புழல் சிறை நுண்ணறிவு பிரிவு ஆய்வாளரை கொலை செய்ய தீவிரவாதிகள் திட்டம்



கைதிகளின் சொகுசு வாழ்க் கைளை அம்பலப்படுத்திய
புழல் சிறை நுண்ணறிவுப்பிரிவு காவல் ஆய்வாளர்
சுப்பையாவை கொலை செய்ய தீவிரவாதிகள்
திட்டமிட்டுள்ளதாக உளவுத்துறை அதிகாரிகள் எச்சரித்துள்ளனர்.

புழல் சிறையில் கைதிகள் சொகுசு வாழ்க்கை நடத்துவதாக
புகைப்படங்கள் வெளியாகி பர பரப்பை ஏற்படுத்தின.
உயர் பாது காப்பு பிரிவில் அடைக்கப்பட் டிருந்த போதைப்
பொருள் கடத்தல் காரர்கள், தீவிரவாத செயல்களில்
தொடர்புடையவர்களுக்கு சிறப்பு வசதிகள் செய்து
கொடுக்கப்பட்டு இருப்பதும் தெரியவந்தது.

புழல் சிறையில் கைதிகளிடம் லஞ்சம் வாங்கிக்கொண்டு
அவர்களுக்கு சொகுசு வசதிகள் செய்து கொடுப்பதாக
புகார்கள் எழுந்தன. அதைத் தொடர்ந்து புழல், கோவை,
சேலம், கடலூர், பாளையங்கோட்டை மத்திய சிறைச்
சாலைகளில் போலீ ஸார் திடீர் சோதனை நடத்தினர்.

புழல் சிறை வார்டர்கள் 23 பேரை இடமாற்றம் செய்து
சிறைத்துறை ஏடிஜிபி அசுதோஷ் சுக்லா நடவடிக்கை
எடுத்தார்.

புழல் சிறையின் நுண்ணறிவுப் பிரிவு காவல் ஆய்வாளராக
இருப்பவர் சுப்பையா. புழல் சிறை யில் நடந்த விஷயங்களை
வெளி யுலகத்துக்கு கொண்டு வந்தவர் இவர்தான்.

சுப்பையாவின் அறிக் கையால் புழல் சிறையில் கைதிகளுக்கு
செய்யப்பட்டு வந்த சலுகைகள் நிறுத்தப்பட்டுள்ளன.
விரும்பிய நேரத்தில் பிரியாணி சமைத்து சாப்பிட்ட
தீவிரவாதிகளுக்கு இது கஷ்டத்தை கொடுத் துள்ளது.

மேலும், கைதிகளிடம் இருந்து ஸ்மார்ட்போன்களும் பறிமுதல்
செய்யப்பட்டுவிட்டன. இதனால், உயர் பாதுகாப்பு பிரிவில்
உள்ள கைதிகள் சுப்பையா மீது கடும் கோபத்தில் உள்ளனர்.

இந்நிலையில் சுப்பையாவை கொலை செய்வதற்கு சிறையில்
உள்ள சில தீவிரவாதிகள் திட்டமிட்டு இருப்பதாகவும்
அதற்கான சந்தர்ப் பத்தை எதிர்பார்த்து அவர்கள்
காத்திருப்பதாகவும் மாநில உளவுத் துறை அதிகாரிகளுக்கு
தகவல் கிடைத்துள்ளது.

சிறையில் உள்ள தீவிரவாதிகளுக்கு தேவையான உதவிகளை,
வெளியே இருந்து செய்து வந்தவர்களின் செல்போன்
உரையாடல்களை கேட்டதன் மூலம் இந்த தகவல்கள் உறுதி
செய்யப் பட்டிருப்பதாகவும் உளவுத்துறை அதிகாரிகள்
தெரிவித்துள்ளனர்.

மேலும், இதுகுறித்து தமிழக அரசுக்கும் புழல் சிறை
நிர்வாகத் துக்கும் உளவுத்துறை அதிகாரிகள் அறிக்கை
அனுப்பியுள்ளனர்.

இந்து மத அமைப்பின் நிர்வாகிகள் கொலை வழக்கில்
கைதான நபர்கள் இந்த சதித்திட்டத்தில்
ஈடுபட்டுள்ளதாகவும் உளவுத்துறை அதிகாரிகள்
தெரிவித்துள்ளனர்.
-
------------------------------
தி இந்து

ஆமா, சொகுசா வாழ்ந்தவர்களை இப்படி செய்தால் கோபம் வரத்தானே செய்யும்!

சோற்றுக்கு தண்டமாய் பூமிக்கு பாரமாய் இருந்தால் இப்படி தான் திட்டம் தீட்ட சொல்லும் ...

இதுதான் சட்டம் வெள்ளை நாயை ஒருபோதும் கருப்பு நாயா ஆக்கமுடியாதுங்கோ. கைதிகளை கைதிகள் ன்னு சொல்லக்கூடாதுங்க.
அவர்கள் சிறையில் நல் வாழ்க்கை நடத்துபவர்கள் . உள்எதை சொன்னால் இப்படித்தாங்க >>>>>>>>>>>

தங்கள் சொல்லவருவதை சரியாக புரிந்து கொள்ள முடியவில்லை ஐயா ...
ஒரு கோபத்தினாலும் வேகத்தினாலும் தவறுகள் செய்து தண்டனை பெறுபவர்கள் இது போல சிந்திக்க மாட்டார்கள் அதே சமயம் அவர்கள் செய்த தவறினை நினைத்தது தான் வருந்துவார்கள்...
சொகுசு வாழ்க்கை, சட்டம் என்ன செய்து விடும், ஆள்பலம், அதிகார பலம்,குருட்டுத்தனமான முட்டாள்தனம் போன்றவற்றின் தூண்டுதலால் தவறு செய்தவர்களுக்கு நீங்கள் சொல்ல வருவதாக நான் நினைத்து கொண்டது பொருந்தாது ...