கல்தோன்றி மண்தோன்றா

sundaram77 · sundaram77 Thu Oct 25, 2018 7:15 pm

தமிழ் இனத்தின் தொன்மை பற்றி - அதாவது கல் தோன்றுவதற்கு முன்னால் என்பதை எல்லாம்
என் அறிவு ஒப்புவதில்லை எனினும் - உணர்வு மேலிடுவதை என்னால் தடுத்துக்கொள்ள முடிவதில்லை...
தமிழ் மிக , மிகப் பழமையானது என்பதில் நாம் யாவரும் பெருமை கொள்ளத்தானே
வேண்டும்...

பொய் அகல நாளும் புகழ்விளைத்தல் என் வியப்பாம்
வையகம் போர்த்த வயங்கொலிநீர் - கையகலக்
கல்தோன்றி மண்தோன்றாக் காலத்தே வாளொடு
முன்தோன்றி மூத்த குடி

ஐயனாரிதனார் என்கின்ற புலவர்
'புறப்பொருள் வெண்பா மாலை'யிலே ...

**சிவா** · **சிவா** Thu Oct 25, 2018 7:25 pm

கல் - மலை என்ற பொருளும் உண்டு

*கல் உயர் தோள், கிள்ளி பரி - மலை போன்ற உயரமான தோள் உடைய கிள்ளிச் சோழன்

*கல் இயங்கு கருங் குற மங்கையர் - மலையில் இயங்கும் கருப்பு நிறக் குறத்திப் பெண்கள்

மண் - வயல் என்ற பொருளும் உண்டு

மணிநீரும் "மண்ணும்" மலையும் அணிநீழற்
காடும் உடையது அரண் (குறள்)

மண் வளம்

*கல் தோன்றி = மலை தோன்றி
*மண் தோன்றா = வயல் தோன்றா

முல்லை/குறிஞ்சி தோன்றி, மருதம் தோன்றாக் காலத்தே..
கையில் வேல்-வில்-வாளோடு, முன்பு இருந்த = ஆதி குடிகள்!

கல்தோன்றி மண்தோன்றா

கல்தோன்றி மண்தோன்றா

Re: கல்தோன்றி மண்தோன்றா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக