பல்லி நேயம்!

**இளமாறன்** · **இளமாறன்** Sat Nov 12, 2011 5:23 pm

First topic message reminder :

பல்லி நேயம்!

First Published : 06 Nov 2011 12:00:00 AM IST

ஜப்பான் நாட்டில் எப்போது பூகம்பம் வரும் என்று தெரியாது. இதனால் அந்நாட்டில் மரத்தால்தான் வீடுகள் அமைக்கப்படும். இப்படி அமைக்கப்பட்ட ஒரு வீட்டில் நடந்த சம்பவம்தான் இந்தக் கதை.

ஐந்து ஆண்டுகளுக்கு முன் கட்டிய வீட்டில் சில மராமத்து பணிகள் செய்வதற்காக மரத்தாலான சுவரைப் பெயர்த்து எடுக்கும் போது, அவருக்கு ஓர் ஆச்சரியம் காத்திருந்தது. மரப்பலகையில் மையத்தில் அப்படி இப்படி அசையாமல் ஒரு பல்லி இருந்தது. அதை குச்சியால் நகர்த்தியும் பார்த்தார். அப்படியும் அது அந்த இடத்தைவிட்டு நகரவில்லை.

சில விநாடிகள் அந்தப் பல்லியையே உற்றுப்பார்த்தபடி இருந்த வீட்டு உரிமையாளருக்கு அப்போதுதான், அந்தப் பல்லியின் காலினையும் சேர்த்து ஓர் ஆணி தைத்திருந்தது தெரிந்தது.

வீட்டை கடந்த ஐந்து ஆண்டுகளாக பராமரிப்பு எதுவும் செய்யாத பட்சத்தில், இந்த வீட்டைக் கட்டும்போதே அந்தப் பல்லியின் காலோடு சேர்த்து ஆணி அறையப்பட்டிருக்கும் என்ற முடிவுக்கு வந்தார் வீட்டின் உரிமையாளர்.

இப்போது அவருக்கு, அசையாமல் ஒரே இடத்தில் இருக்கும் பல்லி எப்படி ஐந்து ஆண்டுகளாக உயிரோடு இருக்கிறது? யார் அதற்கு உணவு கொடுப்பார்கள்? என்பது போன்ற கேள்விகள் எல்லாம் வரிசையாகத் தோன்றின.

அவருக்கு வேறு வேலைகள் இருந்தாலும், அந்தப் பல்லியின் வாழ்வாதாரத்தைத் தெரிந்து கொள்ளும் ஆவலில் கண்கொட்டாமல் பார்த்துக் கொண்டிருந்தார்.

நேரம் கடந்து கொண்டிருந்தது. அந்தச் மரச் சுவரின் வேறொரு பக்கத்திலிருந்து திடீரென்று அங்கு ஊர்ந்து வந்தது இன்னொரு பல்லி. அதன் வாயில் இரை. ஆனால் அது எடுத்துவந்த இரையை மரத்தில் அசையாமல் இருந்த பல்லியின் வாய்க்கு மாற்றியது!

அடடா! அசையாமல் இருக்கும் பல்லிக்கு இன்னொரு பல்லியின் மூலம் உயிர் மூச்சு தொடர்ந்து கொண்டிருக்கும் விந்தையை எண்ணி எண்ணிப் பெருமைப்பட்டார் அந்த வீட்டின் உரிமையாளர்.

ஒரு பல்லியின் மேல் இன்னொரு பல்லிக்கு ஏற்பட்டிருக்கும் நேயம், ஒரு மனிதரின் மீது சகமனிதருக்கு இருந்தால் எவ்வளவு நன்றாக இருக்கும்?!

தினமணி

நவீன் · நவீன் Tue Mar 26, 2013 6:28 pm

**ayyasamy ram** · **ayyasamy ram** Sun Sep 23, 2018 9:09 am

ஒரு பல்லியால் முடியும்போது, நம்மால் முடியாதா? - Page 4 E_1537505069

ஜப்பானில் நடந்த உண்மை சம்பவம் இது:

ஜப்பான் நாட்டில், பெரும்பாலான வீடுகள் மரத்தால்,
இரண்டு கனமான கட்டைகளுக்கு இடையில்
இடைவெளி விட்டு கட்டப்பட்டிருக்கும்.

ஜப்பான் நாட்டை சேர்ந்த ஒருவர், தன் வீட்டை
புதுப்பிப்பதற்காக, மரத்தாலான சுவரை பெயர்த்து
எடுத்தார்.

அப்போது, இரண்டு கட்டைகளுக்கு இடையில்,
ஒரு பல்லி சிக்கி இருப்பதை பார்த்தார். அது, எப்படி
சிக்கியது என்று ஆராய்ந்தார்.

வெளிப் பகுதியிலிருந்து ஆணி அடிக்கும்போது,
அந்த ஆணி, பல்லியின் ஒரு காலில் இறங்கி இருக்கிறது.

அவருக்கு ஆச்சரியமாக இருந்தது; அந்த ஆணி அடித்து,
குறைந்தது மூன்று ஆண்டுகள் இருக்கும். எப்படி இந்த
பல்லி, மூன்று ஆண்டுகள் உயிருடன் இருந்தது என்ற
சந்தேகம் வர, மேற்கொண்டு வேலை செய்யாமல்,
அந்த பல்லியை கண்காணித்து வந்தார்.

சிறிது நேரம் சென்றதும், இன்னொரு பல்லி அதன்
அருகில் வருவதைக் கண்டார். அந்த பல்லி, தன்
வாயிலிருந்து உணவை எடுத்து, சுவரில் சிக்கிக்
கொண்டிருந்த பல்லிக்கு ஊட்டுவதை பார்த்து
ஆச்சரியமடைந்தார்.

மூன்று ஆண்டுகளாக, சுவரில் சிக்கி இருந்த தன் சக
பல்லிக்கு உணவு அளித்துள்ளது, இன்னொரு பல்லி.

சாதாரண ஒரு பல்லியால் முடியும்போது, நம்மால்
முடியாதா... 10 மாதம் சுமந்த, தாய் - தந்தைக்கு, அவர்கள்
முடியாத காலகட்டத்தில், நம்மால் உணவளிக்க முடியாதா...
-
--------------------
- ஜோல்னாபையன்.
வாரமலர்