ஜெ. மரண விசாரணைக்கு ஒத்துழைக்காவிட்டால் சட்டப்படி நடவடிக்கை

**T.N.Balasubramanian** · **T.N.Balasubramanian** Thu Sep 06, 2018 7:11 pm

ஜெ. மரண விசாரணைக்கு ஒத்துழைக்காவிட்டால் சட்டப்படி நடவடிக்கை -

அப்போலோ மருத்துவமனைக்கு எச்சரிக்கை

முன்னாள் முதல்வர் ஜெயலலிதாவின் மறைவில் சந்தேகம் இருப்பதாக எழுந்த சர்ச்சையை நிவர்த்தி செய்ய தமிழக அரசால் முன்னாள் நீதிபதி ஆறுமுகசாமி தலைமையில் விசாரணை ஆணையம் அமைக்கப்பட்டது. இந்த ஆணையம் ஜெயலலிதாவுக்கு தொடர்புடைய அனைவரிடமும் விசாரணை மேற்கொண்டு வருகிறது.

அதேபோல், ஜெயலலிதா அனுமதிக்கப்பட்டு இருந்த அப்போலோ மருத்துவமனை மருத்துவர்களிடமும் விசாரணை மேற்கொள்ளப்பட்டது. கடந்த முறை நடைபெற்ற விசாரணையில், சில மருத்துவர்கள் கலந்துகொள்ளவில்லை எனவும், ஜெயலலிதாவின் சிகிச்சைக்காக கோடிக்கணக்கில் கட்டணம் பெற்றுக்கொண்டு விசாரணைக்கு ஒத்துழைக்க மறுப்பதாக விசாரணை ஆணையம் குற்றம் சாட்டியுள்ளது.

மேலும், இன்னும் 6 பேர் ஆஜராக வேண்டும் எனவும், அவர்கள் ஆஜராகவில்லை என்றால், அப்போலோ மருத்துவமனை நிர்வாகத்தின் மீது சட்டப்படி நடவடிக்கை எடுக்கப்படும் எனவும் ஆறுமுகசாமி தலைமையிலான விசாரணை ஆணையம் எச்சரித்துள்ளது.

நன்றி மாலைமலர்

ரமணியன்

**T.N.Balasubramanian** · **T.N.Balasubramanian** Thu Sep 06, 2018 7:19 pm

எனக்கு சில விஷயங்கள் புரியவில்லை.
தெரிந்தவர்கள் கூறலாம்.
நீதியரசர் ஆறுமுகசாமி அவர்கள் தலைமையில் கமிஷன் விசாரித்து வருகிறது: தமிழக அரசு நியமித்த கமிஷன். அவர் சம்பந்தப்பட்டவர்களை அழைத்து தகவல்கள் சேகரித்துவருகிறார்.
நடுவில் சசிகலா தரப்பு வக்கீல் சிலரை குறுக்குக்கேள்வி கேட்கிறார்.
இது சட்டத்திற்கு உட்பட்டதா?
ஆம் என்றால் அதை இருவர் கமிஷன் என்று அழைக்கலாமா?
அதைத்தான் அரசு ஒப்புக்கொண்டு நடவடிக்கை எடுக்குமா?

புரியவில்லை ----தெரியவில்லை--தெளிவுபடுத்துங்கள்.

ரமணியன்

ஜெ. மரண விசாரணைக்கு ஒத்துழைக்காவிட்டால் சட்டப்படி நடவடிக்கை

ஜெ. மரண விசாரணைக்கு ஒத்துழைக்காவிட்டால் சட்டப்படி நடவடிக்கை

Re: ஜெ. மரண விசாரணைக்கு ஒத்துழைக்காவிட்டால் சட்டப்படி நடவடிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக