புரோ கபடி லீக்

புரோ கபடி தொடரின் 6-வது சீசன் ஆட்டங்கள் சென்னை நேரு உள்விளையாட்டு அரங்கில் தொடங்குகிறது. இதில் 12 அணிகள் கலந்து கொண்டுள்ளன.

இவை இரு பிரிவாக பிரிக்கப்பட்டுள்ளன.



இந்த தொடரின் லீக் ஆட்டங்கள் சென்னை, சோனிபட், புனே, பாட்னா, நொய்டா, மும்பை, அகமதாபாத், டெல்லி, ஹைதராபாத், ஜெய்ப்பூர், கொல்கத்தா ஆகிய நகரங்களில் அடுத்தடுத்து நடைபெறுகிறது. சுமார் 3 மாத காலங்கள் நடைபெறும் இந்தத் தொடரின் பிளே-ஆப் சுற்று ஆட்டங்கள் கொச்சியிலும், இறுதிப்போட்டி மும்பையில் ஜனவரி 5-ந் தேதியும் நடைபெறுகிறது.

இதில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா 3 முறை மோத வேண்டும். அடுத்து எதிர் பிரிவில் உள்ள அணிகளுடன் தலா ஒருமுறை மோத வேண்டும். மேலும் எதிர் பிரிவில் உள்ள ஒரு அணியுடன் மட்டும் வைல்டு கார்டு சுற்றில் விளையாட வேண்டும். இதன்படி ஒவ்வொரு அணியும் மொத்தம் 22 ஆட்டங்களில் விளையாடும். லீக் சுற்று முடிவில் இரு பிரிவிலும் முதல் 3 இடங்களை பிடிக்கும் அணிகள் பிளே-ஆப் சுற்றுக்கு முன்னேறும்.

3 எலிமினேட்டர், 2 தகுதி சுற்று ஆட்டங்களைத் தொடர்ந்து இறுதிப் போட்டி நடைபெறும். லீக் ஆட்டங்களின் முதற்கட்டம் சென்னையில் இன்று தொடங்கி வரும் 11-ம் தேதி வரை நடைபெறுகிறது. சென்னை நேரு உள்விளையாட்டரங்கில் இன்று இரவு 8 மணிக்கு நடைபெறும்

புரோ கபடி முதல் ஆட்டம்: தமிழ் தலைவாஸ் 42-26 என பாட்னாவை வென்றது

புரோ கபடி ‘லீக்’ போட்டியின் முதல் ஆட்டம் சென்னையில் நேற்று இரவு 8 மணிக்கு நடந்தது. இதில் அஜய் தாகூர் தலைமையிலான தமிழ் தலைவாஸ்- பாட்னா பைரேட்ஸ் அணிகள் மோதின.

சென்னையில் நடைபெற்ற முதல் லீக் போட்டியில் பாட்னா பைரேட்ஸ் அணியை 42 - 26 என்ற புள்ளி கணக்கில் தமிழ் தலைவாஸ் அணி வீழ்த்தியது. அந்த அணியின் கேப்டன் அஜய் தாகூர் அதிகபட்சமாக 14 புள்ளிகளை எடுத்து அணியின் வெற்றிக்கு வழிகோலினார்.

புதிய திரி தொடங்கலாம் என்று நினைத்தேன் அண்ணா ... அருமை ...

நேற்றைய முதல் ஆட்டம் அதிக விறுவிறுப்பு இல்லாமல் முடிந்து விட்டது ... பாட்னா பைரேட்ஸ் அணியிடம் எளிதில் வெற்றி பெற்றது தமிழ் தலைவாஸ் ..

நேற்று போட்டியினை காண அபிஷேக் பச்சன், விஜய் சேதுபதி, ஸ்ருதிஹாசன் போன்றோர் வருகை தந்திருந்தனர் ...

சென்னை : சென்னையில் நேற்று ஆறாவது புரோ கபடி லீக் தொடர் துவங்கியது. முதல் ஆட்டத்தில் தமிழ் தலைவாஸ் அணியும், சென்ற சீசனின் சாம்பியன் அணியான பாட்னா பைரேட்ஸ் அணியும் மோதின. மற்றொரு போட்டியாக யு மும்பா, புனேரி பல்தான் மோதல் நடைபெற்றது. அந்த போட்டி டையில் முடிந்து பரபரப்பை கூட்டியது. பாட்னா பைரேட்ஸ் அணி சாம்பியன் அணி என்பதால், தமிழ் தலைவாஸ் அணி வெற்றி பெற்று விடுமா என்ற எதிர்பார்ப்போடு போட்டி துவங்கியது.



சாம்பியன் அணின்னா எங்களுக்கென்ன?

துவக்கத்தில் இருந்தே தமிழ் தலைவாஸ் அணி முன்னிலையில் இருந்தது. கேப்டன் அஜய் தாக்குர் 14 புள்ளிகள் எடுத்து கலக்கினார். சாம்பியன் அணியா இருந்தா எங்களுக்கென்ன? என்பது போல பாட்னா பைரேட்ஸ் அணியை புரட்டி எடுத்த தமிழ் தலைவாஸ் அணி 42-26 என எளிதாக பெரிய வெற்றியை பதிவு செய்தது.



கோட்டை விட்ட பாட்னா பாட்னா அணி

தடுப்பதில் தான் கோட்டை விட்டது. சென்னை அணியின் நட்சத்திர வீரராக கேப்டன் அஜய் தாக்குர் இருக்கிறார். மிகச் சிறந்த ரெய்டரான அவர் நேற்றும் தன் திறமையை நிரூபித்தார்.



விஜய் சேதுபதி வந்தார்

இந்த போட்டியைக் காண ஸ்ருதிஹாசன் வந்திருந்தார். தமிழ் தலைவாஸ் அணியின் இந்த ஆண்டு சிறப்பு தூதராக நியமிக்கப்பட்ட நடிகர் விஜய் சேதுபதியும் போட்டியைக் காண வந்திருந்தார்.



டையில் முடிந்த ஆட்டம் யு மும்பா, புனேரி பல்தான் போட்டி:

டையில் முடிந்த ஆட்டம் யு மும்பா, புனேரி பல்தான் போட்டியில் இறுதி வரை இரண்டு அணிகளும் சளைக்காமல் புள்ளிகளை பெற்று வந்தன. கடைசி இரண்டு நிமிடங்கள் இருக்கையில் யு மும்பா அணி 31-29 என முன்னிலையில் இருந்தது. அடுத்த நிமிடத்தில், அந்த அணி 32-30 என முன்னிலையில் இருந்தது. எனினும், கடைசி நொடிகளில் புனேரி பல்தான் அணி இரண்டு புள்ளிகள் பெற்று 32-32 என போட்டியை டை செய்து அதிர்ச்சி அளித்தது.

-தட்ஸ் தமிழ்

ரா.ரமேஷ்குமார் wrote:புதிய திரி தொடங்கலாம் என்று நினைத்தேன் அண்ணா ... அருமை ...

நேற்றைய முதல் ஆட்டம் அதிக விறுவிறுப்பு இல்லாமல் முடிந்து விட்டது ... பாட்னா பைரேட்ஸ் அணியிடம் எளிதில் வெற்றி பெற்றது தமிழ் தலைவாஸ் ..

நேற்று போட்டியினை காண அபிஷேக் பச்சன், விஜய் சேதுபதி, ஸ்ருதிஹாசன் போன்றோர் வருகை தந்திருந்தனர் ...

மேற்கோள் செய்த பதிவு: 1280981

நன்றி தம்பி, கபடி செய்திகளை இங்கு தொடர்ந்து பதிவிடுவோம்!

உயிருக்கு அச்சுறுத்தல் இருந்தும் விஜய் சேதுபதி இதுபோன்ற நிகழ்ச்சிகளில் பங்கேற்பதை வரவேற்க தக்கது

ஆன்லைனில் பார்க்க லிங்க் கிடைத்தால் பதிவிடுங்கள் தம்பி.

போட்டியின் நேரத்தையும் குறிப்பிடுங்கள்

சிவா wrote:ஆன்லைனில் பார்க்க லிங்க் கிடைத்தால் பதிவிடுங்கள் தம்பி.

போட்டியின் நேரத்தையும் குறிப்பிடுங்கள்

Hotstar இனையதளத்தில் நேரடி ஒளிபரப்பு உள்ளது அண்ணா..

Sent from Topic'it App

ரா.ரமேஷ்குமார் wrote:

சிவா wrote:ஆன்லைனில் பார்க்க லிங்க் கிடைத்தால் பதிவிடுங்கள் தம்பி.

போட்டியின் நேரத்தையும் குறிப்பிடுங்கள்

Hotstar இனையதளத்தில் நேரடி ஒளிபரப்பு உள்ளது அண்ணா..

Sent from Topic'it App

மேற்கோள் செய்த பதிவு: 1281050