சிறப்பாக படியுங்கள் மாணவர்களே!

-
சமஸ்கிருத கவிஞரான ஸ்ரீஹர்ஷர். ‘நைஷதம்’ என்னும்
பெயரில் நளதமயந்தி சரித்திரத்தை எழுதினார்.
நிஷத நாட்டு (நிடத நாடு) மன்னரான நளனின் கதையைச்
சொல்வதால் இந்த நுாலுக்கு இப்பெயர் வந்தது.

ஸ்ரீஹர்ஷரின் தந்தை ஒரு வித்வான். அவர் ஒருமுறை
தன் நாட்டுக்கு வந்த மற்றொரு
வித்வானுடன் நடந்த வாதப்போட்டியில் தோற்றார்.

தன்னால் நாட்டின் மானம் போனதாகக் கருதிய அவர்,
அந்தக் கவலையில் உடல்நிலை பாதிக்கப்பட்டார்.
இறக்கும் போது தன் மனைவி மாமல்லதேவிக்கு
, ‘சிந்தாமணி’ என்னும் மந்திரத்தை உபதேசித்தார்.
அதை முறைப்படி ஜபிப்பவர்கள் கலைவாணி அருளால்
வித்வானாக திகழ்வார் எனச் சொல்லி விட்டு மறைந்தார்.

இந்த மந்திரம் மூலம் மகனை வித்வானாக்க
முடிவெடுத்தாள் மாமல்லதேவி. குழந்தை ஸ்ரீஹர்ஷரை,
தன் மார்பில் அமர வைத்து மந்திரத்தை ஜபித்தாள்.
ஹர்ஷரும் மந்திரத்தை மழலை மொழியில் சொல்லத்
துவங்கினார்.

இதை ஒருபிணத்தின் மீது அமர்ந்துசொன்னால் உடனே
பலன்கிடைக்கும். இதற்காக அவள் தன் கழுத்தில் சுருக்கு
மாட்டி,தன்னையே அழித்துக்கொண்டாள்.

தாய் இறந்ததைஅறியாத அந்தக் குழந்தைமந்திரம்
உச்சரித்தது. அந்தக் குழந்தை மாபெரும் வித்வானாக
விளங்க சரஸ்வதி அருள்புரிந்தாள்.

ஸ்ரீஹர்ஷர் கவிஞராகி நைஷத காவியத்தை எழுதினார்.
தான் பெற்ற சிந்தாமணி மந்திரம் குறித்து அதில்
குறிப்பிட்டிருக்கிறார். தமயந்தியின் இஷ்ட தெய்வம்
சரஸ்வதி என்று இந்த நுாலில் வருகிறது.

அவளுக்கு சுயம்வரம் நடந்த போது, தேவர்கள் நளன் போல
உருவத்தை மாற்றி வரவே, உண்மையான நளன் யார் என
தெரியாமல் திண்டாடினாள்.

அப்போது சரஸ்வதியே அவளோடு இருந்து, உண்மையான
நளனை அடையாளம் காட்டினாள். ‘
தேவர்களுக்கு கால் பூமியில் படாது. மனிதர்களின் கால்
படும்’ என்று சூசகமாகஎடுத்துரைத்தாள்.

அதைக் கொண்டு, நிஜ நளனை அவள் அடையாளம் கண்டு
கொண்டதாக எழுதியிருக்கிறார்.

மகனுக்காக உயிர் தியாகம் செய்த மாமல்லதேவி போலவே
பெற்றோர் தங்களின் குழந்தைகளின் கல்விக்காக
தேவைகளைச் சுருக்கிக் கொண்டு செலவழிக்கிறார்கள்.

இதை உணர்ந்து மாணவர்கள் சிறப்பாக படித்து
பெற்றோருக்கு பெருமை தேடித் தர வேண்டும்.
–
————————————
தினமலர்
படம் – இணையம்