பாகவதத்தில் ஒரு காட்சி!

**ayyasamy ram** · **ayyasamy ram** Sun Oct 28, 2018 1:26 pm

மகாபாரதம் எழுதிய வியாசரை விஷ்ணுவின் அவதாரம்
என்றே சொல்லும் ஒரு வழக்கு உண்டு. அவருக்கு சுகன்
என்றொரு மைந்தன் உண்டு. அவரும் ஒரு ஞானி.

இருவரும் பிருந்தாவனத்திற்கு வரும் காட்சி.

முதலில் வியாசர். கோபியர்கள் குளத்தில் ஆடையின்றி
குளித்துக் கொண்டிருக்கின்றனர். வியாசர் குளத்தைக்
கடக்கும் போது கோபியர் வெட்கத்துடன் மார்பை
மறைத்துக் கொள்கின்றனர்.

கொஞ்ச நேரத்தில் அவரது மைந்தன் அதே வழியில் கடந்து
செல்கிறான். பெண்கள் எந்தக் கூச்சமுமின்றி
நிர்வாணமாகக் குளித்துக் கொண்டிருக்கின்றனர்.

இது என்ன அதிசயம்?
வியாசர் முதுமை அடைந்தவர். அவரைக் கண்டு பெண்கள்
வெட்கமடையக் கூடாது!

ஆனால் அவரது மைந்தரோ இளமையானவர்.
அவரைக் கண்டல்லவோ இவர்கள் வெட்கமடைய வேண்டும்?
எதிர் மறையாக கோபியர் நடந்து கொள்கின்றனரே?

வியாக்கியானம்:

வியாசருக்கு வயசாகி விட்டாலும் ‘தான்’ ஒரு ஆண் என்ற
நினைப்பு இருக்கிறதாம். அதை கோபியர் உள்ளுணர்வால்
புரிந்து கொள்கின்றனர். எனவே கூச்சமடைகின்றனர்.

ஆனால், அவரது மைந்தரோ ஒரு ஜஹீவன் முக்தராக
இருக்கிறார். ‘தான்’ என்ற உணர்வே இல்லாமல்
நடமாடுகிறார். கோபியர்களுக்கு இது புரிகிறது.
எனவே காற்று போல் போகும் அவரைக் கண்டு நாண
வேண்டிய அவசியமில்லாமல் போகிறது!

நேற்றையக் கனவில் இந்தப் படிமம் ஒளிந்து
கொண்டிருக்கிறது.
–
——————————–
நா.கண்ணன்
வைகைக்கரை காற்றே!……{கட்டுரையிலிருந்து}

**பழ.முத்துராமலிங்கம்** · 27/09/2015

நல்லதொரு வியாக்கியானம்
வியாசரை விட அவர் மகன்
உயர்ந்தவராக சித்தரிக்கப்படுகிறார்.
நன்றி ஐயா.

பாகவதத்தில் ஒரு காட்சி!

பாகவதத்தில் ஒரு காட்சி!

Re: பாகவதத்தில் ஒரு காட்சி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக