இந்தி மொழி தேசிய மொழியா ?

வணக்கம் அன்பர்களே

கடந்த வாரம்
வேளை நிமித்தமாக காரணமாக மாவட்ட மருத்துவ அலுவலரை சந்திக்க சென்றிருந்தேன். எனக்கு இந்தி தெரியாது ஆனால் அதனால் நான் இங்கு ஆங்கிலத்தில் உரையாடுவேன்.

அருணாசல் பிரதேச மக்கள் நல்ல முறையில் ஆங்கிலம் பேசுவார்கள் ஏனெனில் இங்கு மத்திய கல்வி திட்டம் மட்டுமே.

இந்தியை யும் பயன்படுத்துவார்கள் வடகிழக்கு மாநிலத்தில் ஏனைய மிசோரம், திரிபுரா, மேகாலயா , அஸ்சாம் ( குவாகத்தி மற்றும் ஒரு சில நகரத்தை தவிர ) இந்த மாநிலத்தை சேர்ந்தவர்கள் இந்தியை பயன்படுத்துவது இல்லை , மணிப்பூர் கூட பயன்படுத்துவது கிடையாது.

இங்கு எல்லாம் மற்ற மாநிலத்தவர்கள் மட்டுமே இந்தியை பயன்படுத்துகின்றனர் அவர்களின் தொழில் வளர்ச்சி பயன்பாட்டிற்கு


இங்கெல்லாம் அவர்களின் தாய் மொழியானா , அஸ்சாமி, மணிப்பூரி, மிசோ, நெபாமிஸ், போன்ற மொழிகள் பேசி வருகின்றனர்

அருணாசல் மாநிலத்தில் அலுவல் மொழியாக ஆங்கிலம் மட்டுமே அனைத்து கடிதங்கள் , ஆணைகள் அனைத்தும் ஆங்கிலம் தான் ஏன் செய்தி தாள் கூட ஆங்கிலத்தில் தான் வெளி வருகிறது.

மற்ற வட மாநிலத்தவர்கள் இங்கு வந்து அவர்கள் தொழில் விருத்திக்காக இந்தியை தினித்துள்ளனர்.

நல்ல வேளை நாம் இந்தியை ஏற்காமல் இருப்பதும் ஒருவித நன்மையே இல்லையேல் தமிழகம் மற்ற மாநிலத்தவரின் ஆதிக்க பிடியில் அடங்கி போயிருக்கலாம்.


என்னை ஒரு அலுவலக உதவியாளர் வினவினார் ஏன் நீங்கள் இந்தியை ஏற்க மறுக்கின்றனர் இந்தி நம் தாய் மொழி மற்றும் தேசிய மொழி அல்லவா?

நான் கூறிய பதில்கள் அவரை வியப்படைய வைத்தது . இந்தி என்பது உங்களுக்கு தாய் மொழி கிடையாது , எனக்கும் தாய் மொழி கிடையாது நீங்கள் பேசும் பழைமையான பழங்குடி மொழியானா அதி ( பசி ) மொழியே உங்களின் தாய் மொழி , மற்றும் இந்தி என்பது தேசிய மொழி கிடையாது அது மத்திய அரசாங்கத்தின் அலுவல் மொழி , இந்தியாவில் தேசிய மொழி என்பதே கிடையாது .


முதலில் அனைவரும் ரூலிங் லாங்வேஜ் மற்றும் நேசனல் லாங்வேஜ் இவற்றின் வேறுபாட்டை புரிந்து கொள்ளுங்கள்.

அப்படி என்றால் உங்களின் அனைத்து ஆணைகளையும் , கடிதங்களையும் இந்தியிலேயே வெளியிட வேண்டியது தான் ஏன் ஆங்கிலத்தை பயன்படுத்துகிரீர் என்றேன் என்னுடைய விளக்கத்தை புரிந்து கொண்ட அவர் என்னிடம் மன்னிப்பும் கோரினார்.


மொழியை கற்பது அவசியமே ஆனால் அது தாய் மொழியை சிதைக்குமாயின் அந்த மொழி தேவையில்லை.என்னுடைய தமிழ் மீது கொண்ட பாசமோ ஏனோ தெரியவில்லை இன்று வரை என்னால் இந்தியை கற்க முடியவில்லை. அதனால் நான் வருந்தவும் இல்லை.மேலும் தமிழன் என்பதில் கர்வம் கொள்கிறேன்.


நன்றி

மீண்டும் ஒரு சுவையான அனுபவத்தோடு உங்களோடு இணைகிறேன்

அன்புடன்
கார்த்திக் ஜெயராம்