழிக்கச்
சினம் மேவும் நிலைகண்டு
சிவந்தே அழுதோர்
அங்கம்படச் சேறிட்டும்
அவர்பெண்மை இழிந்தூற்றி
அவலம் செய்தோர்
எங்குளரோ அங்கவர்முன்
என்விழியும் திறந்தனலை
இறைக்க வேண்டும்

வந்துபிறந் தோம்வாழ்வில்
வகையறியாத் தவழ்ந்தோடி
வீழ்ந்தே எழுந்தோம்
அந்தோ எம்அன்னைகரம்
அணைக்க மனம் மகிழ்ந்தேநல்
அன்பைக் கண்டு
விந்தை யுலகென்றோடி
வியந்தே அறிந்த நம்
வாழ்வை யின்றோ
இந்தவகை தீயவரும்
எடுக்க அவர்மீதுகனல்
எறிய வேண்டும்

வஞ்சகமாய் வந்து தமிழ்
வரலாற்றைத் திரித்தெழுத
வழியும் கோலி
கொஞ்சி மகிழ்ந்தே குலத்தை
கொடியறுக்கும் விதமாகக்
கெடுக்க வெண்ணி
நஞ்செடுத்தே அமுதமதில்
நடுவூற்றிக் கலப்தென
நல்லோர் தூங்க
தஞ்சமென்று இருந்தோரைத்
தான்கருக வைத்தோரும்
தகிக்க வேண்டும்

சிம்மாசனம் ஆட்சி
செங்கோலும் திறைசேரி
செம்மை வாழ்வு
அம் மாபெரும் படைகள்
அலங்காரம் அந்தபுரம்
ஆடும் நங்கை
செம்மாதுளை பிளந்த
சிரிப்போ நகைசிந்தும்
சிறுவர் கூட்டம்
இம்மா சுகம் கொண்டே
இருந்த இனம்அழித்தோர் கண்
டிமைக்க வேண்டும்

**சிவா** · **சிவா** Tue Oct 30, 2018 10:32 pm

கவிஞர் கிரிகாசன் அவர்களை நினைவு கூர்ந்தமைக்கு நன்றி ஐயா!

**ராஜா** · **ராஜா** Tue Oct 30, 2018 10:59 pm

கிரிகாசன் அண்ணனை நினைவு கூர்ந்தமைக்கு நன்றிகள் ஐயா

**krishnaamma** · **krishnaamma** Wed Oct 31, 2018 9:23 am

**பழ.முத்துராமலிங்கம்** · 27/09/2015

தன் உள்ளக் குமுறலை கவிதையாக வடித்துள்ளார்
மிகவும் அருமை.
அண்ணாரை நினைவு கூர்ந்தமைக்கு நன்றி ஐயா.

**T.N.Balasubramanian** · **T.N.Balasubramanian** Wed Oct 31, 2018 11:19 am

கவிஞரை கண்டதில்லை
அவருடன் பேசியதில்லை
இருப்பினும் அவர் போற்றிய நட்பு
கவிதை வடிவில் பிறந்த தினத்தன்று வாழ்த்தியது
நினைவுக்கு வருகிறது..
அவரது அந்திம கால மனப்போராட்டங்கள்,
படிக்க மனதில் இறுக்கத்தை தந்ததுண்டு.
அவர் அறியாத எனது உயிர் நண்பன் மறைவிற்கு
இறுதி அஞ்சலி கவிதை அனுப்பியவர் அவர் .
நல்ல நண்பர்.

ரமணியன்

**ayyasamy ram** · **ayyasamy ram** Wed Oct 31, 2018 12:00 pm

-
கிரிகாசன் கவிதைகள் 1/10 ( புதியன 1)
-
https://eegarai.darkbb.com/t109473-1-10-1

Sponsored content · Sponsored content

நினைவு கூறல் - அமரர் கவிஞர் கிரிகாசன்

நினைவு கூறல் - அமரர் கவிஞர் கிரிகாசன்

தீவிழி வேண்டும்

Re: நினைவு கூறல் - அமரர் கவிஞர் கிரிகாசன்

Re: நினைவு கூறல் - அமரர் கவிஞர் கிரிகாசன்

Re: நினைவு கூறல் - அமரர் கவிஞர் கிரிகாசன்

Re: நினைவு கூறல் - அமரர் கவிஞர் கிரிகாசன்

Re: நினைவு கூறல் - அமரர் கவிஞர் கிரிகாசன்

Re: நினைவு கூறல் - அமரர் கவிஞர் கிரிகாசன்

Re: நினைவு கூறல் - அமரர் கவிஞர் கிரிகாசன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக