நவீன பொங்கல்

வித்யாசாகர் · வித்யாசாகர் Sat Dec 19, 2009 8:48 pm

நவீன பொங்கல்

இன்று தைப்பொங்கல்.
எல்லோரும் ஓடி
தொலைகாட்சி முன் அமர்ந்துக் கொண்டோம்;

நான் எட்டி சாமியை பார்த்தேன்
சாமியால் எங்களையோ
தொலைகாட்சியையோ
சபித்துவிட முடிய வில்லை ;

'பொங்கலோ பொங்கல்'
தொலைகாட்சி நிகழ்ச்சியில் கத்துகிறார்கள்;

சாமி வெளியே வந்து
எட்டிப் பார்கிறார்
காஸ் ஸ்டவ்வில்லிருந்து
பொங்கல் வெந்துவிட்டதென குக்கர் சத்தம் போட்டது;

சாமி கரும்பை தேடினார்
கரும்பு தோலுரிக்கப் பட்டு
துண்டு துண்டாக வெட்டி
பாலித்தின் பையில் போட்டு
சூப்பர் மார்க்கட்டில் விற்றதை
வாங்கி வந்து பிரிட்ஜில் வைத்ததாக
நான் சாமியிடம் சொல்லவே இல்லை;

சாமி வராண்டாவிற்கு வந்து
எங்கே மாடு.. வயக்காடு..
எதையுமே காணோமே என்றார்
என்னால் சாமியை -
சபித்துவிட முடியவில்லை

சாமி இன்னும் -
அந்த காலத்துலயே இருக்கு!
---------------------------------------------------------
வித்யாசாகர்

ரூபன் · ரூபன் Sat Dec 19, 2009 8:54 pm

உண்மையில் இன்று இதுதானே நடக்கிறது

வித்யாசாகர் · வித்யாசாகர் Sat Dec 19, 2009 9:13 pm

நம் காலநகர்தல் கொன்று வீழ்த்தும் சில பாரம்பரிய வீழ்ச்சியை எண்ணி வருந்தும் உணர்விது உறவே..

kirupairajah · kirupairajah Sun Dec 20, 2009 8:28 am

தற்காலத்தில் நிகழ்பவற்றை, கச்சிதமாக கவியாக்கி இருக்கிறீர்கள், நன்றி வித்தியாசாகர்!

செந்தில்குமார் · 04/10/2009

கவிஞர்கள் தேசத்தின் கால கண்ணாடிகள் என்பதை எடுத்து காட்டும் வித்யா அண்ணாவின் இன்னுமொரு படைப்பு

Sponsored content · Sponsored content

நவீன பொங்கல்

நவீன பொங்கல்

Re: நவீன பொங்கல்

Re: நவீன பொங்கல்

Re: நவீன பொங்கல்

Re: நவீன பொங்கல்

Re: நவீன பொங்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக