பராமரிக்க பணமில்லை: ஆர்.கே. ஸ்டூடியோவை விற்பனை செய்ய கபூர் குடும்பத்தினர் முடிவு

மும்பை:
மும்பையின் பிரபல ஆர்.கே. ஸ்டூடியோவை விற்பனை
செய்ய ராஜ்கபூர் குடும்பத்தினர் முடிவு செய்துள்ளதாக
தகவல் வெளியாகியுள்ளது.

இந்தி பட உலகில் புகழ் பெற்ற கபூர் குடும்பம். இந்த
குடும்பத்தை சேர்ந்த நடிகரும் தயாரிப்பாளருமான
ராஜ்கபூரால் 1948-ம் ஆண்டு மும்பையின் செம்பூர் என்ற
பகுதியில் கட்டப்பட்டது இந்த படப்பிடிப்புத் தளம்

இந்தியில் வெற்றிகரமாக ஓடி வசூலில் சாதனைகள்
புரிந்த! பாபி', !சத்யம் சிவம் சுந்தரம்' ! ராம் தேரி கங்கா
மெய்லி', !மேரே நாம் ஜோக்கர்' உள்பட நூற்றுக்
கணக்கான படங்களின் படப்பிடிப்புகள் இங்கு
நடந்துள்ளன..

மும்பையின் அடையாளமாக இன்றும் கருதப்படும்
புகழ்பெற்றது இந்த ஸ்டூடியோ.

கடந்த ஆண்டு இந்த ஸ்டூடியோவில் பெரும் தீ விபத்து ஏ
ற்பட்டதில் பலத்த பொருட் சேதம் அடைந்தது. இதனை
புனரமைக்க முடியாமல் கபூர் குடும்பத்தினர் திணறி
வந்தனர்.

இனிமேலும் யானைக்கு தீனி போடும் வேலையை
பார்க்க வேண்டாம் இதனை விற்பதே மேல் என முடிவு
செய்துள்ளனர்.

70 ஆண்டுகள் பழமை வாய்ந்த இந்த ஸ்டூடியோவில் தற்போது
படப்பிடிப்புகள் நடப்பது குறைந்து போனது. டி.வி.
சீரியல்களுக்காக சூட்டிங் மட்டும் நடந்து வருவதாக
கூறப்படுகிறது.

எனினும் தற்போதைய நிலையில் ஸ்டூடியோவை மீண்டும்
சரிசெய்ய கோடிக்கணக்கில் செலவாகும் என்பதால் அதை
விற்றுவிடுவதை தவிற வேறு வழியில்லை என்ற முடிவுக்கு
கபூர் குடும்பத்தினர் வந்துவிட்டனர்.

விரைவில் ஸ்டூடியோ கைமாற இருப்பதாக தகவல்கள்
தெரிவிக்கின்றன.

இது குறித்து கபூர் குடும்பத்தைச் சேர்ந்த பிரபல நடிகை
கரீனா கபூர் கூறியது, மனதுக்கு வேதனையை அளிக்கிறது.

எனக்கு மிகவும் பிடித்தமான இடம். சிறுவயதில் அந்த
ஸ்டூடியோவுக்குள் நான் விளையாடிய நினைவுகள் இன்னும்
மனதில் இருக்கிறது. ஸ்டூடியோவை விற்க முடிவு செய்தது
வருத்தமாக இருக்கிறது.

எனது குடும்பத்தினர் முடிவு என்பதால் என்னால் எதுவும்
கூற முடியவில்லை'' என்றார்.
-
--------------------
தினமலர்

நல்ல முடிவு