அழகி தட்டச்சு மென்பொருள் - இலவசம்.

rtr_18 · rtr_18 Tue Sep 04, 2018 5:27 pm

First topic message reminder :

தமிழ் தட்டச்சு செய்யத் தெரியாமல் தமிழில் பேசுவதைப் போன்றே ஆங்கில எழுத்துக்களைத் தட்டினால் தமிழ் வார்த்தைகளைத் தரும் (Phonetic Transliteration முறையில்) அருமையான சாப்ட்வேர் அழகி. உதாரணமாக, அம்மா என்று தட்டச்சு செய்ய ammA என்று தட்டினால் கணினித் திரையில் "அம்மா" என்ற சொல் தோன்றும். இதற்கு எந்த விதமான தட்டச்சு முறையையும் பயிலத் தேவையில்லை. ஒரு text ஃபைலை உருவாக்கிக் கொண்டால், எந்த எழுத்துருவில்(Font) வேண்டுமானாலும் தட்டச்சு செய்யலாம். ஒவ்வொரு எழுத்துருவுக்கும்(Font) உண்டான பிரத்தியேக text ஃபைலை உருவாக்குவதும் எளிமையானது. Copy & Paste செய்யத் தெரிந்தால் போதுமானது. இவ்வளவு சிறப்பம்சங்கள் கொண்ட ஒரு மென்பொருள் முற்றிலும் இலவசமாகக் கிடைக்கிறது என்பது தமிழ் தெரிந்தும் தட்டச்சு செய்யத் தெரியாதவர்களுக்கு ஒரு வரப்பிரசாதம். தற்சமயம் தமிழைத் தவிர மலையாளம், தெலுங்கு, கன்னடம், சௌராஷ்ட்ரா, ஹிந்தி உள்ளிட்ட 16 மொழிகளில் பேசுவதைப் போன்றே(Phonetic Transliteration) தட்டச்சு செய்ய இயலும். இவ்வளவு சிறப்பம்சங்கள் கொண்ட மென்பொருளை 12 ஆண்டுகளுக்கும் மேலாக இலவசமாக அனைவரது பயன்பாட்டிற்கும் அளித்துவரும் திரு. விஸ்வநாதன் அவர்கள் எதிர்பார்ப்பதெல்லாம் இந்த மென்பொருள் மற்றும் பல நூற்றுக்கணக்கானவர்களைச் சென்றடைய வேண்டும் என்ற ஒற்றை வேண்டுகோள் மட்டுமே. வேறு எதையும் அவர் நம்மிடம் எதிர்பார்க்கவில்லை. எனவே, பெயரைப் போலவே அழகான இந்தத் தட்டச்சு மென்பொருள் மற்றும் பலரைச் சென்றடையத் துணைபுரிவோம். கீழுள்ள சுட்டிகளைத் தட்டி மேலும் பல விவரங்களை அறியலாம்.
https://www.azhagi.com/
http://azhagi.com/contribute.html
http://azhagi.com/spread.html

இந்தப் வலைப் பக்கங்களில் அவரது கொடை மிகவும் பெரிது;அரிது. ஆனால் அவர் எதிர்பார்ப்பதெல்லாம் இந்த மென்பொருள் பற்றிய தகவலை அனைவரையும் சேரச் செய்ய வைப்பதை மட்டுமே.

குழலோன் · குழலோன் Wed Sep 05, 2018 9:31 pm

நண்பரே, மன்னிக்கவும்!

சொல்ல வந்த செய்தியின் அடிப்படையைப் புரிந்துகொள்ளுங்கள்! ஆங்கிலத்தில் தட்டச்சு செய்யும் வித்தையை எங்குச் சென்று கற்றீர்கள்? ஆர்வமும் முயற்சியும் அதற்குக் காரணம். அதே ஆர்வத்தையும் ஈடுபாட்டையும் தமிழில் தட்டச்சு செய்வதிலும் காட்டலாமே! அதற்கெல்லாம் தொழில்நுட்பம் இடந்தராது என்று பலரும் பல காலம் சாக்கு போக்கு கூறிவந்தனர். ஆனால், அந்த வாதம் இனிச் செல்லாது. கைபேசியிலும் இணையத்திலும் தமிழின் பயன்பாடு அதிகரித்து வருகிறது. இனி வரும் இளந்தலைமுறையினரையாவது தமிழில் முழுமையாக மூழ்கி எழச் செய்யுங்கள். தமிழனின் முகவரியே தமிழ்தான்! உலகத்தில் தமிழன் இல்லாத நாடே கிடையாது; ஆனால், தமிழனுக்கென்று ஒரு நாடு கிடையாது! ஒரு காலத்தில் உலகத்தையே ஆண்ட மொழி, தமிழ்! அதைத் துதிக்க வேண்டாம்! குறைந்தபட்சம் மிதிக்காமலாவது இருக்கலாமே!

அழகி தட்டச்சு மென்பொருள் - இலவசம்.

அழகி தட்டச்சு மென்பொருள் - இலவசம்.

Re: அழகி தட்டச்சு மென்பொருள் - இலவசம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக