கர்நாடகா இடைத்தேர்தல் : ஓட்டுப்பதிவில் விறுவிறுப்பு

**ayyasamy ram** · **ayyasamy ram** Sat Nov 03, 2018 10:52 pm

பெங்களூரு: கர்நாடகாவின் மூன்று லோக்சபா, இரண்டு
சட்டசபை தொகுதிகளுக்கு, நடந்த இடைத்தேர்தலில்,
விறுவிறுப்புடன், அமைதியான முறையில் ஓட்டுப்பதிவு
நடந்தது.

கர்நாடகாவில், முதல்வர் குமாரசாமி தலைமையில்,
ம.ஜ.த., - காங்., கூட்டணி ஆட்சி நடக்கிறது. இம்மாநிலத்தில்,
காலியாக இருந்த, ஷிவமொகா, பல்லாரி, மாண்டியா ஆகிய
மூன்று லோக்சபா தொகுதிகள், ராம் நகர், ஜமகண்டி ஆகிய
இரண்டு சட்டசபை தொகுதிகளுக்கு, இடைத்தேர்தல் நடந்தது.

காலை, 7:00 மணிக்கு துவங்கிய ஓட்டுப்பதிவு சிறிது நேரத்தில்
விறுவிறுப்பை எட்டியது. ஏராளமான மக்கள், ஆர்வமுடன்
ஓட்டுச் சாவடிகளுக்கு வந்து ஓட்டு போட்டனர்

.மாலை, 5:00 மணி நிலவரப்படி, அதிகபட்சமாக, ஜமகண்டியில்,
74.41 சதவீதம்; குறைந்தபட்சமாக, மாண்டியாவில் 48.83 சதவீத
ஓட்டுகள் பதிவாகின. சில இடங்களில், மாலை, 6:00 மணியை
கடந்தும், வாக்காளர்கள் வரிசையில் நின்றிருந்தனர்.

வரிசையில் நின்று கொண்டிருந்தோருக்கு மட்டும், ஓட்டு போட
அனுமதிக்கப்பட்டது. அதன் பின் வந்த மற்றவர்களுக்கு அனுமதி
மறுக்கப்பட்டது. முன்னெச்சரிக்கை நடவடிக்கையாக, துப்பாக்கி
ஏந்திய போலீசார் குவிக்கப்பட்டிருந்தனர்.

ஓட்டுப்பதிவு முடிந்ததும், மின்னணு இயந்திரங்கள், யாருக்கு
ஓட்டு போட்டோம் என்று உறுதி செய்யும் இயந்திரங்கள், 'சீல்'
வைக்கப்பட்டன. பின், அந்தந்த ஓட்டு எண்ணும் மையங்களுக்கு,
பலத்த பாதுகாப்புடன் கொண்டு செல்லப்பட்டன.

நேற்று பதிவான ஓட்டுகள், வரும், 6ம் தேதி எண்ணப்பட உள்ளன.
-
----

**krishnaamma** · **krishnaamma** Sat Nov 03, 2018 11:03 pm

நல்லது

கர்நாடகா இடைத்தேர்தல் : ஓட்டுப்பதிவில் விறுவிறுப்பு

கர்நாடகா இடைத்தேர்தல் : ஓட்டுப்பதிவில் விறுவிறுப்பு

Re: கர்நாடகா இடைத்தேர்தல் : ஓட்டுப்பதிவில் விறுவிறுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக