எது சின்ன பாவம்????? எது பெரிய பாவம்?

**krishnaamma** · **krishnaamma** Fri Sep 28, 2018 10:43 am

எது சின்ன பாவம்????? எது பெரிய பாவம்?

ஒரு ஞானியிடம் இரண்டு பேர் வந்தனர். ஒருவன் வருத்தத்தோடு கேட்டான்!!

நான் ஒரு பெரிய பாவம் செய்து விட்டேன். என் மனம் அதை நினைத்து தினமும் துடிக்கிறது. நான் செய்த பாவத்துக்கு மீட்சி உண்டா?

அடுத்தவன் ஞானியிடம் சொன்னான்,

நான் இவர் அளவுக்குப் பெரிய பாவம் எதுவும் செய்யவில்லை. சின்னச் சின்னப் பொய்கள், சிறு ஏமாற்றுக்கள் இப்படி நிறைய செய்துள்ளேன். தண்டிக்கும் அளவுக்கு இவை எல்லாம் பெரிய பாவங்களா என்ன?

ஞானி சிரித்தார்!!

முதல் ஆளிடம்,

”நீ போய் பெரிய பாறை ஒன்றைத் தூக்கிவா, ”என்றார்.

இரண்டாமவனிடம்,

நீ போய் இந்த கோணி நிறைய சிறு கற்களைப் பொறுக்கி வா என்றார்.

இருவரும் அவ்வாறே செய்தனர்.

முதல்வன் ஒரு பெரிய பாறையைத் தூக்கி வந்தான். அடுத்தவன் கோணி நிறைய சிறு கற்களைப் பொறுக்கிக் கொண்டு வந்தான.

இப்போது ஞானி சொன்னார்,

”சரி, இருவரும் கொண்டு வந்தவற்றை சரியாக எந்த இடத்தில் எடுத்தீர்களோ, அங்கேயே திரும்பப் போட்டுவிட்டு வாருங்கள்,” என்றார்.

முதல்வன் பாறையை எடுத்துக் கொண்டுபோய் எடுத்த இடத்தில் வைத்து விட்டுத் திரும்பினான். இரண்டாமவன் தயக்கத்துடன்,
இவ்வளவு கற்களை நான் எப்படி சரியாக அவை இருந்த இடத்திலேயே வைக்க முடியும்?” என்று கேட்டான்.

ஞானி சொன்னார்,

முடியாதல்லவா, அவன் பெரிய தவறு செய்தான். அதற்காக வருந்தி அழுது மன்னிப்புக் கேட்டு அவன் மாற்றுப் பரிகாரம் செய்து அவன் மீட்சி அடையலாம்.

நீ சின்னச் சின்னதாக ஆயிரம் தவறுகள் செய்தும் அவை பாவம் என்று கூட உணராதவன். யாரெல்லாம் பாதிக்கப் பட்டவர்கள் என்பது கூட உனக்கு நினைவிருக்காது.

அவனுக்கு மீட்சி சுலபம். உனக்குத்தான் மீட்சி என்பது மிகக் கடினம்!

சிறு துளிகள்????..!! பெரும் வெள்ளம்????..!! .

நன்றி whatsup !

**மாணிக்கம் நடேசன்** · 14/12/2009

நல்ல தகவல், நன்றி அக்கா.

இந்த பதிவைத் துவங்கியவர் நன்றி கூறியுள்ளார் மாணிக்கம் நடேசன்

**ayyasamy ram** · **ayyasamy ram** Fri Sep 28, 2018 11:34 am

எது சின்ன பாவம்????? எது பெரிய பாவம்? 103459460

எது சின்ன பாவம்????? எது பெரிய பாவம்? 3838410834

-
பாவத்திலே சின்ன பாவம், பெரிய பாவம் என்று கிடையாது.
அதுபோலவே பாவியிலும் சின்ன பாவி பெரிய பாவி
என்றெல்லாம் கிடையாது.

தேவனுடைய பார்வையில் எல்லா மனிதர்களும் பாவிகளே!
எல்லா பாவமும் சமமானதே! பாவம் நெருப்பு போன்றது.
ஒரு சிறிய நெருப்பு பொறிக்கு எவ்வளவு பெரிய காட்டையும்
கொழுத்திவிடும் வல்லமை உண்டு.

அதுபோலவே ஒரு சிறிய பாவம், விளையாட்டுத்தனமாய்
சொல்லப்படும் ஒரு பொய் கூட எவ்வளவு பெரிய
விளைவுகளை ஏற்படுத்தும் என்று யாராலும் கணிக்க
முடியாது.

ஆதாம் தேவன் உண்ணக்கூடாது என்று சொன்ன ஒரு கனியை
உண்டுவிட்டது பார்ப்பதற்கு ஒரு சிரிய காரியமாக
தோன்றலாம்.

ஆனால் அதினால் உண்டான விளைவுகளை உலகம்
மிக வேதனையோடு அனுபவித்தது.
-
---------------------------------
(பாவத்தின் சம்பளம் பேரழிவு என்ற
கட்டுரையிலிருந்து)

**krishnaamma** · **krishnaamma** Fri Sep 28, 2018 11:47 am

மாணிக்கம் நடேசன் wrote:நல்ல தகவல், நன்றி அக்கா.

நன்றி மாமா......நலமா? புன்னகை

Sponsored content · Sponsored content

எது சின்ன பாவம்????? எது பெரிய பாவம்?

எது சின்ன பாவம்????? எது பெரிய பாவம்?

Re: எது சின்ன பாவம்????? எது பெரிய பாவம்?

Re: எது சின்ன பாவம்????? எது பெரிய பாவம்?

Re: எது சின்ன பாவம்????? எது பெரிய பாவம்?

Re: எது சின்ன பாவம்????? எது பெரிய பாவம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக