குறள் பெருமை ....

sundaram77 · sundaram77 Fri Oct 26, 2018 7:59 pm

திருவள்ளுவர் ஆக்கிய திருக்குறள் பற்றி பல்லோர் பல்வகையில் ஏத்திச் சொல்லியிருப்பிது பலருக்குத்
தெரியினும் சிலவற்றை இங்கு இடுவதில் தவறில்லை என்ற எண்ணத்தில் இன்னும் சில...

இரு அறிஞர்கள் கருத்துகள் இப்போது...

".....கல்வித் திறன் கைவரப் பெறாத சிறுவர் சிறுமிகளும் எளிதில் ஓதும் வண்ணம்
பெரும்பான்மையும் ஓரசை முதல் மூன்றசைகளுடைய எழுத்துக்களால் அமைந்துள்ளன.
அதில் காணப்படும் சில வடமொழிச் சொறகளும் முற்றிலும் வடமொழி உருவம் நீங்கித்
தமிழ் மொழி உருவம் வாய்ந்தவை. அவ்வெழுத்துக்கள் குறிக்கும் ஒலிகளும் மெல்லிய
ஒலிகள்; உரப்பு ஒலிகளும், இளைப்பு , கனைப்பு ஒலிகளும் அதில் காணப்படுவது அரிது.
சொற்கூட்டங்கூட்டங்களிலும் பொருள் விளங்கும் த்ன்மைக்குக் குறைவின்றி இடம் நோக்கிச்
சொற்களும் , சொற்றொடர்களும் பல குறள் பாக்களில் தொக்கி நிற்பனவாய் உள்ளன.
எந்தக் குறட்பாவிலும் யாதாமொரு சிறிய சொல்லுங்கூட ' நின்று பயனின்மை ' என்னும்
குற்றத்திற்கு உட்படாததாயுள்ளது.....சீர் எளிமை , அசை எளிமை , சொல் எளிமை ,
ஒலி எளிமை , சொற்செட்டு , சொற்கூட்டச்செட்டு , ஒலிச்செட்டு . சொற்கிடக்கை முறை
முதலிய உடற்றன்மைச் சிறப்புகளில் இந்நூலைப் போன்று விளங்கும் நூல் உலகிலுள்ள
எந்த மொழி நூல்களிலுமில்லை....."

".....' சொல்லுக சொல்லை பிறிதோர்சொல் அச்சொல்லை
வெல்லும் சொல்லுஞ் லின்மை யறிந்து '
என்று வரைந்துள்ள திருவள்ளுவர் தமது முப்பால் முழுதையும் இக்குறளினுக்கோர் இலக்கியமாகவே
அமைத்துப் பாடியிருக்கிறார்..."

**M.Jagadeesan** · **M.Jagadeesan** Sat Oct 27, 2018 5:17 pm

சொல்லுக சொல்லைப் பிறிதோர்சொல் அச்சொல்லை
வெல்லுஞ்சொல் லின்மை யறிந்து .

என்று இருக்கவேண்டும் . தவறாகப் பதிவிட்டுள்ளீர்கள் .

காதல் பார்வைக்கு " நோக்கு " என்று பெயர் .

" அண்ணலும் பார்த்தான் ; அவளும் பார்த்தாள் "

என்று கம்பர் எழுதாமல்

" அண்ணலும் நோக்கினான் ; அவளும் நோக்கினாள் "

என்று எழுதுகிறார் . இது வள்ளுவரிடமிருந்து கம்பர் கற்றது .

யான்நோக்கும் காலை நிலன்நோக்கும் நோக்காக்கால்
தான்நோக்கி மெல்ல நகும் .

என்ற குறளிலிருந்து " நோக்குதல் " என்னும் சொல்லைக் கம்பர் எடுத்துக்கொண்டார் .

எனவே எந்த சொல்லை எங்கு போடவேண்டுமோ , அங்கு போட்டால்தான் கவிதை சிறக்கும் .

**பழ.முத்துராமலிங்கம்** · 27/09/2015

M.Jagadeesan wrote:சொல்லுக சொல்லைப் பிறிதோர்சொல் அச்சொல்லை
வெல்லுஞ்சொல் லின்மை யறிந்து .

என்று இருக்கவேண்டும் . தவறாகப் பதிவிட்டுள்ளீர்கள் .

காதல் பார்வைக்கு " நோக்கு " என்று பெயர் .

" அண்ணலும் பார்த்தான் ; அவளும் பார்த்தாள் "

என்று கம்பர் எழுதாமல்

" அண்ணலும் நோக்கினான் ; அவளும் நோக்கினாள் "

என்று எழுதுகிறார் . இது வள்ளுவரிடமிருந்து கம்பர் கற்றது .

யான்நோக்கும் காலை நிலன்நோக்கும் நோக்காக்கால்
தான்நோக்கி மெல்ல நகும் .

என்ற குறளிலிருந்து " நோக்குதல் " என்னும் சொல்லைக் கம்பர் எடுத்துக்கொண்டார் .

எனவே எந்த சொல்லை எங்கு போடவேண்டுமோ , அங்கு போட்டால்தான் கவிதை சிறக்கும் .

மேற்கோள் செய்த பதிவு: 1283246
உங்கள் விளக்கம் அருமை ஜெகதீஸ்
நன்றி

Sponsored content · Sponsored content

குறள் பெருமை ....

குறள் பெருமை ....

Re: குறள் பெருமை ....

Re: குறள் பெருமை ....

Re: குறள் பெருமை ....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக