ஆண்டுக்கு ஒரு முறை மட்டுமே திறக்கப்படும் கர்நாடக ஹசனம்பா கோயில்

**ayyasamy ram** · **ayyasamy ram** Mon Oct 29, 2018 7:42 am

-
ஹசன்,
கர்நாடக மாநிலம், ஹசன் நகரில் இருக்கும் புகழ்பெற்ற,
ஆண்டுக்கு ஒருமுறை மட்டுமே திறக்கப்படும் ஹசனம்பா
கோயிலைத் தரிசிக்கவும், அங்குள்ள அதியசத்தைக் காணவும்
லட்சக்கணக்கான மக்கள் குவிந்து வருகின்றனர்.

இந்தக் கோயிலில் நடக்கும் அதிசயத்தை யாரும் வீடியோ,
புகைப்படம் எடுக்கக் கூடாது என்ற கடும் கட்டுப்பாடு
விதிக்கப்பட்டுள்ளது.

ஹசன் நகரில் அமைந்துள்ள 12-ம் நூற்றாண்டைச் சேர்ந்த
பழமையானது ஹசனம்பா கோயில். ஹோய்சாலர்கள்
மன்னர்கள் காலத்தில் கட்டப்பட்ட பழமையான கோயில்
என்பதால், இங்குச் சிலைகள், கோபுரங்கள் பிரமாண்டமாக
இருக்கும்.

இந்த கோயிலின் முக்கியத்துவம் என்னவென்றால், இந்தக்
கோயில் நாள்தோறும் திறக்கப்பட்டு பூஜைகள் செய்யப்படாது.
இந்தக் கோயில் ஆண்டுக்கு ஒருமுறை மட்டுமே
திருவிழாவின்போது திறக்கப்பட்டு பூஜை நடத்தப்பட்டு பின்னர்
மூடப்படும்.

தீபாவளிக்கு முன்பாக வரும் பவுர்ணமி அன்று கோயில்
நடை திறக்கப்படும், ஒருவாரம் நடக்கும் திருவிழா முடிந்தபின்
கோயில் நடை மீண்டும் சாத்தப்படும். இந்தக் கோயிலின் சிறப்பு
என்னவென்றால், நடை சாத்தப்படும் போதும் இந்தக் கோயிலில்
உள்ள அம்மனுக்குப் பூக்களால் அலங்காரம் செய்யப்பட்டு,
நெய்விளக்கு ஏற்றப்படும்,
பின்னர் நெய்வேத்தியம் படைக்கப்பட்டு பக்தர்களுக்கு
காட்சியளித்தபின் கோயில் நடை சாத்தப்படும்.

ஏறக்குறைய ஒரு ஆண்டுக்குப்பின் மீண்டும் கோயில்
நடைதிறக்கப்படும் போது, அம்மன் மீது போடப்பட்ட பூக்கள்
வாடாமல், நெய்விளக்கு அணையாமல், இருக்கும். மேலும்
நெய்வேத்தியமாக வைக்கப்பட்ட சாதமும் கெட்டுப் போகாமல்
இருக்கும்.

இந்த காட்சியைக் காண நாடுமுழுவதும் ஏராளமான பக்தர்கள்
இந்த ஒருவார திருவிழாவுக்கு வருகிறார்கள்.

வரும் 1-ம் தேதி திறக்கப்படும் கோயில் 9-ம் தேதிவரை
திறந்திருக்கும். இந்நிலையில், கோயிலில் நடக்கும் அதிசயத்தைக்
காண ஒவ்வொரு ஆண்டும் பக்தர்கள் குவிந்தவண்ணம் உள்ளனர்.

திருவிழாவுக்கு இன்னும் 4 நாட்கள் மட்டுமே இருக்கும் நிலையில்
இப்போதே பக்தர்கள் வரத் தொடங்கிவிட்டனர்.
–
———————————————-
தினபூமி

ஆண்டுக்கு ஒரு முறை மட்டுமே திறக்கப்படும் கர்நாடக ஹசனம்பா கோயில்

ஆண்டுக்கு ஒரு முறை மட்டுமே திறக்கப்படும் கர்நாடக ஹசனம்பா கோயில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக